കൺസ്യൂമർ ഇലക്ട്രോണിക്സ് ഷോ 2022ൽ പുറത്തിറക്കുമെന്ന് പ്രതീക്ഷിക്കുന്ന സ്മാർട്ട്ഫോണുകൾ ഇവയാണ്

| Published: Tuesday, January 4, 2022, 10:51 [IST]

കൺസ്യൂമർ ഇലക്ട്രോണിക്‌സ് ഷോ (സിഇഎസ്) 2022 നാളെയാണ് ആരംഭിക്കുന്നത്. കൊവിഡ് പ്രശ്നങ്ങൾ കാരണം കഴിഞ്ഞ വർഷം ഓൺലൈനിൽ ഹോസ്റ്റ് ചെയ്ത ശേഷം ഇത്തവണ ഓഫ്‌ലൈനായി തന്നെയാണ് നടക്കുന്നത് എന്നതിനാൽ എല്ലാ ഇലക്ട്രോണിക്സ് കമ്പനികളും സജീവമായി തന്നെ ഈ ഷോയിൽ പങ്കെടുക്കുമെന്നാണ് പ്രതീക്ഷിക്കുന്നത്. നിലവിലുള്ള പ്രതിസന്ധി കാരണം ഷോ നേരത്തെ അവസാനിക്കുമെന്നും പറയപ്പെടുന്നു. ഇതിനിടയിൽ, നിരവധി കമ്പനികൾ തങ്ങളുടെ പുതിയ പ്രൊഡക്ടുകൾ ഓഫറുകൾ ഷോയിൽ വച്ച് പ്രഖ്യാപിക്കുമെന്ന് പ്രതീക്ഷിക്കുന്നു.

സിഇഎസ് 2022ൽ വച്ച് മികച്ച ചില സ്മാർട്ട്ഫോണുകൾ അവതരിപ്പിക്കുമെന്നും പ്രതീക്ഷിക്കുന്നു. സ്മാർട്ട്ഫോൺ വിപണിയിലേക്ക് 2022ൽ ആദ്യം തന്നെ എത്തുന്ന മോഡലുകളിൽ ചിലത് സിഇഎസ് 2022ൽ കൂടിയായിരിക്കും ലോഞ്ച് ചെയ്യുക എന്നാണ് പ്രതീക്ഷിക്കപ്പെടുന്നത്. ഇതിൽ സാംസങ്, വൺപ്ലസ്, റിയൽമി തുടങ്ങിയ ബ്രാനറുകളുടെ ഡിവൈസുകൾ ഉണ്ടായിരിക്കും. ഇക്കാര്യത്തിൽ ബ്രാന്റുകൾ സ്ഥിരീകരണം നടത്തിയിട്ടില്ല എങ്കിലും പ്രമുഖ ടെക് മാധ്യമങ്ങളെല്ലാം മുൻനിര ബ്രാന്റുകളുടെ ഡിവൈസുകൾ സിഇഎസ് 2022ൽ വച്ച് ലോഞ്ച് ചെയ്തേക്കുമെന്ന സൂചനകൾ നൽകിയിരുന്നു. സ്മാർട്ട്ഫോൺ പ്രേമികൾ ഏറെ പ്രതീക്ഷയോടെ കാത്തിരിക്കുന്ന സ്‌മാർട്ട്‌ഫോണുകളിലൊന്നായ സാംസങ് ഗാലക്സി എസ്21 എഫ്ഇ സിഇഎസ് 2022ൽ വച്ച് അവതരിപ്പിക്കുമെന്ന് പ്രതീക്ഷിക്കുന്നു.

ഒരു യുഗം കൂടി അവസാനിക്കുന്നു, ബ്ലാക്ക്ബെറി പൂർണ്ണമായും ഔദ്യോഗികമായി അടച്ചുപൂട്ടുന്നു ഒരു യുഗം കൂടി അവസാനിക്കുന്നു, ബ്ലാക്ക്ബെറി പൂർണ്ണമായും ഔദ്യോഗികമായി അടച്ചുപൂട്ടുന്നു

വൺപ്ലസിന്റെ അടുത്ത തലമുറ മുൻനിര മോഡലായ വൺപ്ലസ് 10ഉം കൺസ്യൂമർ ഇലക്ട്രോണിക്‌സ് ഷോയിൽ വച്ച് ലോഞ്ച് ചെയ്യാൻ സാധ്യതയുണ്ട്. ഇവ കൂടാതെ മറ്റു ചില മോഡലുകളെ കുറിച്ചും ഊഹാപോഹങ്ങൾ ഉണ്ട്. റിയൽമിയുടെ ജിടി സീരിസിലെ ഏറ്റവും പുതിയ മോഡലായ റിയൽമി ജിടി 2 പ്രോ സിഇഎസ് 2022ൽ വച്ച് ലോഞ്ച് ചെയ്യുമെന്നാണ് സൂചനകൾ. ഇത് കൂടാതെ വിവോയുടെ സബ് ബ്രാന്റിന്റെ പുതിയ ഡിവൈസായ ഐക്യുഒഒ 9 ഇവന്റിൽ വച്ച് ലോഞ്ച് ചെയ്യപ്പെട്ടേക്കും. കൺസ്യൂമർ ഇലക്ട്രോണിക്‌സ് ഷോ 2022ൽ വച്ച് ലോഞ്ച് ചെയ്യുമെന്ന് പ്രതീക്ഷിക്കുന്ന സ്മാർട്ട്ഫോണുകളും അവയിൽ ഉണ്ടായിരിക്കാൻ സാധ്യതയുള്ള സവിശേഷതകളും നോക്കാം.