റിയൽമി 8എസ് 5ജിയുടെ ആദ്യ വിൽപ്പന ഇന്ന്, ഈ സ്മാർട്ട്ഫോൺ വിലക്കിഴിവിൽ സ്വന്തമാക്കാം

റിയൽമി 8എസ് 5ജി: വിലയും ഓഫറുകളും

റിയൽമി 8എസ് 5ജി സ്മാർട്ട്ഫോണിന്റെ 6 ജിബി റാമും 128 ജിബി സ്റ്റോറേജുമുള്ള വേരിയന്റിന് 17,999 രൂപയാണ് വില വരുന്നത്. 8 ജിബി റാമും 128 ജിബി സ്റ്റോറേജുമുള്ള മോഡലിന് 19,999 രൂപ വിലയുണ്ട്. യൂണിവേഴ്സ് പർപ്പിൾ, യൂണിവേഴ്സ് ബ്ലൂ കളർ ഓപ്ഷനുകളിൽ ഈ ഡിവൈസ് ലഭ്യമാകും. റിയൽ‌മി 8എസിന് ലഭിക്കുന്ന ലോഞ്ച് ഓഫറുകളിൽ പ്രധാനപ്പെട്ടത് ഐസിഐസിഐ ബാങ്ക് ക്രെഡിറ്റ് അല്ലെങ്കിൽ ക്രെഡിറ്റ് ഇഎംഐ ഉപയോഗിച്ച് ഫോൺ വാങ്ങുന്നവർക്ക് 1,500 രൂപ കിഴിവ് ലഭിക്കും എന്നതാണ്.

റിയൽമി 8എസ് 5ജി: സവിശേഷതകൾ

റിയൽമി 8എസ് 5ജി സ്മാർട്ട്ഫോണിൽ 6.5 ഇഞ്ച് ഫുൾ എച്ച്‌ഡി+ (1,080x2,400 പിക്സൽ) ഡിസ്പ്ലേയാണ് നൽകിയിട്ടുള്ളത്. 20: 9 അസ്പാക്ട് റേഷിയോ, 90 ഹെർട്സ് റിഫ്രഷ് റേറ്റ്, 180Hz ടച്ച് സാമ്പിൾ റേറ്റ്, 90.5 ശതമാനം സ്ക്രീൻ-ടു-ബോഡി റേഷിയോ, 600 നീറ്റ് പീക്ക് ബ്രൈറ്റ്നസ് എന്നിവയുള്ള ഡിസ്പ്ലെയാണ് ഇത്. ഈ 5ജി സ്മാർട്ട്ഫോണിന് കരുത്ത് നൽകുന്നത് ഒക്ട-കോർ ​​മീഡിയടെക്ക് ഡൈമെൻസിറ്റി 810 എസ്ഒസിയിയാണ്. കഴിഞ്ഞ മാസമാണ് ഈ ചിപ്പ് പുറത്തിറങ്ങിയത്. 8ജിബി വരെ LPDDR4x റാമും 5ജിബി വരെ വെർച്വൽ റാം സപ്പോർട്ടും ഡിവൈസിൽ ഉണ്ട്.

റിയൽ‌മി 8എസ് 5ജിയിൽ ട്രിപ്പിൾ റിയർ ക്യാമറ സെറ്റപ്പാണ് ഉള്ളത്. എഫ്/1.8 ലെൻസുള്ള 64 മെഗാപിക്സൽ പ്രൈമറി സെൻസർ, F/2.4 ലെൻസുള്ള 2 മെഗാപിക്സൽ മോണോക്രോം സെൻസർ, f/2.4 മാക്രോ ലെൻസുള്ള 2 മെഗാപിക്സൽ പോർട്രെയിറ്റ് സെൻസർ എന്നിവയാണ് പിൻ ക്യാമറ സെറ്റപ്പിൽ ഉള്ളത്. സെൽഫികൾക്കും വീഡിയോ കോളുകൾക്കുമായി എഫ്/2.1 ലെൻസുള്ള 16 മെഗാപിക്സൽ സെൽഫി ക്യാമറ സെൻസറും സ്മാർട്ട്ഫോണിൽ ഉണ്ട്.

128 ജിബി യു‌എഫ്‌എസ് 2.1 സ്റ്റോറേജാണ് ഫോണിൽ ഉള്ളത്. മൈക്രോ എസ്ഡി കാർഡ് സ്ലോട്ട് വഴി 1 ടിബി വരെ സ്റ്റോറേജ് എക്സ്പാൻഡ് ചെയ്യാനും കഴിയും. കണക്റ്റിവിറ്റി ഓപ്ഷനുകളായി 5ജി, 4ജി വോൾട്ടി, വൈഫൈ 802.11ac, ബ്ലൂടൂത്ത് v5.1, ജിപിഎസ്/ എ-ജിപിഎസ്, യുഎസ്ബി ടൈപ്പ്-സി പോർട്ട് എന്നിവ നൽകിയിട്ടുണ്ട്. ആക്സിലറോമീറ്റർ, ആംബിയന്റ് ലൈറ്റ്, ഗൈറോസ്കോപ്പ്, മാഗ്നെറ്റോമീറ്റർ, പ്രോക്സിമിറ്റി സെൻസർ എന്നിവയും ഡിവൈസിൽ ഉണ്ട്. 33W ഡാർട്ട് ചാർജ് ഫാസ്റ്റ് ചാർജിങ് സപ്പോർട്ടുള്ള 5,000 എംഎഎച്ച് ബാറ്ററിയാണ് റിയൽമി 8എസ് 5ജി സ്മാർട്ട്ഫോണിലുള്ളത്. ഈ ഡിവൈസ് ആൻഡ്രോയിഡ് 11 ബേസ്ഡ് റിയൽ‌മി യുഐ 2.0ൽ പ്രവർത്തിക്കുന്നു.

ഈ സ്മാർട്ട്ഫോൺ വാങ്ങണോ

5ജി കണക്റ്റിവിറ്റി, ഡൈമെൻസിറ്റി 810 എസ്ഒസി, മികച്ച ക്യാമറ സെറ്റപ്പ് എന്നിവയുള്ള റിയൽ‌മി 8എസ് സ്മാർട്ട്ഫോൺ 17,999 രൂപയ്ക്ക് മികച്ചൊരു ചോയിസ് തന്നെയാണ്. എങ്കിലും സ്മാർട്ട്‌ഫോണിൽ എൽസിഡി പാനലാണ് ഉള്ളത് എന്നതൊരു പോരായ്മയായി കാണിക്കാം. ഈ വില വിഭാഗത്തിൽ ഇതിനെക്കാൾ മികച്ച ഡിസ്പ്ലെകൾ ലഭ്യമാണ്. സാംസങ് ഗാലക്‌സി എ22, ഐക്യുഒഒ Z3 എന്നിവ പോലുള്ള സ്മാർട്ട്‌ഫോണുകളോട് മത്സരിക്കുന്ന മികച്ച ഡിവൈസ് തന്നെയാണ് റിയൽ‌മി 8എസ്. ആദ്യ വിൽപ്പനയിൽ ലഭിക്കുന്ന ക്യാഷ്ബാക്ക് ഓഫർ കൂടി പരിഗണിക്കുമ്പോൾ മികച്ച ചോയിസാണ് ഇത്.