റിയൽ‌മി C11 സ്മാർട്ട്ഫോൺ ജൂലൈ 14ന് ഇന്ത്യയിലെത്തും; പ്രതീക്ഷിക്കുന്ന വിലയും സവിശേഷതകളും

റിയൽ‌മി C11; ലോഞ്ചും പ്രതീക്ഷിക്കുന്ന വിലയും

കമ്പനി പുറത്ത് വിട്ട വിവരങ്ങൾ അനുസരിച്ച് റിയൽ‌മി C11 ഡിജിറ്റൽ ലോഞ്ച് ഇവന്റിലൂടെ ഇന്ത്യയിൽ അവതരിപ്പിക്കും. ജൂലൈ 14 ന് ഉച്ചയ്ക്ക് 1 മണിക്ക് കമ്പനിയുടെ സോഷ്യൽ മീഡിയ ചാനലുകളായ ഫേസ്ബുക്ക്, ട്വിറ്റർ, യൂട്യൂബ് എന്നിവയിലൂടെ ലോഞ്ച് സ്ട്രീം ചെയ്യും. മിന്റ് ഗ്രീൻ, പെപ്പർ ഗ്രേ കളർ ഓപ്ഷനുകളിലാണ് ഫോൺ പുറത്തിറക്കിയിരിക്കുന്നത്. റിയൽ‌മി C11 മലേഷ്യയിൽ പുറത്തിറങ്ങിയത് ആർ‌എം 429 എന്ന വിലയ്ക്കാണ് ഇത് ഏകദേശം 7,560 രൂപയോളം വരുന്നു.

റിയൽ‌മി C11: സവിശേഷതകൾ‌

മലേഷ്യയിൽ പുറത്തിറക്കിയ ഡിവൈസിന്റെ സവിശേഷതകൾ പരിശോധിച്ചാൽ, കോർണിംഗ് ഗോറില്ല ഗ്ലാസ് 3+ പ്രോട്ടക്ഷനോട് കൂടിയ 6.52 ഇഞ്ച് മിനി ഡ്രോപ്പ് ഡിസ്‌പ്ലേയാണ് റിയൽമി സി11 സ്മാർട്ട്ഫോണിലുള്ളത്. ഈ ഡിസ്പ്ലെ 1600 x 720 പിക്‌സൽ എച്ച്ഡി + റെസല്യൂഷനും 20: 9 എന്ന റേഷിയോവും കൂടിയതാണ്. ഐ‌എം‌ജി പവർ‌വി‌ആർ ജി‌ഇ 8320 ജിപിയു, 2 ജിബി എൽ‌പി‌ഡി‌ഡി‌ആർ 4 എക്സ് റാം, 32 ജിബി ഇഎം‌എം‌സി 5.1 സ്റ്റോറേജ് സ്പേസ് എന്നിവയും ഡിവൈസിൽ ഉണ്ട്.

12 എൻ‌എം പ്രോസസ് ബേസ്ഡ് ഒക്ടാകോർ 2.3 ജിഗാഹെർട്സ് മീഡിയടെക് ഹീലിയോ ജി 35 സോസിയുടെ കരുത്താണ് ഈ ബജറ്റ് സ്മാർട്ട്‌ഫോണിന്റെ ഏറ്റവും വലിയ സവിശേഷത. ഡെഡിക്കേറ്റഡ് മൈക്രോ എസ്ഡി കാർഡ് സ്ലോട്ട് ഉപയോഗിച്ച് 256 ജിബി വരെ സ്റ്റോറേജ് എക്സ്പാൻഡ് ചെയ്യാനുള്ള സംവിധാനവും ഡിവൈസിൽ റിയൽമി നൽകിയിട്ടുണ്ട്.

റിയൽ‌മി C11 സ്മാർട്ട്ഫോണിന്റെ പിൻഭാഗത്ത് ഒരു ഡ്യുവൽ ക്യാമറ സെറ്റപ്പാണ് ഉള്ളത്. 13 എംപി പ്രൈമറി സെൻസർ എഫ് / 2.2 അപ്പർച്ചർ, പി‌ഡി‌എഫ്, എൽഇഡി ഫ്ലാഷ്, 2 എംപി സെക്കൻഡറി ഡെപ്ത് സെൻസർ എന്നിവ ഉൾക്കൊള്ളുന്ന ക്യാമറ സെറ്റപ്പാണ് ഇത്. മുൻവശത്ത് 5 എംപി സെൽഫി ക്യാമറ സെൻസറും നൽകിയിട്ടുണ്ട്.

പി 2 ഐ സ്പ്ലാഷ് റെസിസ്റ്റന്റ് കോട്ടിംഗ്, ഡ്യുവൽ 4 ജി വോൾട്ട്, വൈ-ഫൈ, ബ്ലൂടൂത്ത് 5, ജിപിഎസ്, ഡ്യുവൽ സിം സപ്പോർട്ട്, 5000 എംഎഎച്ച് ബാറ്ററി എന്നിവയാണ് റിയൽമി സി 11 സ്മാർട്ട്ഫോണിന്റെ മറ്റ് പ്രധാന സവിശേഷതകൾ. ഈ വില നിലവാരത്തിലെ മറ്റ് എൻ‌ട്രി ലെവൽ‌ സ്മാർട്ട്‌ഫോണുകൾ‌ക്ക് സമാനമായി പിൻ‌വശത്ത് ഫിസിക്കൽ‌ ഫിംഗർ‌പ്രിൻറ് സെൻ‌സറില്ലാതെയാണ് ഈ ഡിവൈസ് പുറത്തിറക്കിയിരിക്കുന്നത്.