ബജറ്റ് വിപണി പിടിക്കാൻ റിയൽമി സി31 സ്മാർട്ട്ഫോൺ ഇന്ത്യയിലെത്തി, വില 8,999 രൂപ മുതൽ

റിയൽമി സി31: വില

രണ്ട് സ്റ്റോറേജ് ഓപ്ഷനുകളിലാണ് റിയൽമി സി31 ഇന്ത്യയിൽ അവതരിപ്പിച്ചിരിക്കുന്നത്. ബേസ് മോഡലിൽ 3 ജിബി റാമും 32 ജിബി ഇന്റേണൽ സ്റ്റോറേജുമാണ് ഉള്ളത്. ഈ ഡിവൈസിന് 8,999 രൂപയാണ് വില. 4 ജിബി റാമും 64 ജിബി സ്റ്റോറേജുമുള്ള മോഡലിന് ഇന്ത്യയിൽ 9,999 രൂപയാണ് വില. ഗ്രീൻ, സിൽവർ എന്നിങ്ങനെ രണ്ട് നിറങ്ങളിൽ ഈ ഡിവൈസ് ലഭ്യമാകും. ഏപ്രിൽ 6 മുതലാണ് റിയൽമി സി31 സ്മാർട്ട്ഫോണിന്റെ വിൽപ്പന ആരംഭിക്കുന്നത്. ഫ്ലിപ്പ്കാർട്ട്, റിയൽമി.കോം, റീട്ടെയിൽ സ്റ്റോറുകൾ എന്നിവ ഫോൺ വഴി വിൽപ്പനയ്‌ക്കെത്തും.

റിയൽമി സി31: സവിശേഷതകൾ

റിയൽമി സി31 സ്മാർട്ട്ഫോണിൽ എച്ച്ഡി+ റെസല്യൂഷനോടുകൂടിയ 6.5 ഇഞ്ച് ഐപിഎസ് എൽസിഡി ഡിസ്പ്ലെയാണ് ഉള്ളത്. സ്‌ക്രീനിന് മുകളിൽ ഒരു വാട്ടർഡ്രോപ്പ് നോച്ചുള്ള ഡിവൈസിൽ അൽപ്പം കട്ടിയുള്ള ബെസലാണ് താഴത്തെ ഭാഗത്ത് നൽകിയിട്ടുള്ളത്. 88.7 ശതമാനം സ്‌ക്രീൻ-ടു-ബോഡി റേഷിയോ ആണ് ഈ ഡിവൈസിന്റെ ഡിസ്പ്ലെയ്ക്ക് ഉള്ളത്. ഇതൊരു ബജറ്റ് സ്മാർട്ട്‌ഫോണായതിനാൽ തന്നെ 60Hz റിഫ്രഷ് റേറ്റാണ് ഫോണിൽ നൽകിയിരിക്കുന്നത്.

മൂന്ന് പിൻ ക്യാമറകളാണ് റിയൽമി സി31 സ്മാർട്ട്ഫോണിലുള്ളത്. ബജറ്റ് വിഭാഗത്തിൽ മൂന്ന് ക്യാമറകൾ ലഭ്യമാക്കുന്നു എന്നത് തന്നെയാണ് ഈ ഡിവൈസിന്റെ വലിയ സവിശേഷത. എഫ്/2.2 അപ്പേർച്ചറുള്ള 13 എംപി പ്രൈമറി ക്യാമറയാണ് പിന്നിലെ ട്രിപ്പിൾ റിയർ ക്യാമറ സെറ്റപ്പിന്റെ മുഖ്യ ആകർഷണം. ഇതിനൊപ്പം 2എംപി മാക്രോ സെൻസറും 2 എംപി ബ്ലാക്ക് ആൻഡ് വൈറ്റ് സെൻസറുമാണ് റിയൽമി നൽകിയിട്ടുള്ളത്. സെൽഫികൾക്കും വീഡിയോ കോളുകൾക്കുമായി ഈ ഡിവൈസിൽ 5 എംപി ക്യാമറയും നൽകിയിട്ടുണ്ട്.

റിയൽമി സി31 സ്മാർട്ട്ഫോണിന് കരുത്ത് നൽകുന്നത് യൂണിസോക്ക് ടി612 എസ്ഒസിയാണ്. 4 ജിബി വരെ റാമും 64 ജിബി ഇന്റേണൽ സ്റ്റോറേജും ഫോണിനുണ്ട്. ഈ സ്റ്റോറേജ് തികയാതെ വരുന്ന ആളുകൾക്കായി മൈക്രോ എസ്ഡി കാർഡ് വഴി സ്റ്റോറേജ് എക്സ്പാൻഡ് ചെയ്യാനുള്ള സ്ലോട്ടും റിയൽമി സി31 പായ്ക്ക് ചെയ്യുന്നു. സൈഡ് മൗണ്ടഡ് ഫിംഗർപ്രിന്റ് സ്കാനറും എഐ ഫേസ് അൺലോക്കും ഫോണിൽ നൽകിയിട്ടുണ്ട്. 5000mAh ബാറ്ററിയാണ് ഈ ഡിവൈസിൽ ഉള്ളത്. യുഎസ്ബി ടൈപ്പ്-സി പോർട്ട് വഴി 10W ചാർജ് സപ്പോർട്ടും റിയൽമി നൽകിയിരിക്കുന്നു.

ആൻഡ്രോയിഡ് 11 ബേസ്ജ് റിയൽമി യുഐ ആർ എഡിഷനോടെയാണ് റിയൽമി സി31 വരുന്നത്. ഈ സ്മാർട്ട്ഫോണിന് 197 ഗ്രാം ഭാരമാണ് ഉള്ളത്. 164.7 × 76.1 × 8.4 എംഎം ആണ് ഇതിന്റെ അളവ്. 8,999 രൂപ മുതലുള്ള വിലയിൽ ലഭ്യമാകുന്നു എന്നത് തന്നെയാണ് ഈ ഡിവൈസിന്റെ ഏറ്റവും വലിയ സവിശേഷത. 1000 രൂപയിൽ താഴെ വിലയിൽ സ്മാർട്ട്ഫോണുകൾ വാങ്ങുന്ന ഇന്ത്യയിലെ വലിയൊരു വിഭാഗം ഉപയോക്താക്കൾക്ക് തിരഞ്ഞെടുക്കാവുന്ന മികച്ച ഡിവൈസ് തന്നെയാണ് ഇത്. ക്യാമറ, ബാറ്ററി, ഡിസ്പ്ലെ, പ്രോസസർ, റാം, സ്റ്റോറേജ് എന്നീ കാര്യങ്ങളിൽ ഈ ഡിവൈസ് വിലയ്ക്ക് യോജിച്ച രീതി മികച്ച നിലവാരം പുലർത്തുന്നു.