65W ഫാസ്റ്റ് ചാർജിംഗ് സപ്പോർട്ടുമായി റിയൽ‌മി 8 പ്രോ അവതരിപ്പിച്ചേക്കും

റിയൽ‌മി 8 പ്രോ യു‌എസ് എഫ്‌സി‌സി പട്ടികയിൽ‌ കണ്ടെത്തിയതായി റിപ്പോർ‌ട്ട് ചെയ്യുകയും ഈ ഹാൻഡ്‌സെറ്റ് ചില സവിശേഷതകളെക്കുറിച്ച് സൂചനയും നൽകുന്നു. കഴിഞ്ഞ വർഷം സെപ്റ്റംബറിൽ അവതരിപ്പിച്ച റിയൽ‌മി 7 സീരീസിൻറെ പിൻഗാമികളായിരിക്കും റിയൽ‌മി 8 പ്രോയും വാനില റിയൽ‌മി 8 ഹാൻഡ്സെറ്റും. ഈ രണ്ട് സ്മാർട്ട്ഫോണുകളും ഉടൻ തന്നെ പുറത്തിറങ്ങുമെന്ന് അടുത്തിടെ കമ്പനിയുടെ യൂറോപ്പ് സിഇഒയുമായ മാധവ് ഷെത്ത് അവ പുറത്തിറങ്ങും സൂചിപ്പിച്ചിരുന്നു. റിയൽ‌മി 8 പ്രോയുടെ എഫ്‌സിസി ലിസ്റ്റിംഗ് ഫോണിൽ 65W ഫാസ്റ്റ് ചാർജിംഗ് ഫീച്ചർ ചെയ്യുമെന്നും റിയൽ‌മി യുഐ 2.0ൽ പ്രവർത്തിപ്പിക്കുമെന്നും സൂചിപ്പിക്കുന്നു.

റിയൽ‌മി 8 സീരീസിന് ഇതുവരെ റിലീസ് തീയതികളൊന്നും നൽകിയിട്ടില്ല. എന്നാൽ, റിയൽ‌മി 8, റിയൽ‌മി 8 പ്രോ എന്നീ രണ്ട് സ്മാർട്ട്ഫോണുകൾ‌ ഉടൻ‌ പുറത്തിറക്കുമെന്ന് പ്രതീക്ഷിക്കുന്നു. ഈ സ്മാർട്ട്ഫോണുകൾ മുൻ‌കാലങ്ങളിൽ ഔദ്യോഗികമായി സൂചിപ്പിച്ചിരുന്നു. ഇപ്പോൾ റിയൽ‌മി 8 പ്രോ എന്ന് വിശ്വസിക്കപ്പെടുന്ന മോഡൽ നമ്പർ RMX3081 വരുന്ന ഒരു റിയൽ‌മി ഫോണിൻറെ എഫ്‌സി‌സി ലിസ്റ്റിംഗ് ലോഞ്ച് ചെയ്യുമ്പോൾ ഫോണിൽ നിന്ന് പ്രതീക്ഷിക്കാവുന്ന ചില സവിശേഷതകളെക്കുറിച്ച് സൂചന നൽകുന്നു.

65W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന 4,500 എംഎഎച്ച് ബാറ്ററിയാണ് റിയൽ‌മി 8 പ്രോയിൽ വരിക. ഇത് ആൻഡ്രോയിഡ് 11 അടിസ്ഥാനമാക്കിയുള്ള റിയൽ‌മി യുഐ 2.0 പ്രവർത്തിക്കാനിടയുണ്ട്. റീട്ടെയിൽ ബോക്‌സിന്റെ ഒരു ചിത്രം പങ്കിട്ടുകൊണ്ട് റിയൽ‌മി സിഇഒ മാധവ് ഷെത്ത് അടുത്തിടെ വാനില റിയൽ‌മി 8 ന്റെ ചില സവിശേഷതകൾ സൂചിപ്പിച്ചിരുന്നു. 6.4 ഇഞ്ച് സൂപ്പർ അമോലെഡ് ഡിസ്‌പ്ലേയാണ് ഈ സ്മാർട്ട്ഫോണിന്റെ സവിശേഷത.

കൂടുതൽ വായിക്കുക: റെഡ്മി നോട്ട് 10 പ്രോ മാക്സ്, നോട്ട് 10 പ്രോ, നോട്ട് 10 സ്മാർട്ട്ഫോണുകൾ ഇന്ത്യൻ വിപണിയിൽ അവതരിപ്പിച്ചു

മീഡിയടെക് ഹീലിയോ ജി 95 SoC പ്രോസസർ ആയിരിക്കും ഈ ഹാൻഡ്‌സെറ്റിന് കരുത്തേകുന്നത്. 30W ഡാർട്ട് ചാർജ് ഫാസ്റ്റ് ചാർജിംഗിനുള്ള സപ്പോർട്ട് വരുന്ന 5,000 എംഎഎച്ച് ബാറ്ററിയാണ് ഇതിൽ ഉൾപ്പെടുത്തിയിരിക്കുന്നത്. പ്രോ വേരിയന്റിന് വാനില വേരിയന്റിനേക്കാൾ ചെറിയ ബാറ്ററിയുണ്ടാകാമെന്നും എന്നാൽ, ഇത് ചാർജിംഗ് വേഗതയുടെ ഇരട്ടിയിലധികം വരാമെന്നും ഈ വിശദാംശങ്ങൾ സൂചിപ്പിക്കുന്നു.