റിയൽ‌മി നാർ‌സോ 10 സ്മാർട്ട്ഫോണിന്റെ അടുത്ത വിൽ‌പ്പന ജൂൺ 15ന്‌; വിലയും സവിശേഷതകളും

Published: Friday, June 12, 2020, 14:18 [IST]

മൊബൈൽ വ്യവസായത്തിൽ അതിവേഗം വളരുന്ന ബ്രാൻഡുകളിലൊന്നാണ് റിയൽ‌മി. റിയൽമിയുടെ ഏറ്റവും ശ്രദ്ധയാകർഷിച്ച സീരിസുകളിലൊന്നാണ് നാർസോ. നാർസോ സീരിസിലെ ഇതുവരെ രണ്ട് സ്മാർട്ട്ഫോണുകളാണ് പുറത്തിറക്കിയിട്ടുള്ളത്. റിയൽ‌മി നാർ‌സോ 10, റിയൽ‌മി നാർ‌സോ10 എ എന്നീ സ്മാട്ട്ഫോണുകളിൽ നാർ‌സോ 10 മെയ് 18 നാണ് ഫ്ലിപ്കാർട്ടിലൂടെ ആദ്യ വിൽപ്പനയ്ക്കെത്തിയത്. ഡിവൈസിന്റെ അടുത്ത ഫ്ലാഷ് സെയിൽ ജൂൺ 15ന് നടക്കും.

റിയൽ‌മി നാർ‌സോ 10: അടുത്ത സെയിൽ

റിയൽ‌മി നർസോ 10 സ്മാർട്ട്ഫോണിന്റെ ഫ്ലാഷ് സെയിൽ ഇന്ന് ഫ്ലിപ്കാർട്ടിലൂടെ നടന്നിരുന്നു. അതിവേഗമാണ് ഡിവൈസിന്റെ യൂണിറ്റുകൾ വിറ്റഴിഞ്ഞത്. ഡിവൈസിന്റെ അടുത്ത സെയിൽ ജൂൺ 15ന് നടക്കും. ഫ്ലാഷ് സെയിലുടെ ഈ സ്മാർട്ട്ഫോണിന് മികച്ച ഓഫറുകളാണ് നൽകുന്നത്. സ്മാർട്ട്ഫോൺ വാങ്ങാനായി ഫ്ലിപ്പ്കാർട്ട് ആക്സിസ് ബാങ്ക് ക്രെഡിറ്റ് കാർഡ്, ആക്സിസ് ബാങ്ക് ബസ്സ് ക്രെഡിറ്റ് കാർഡ് എന്നിവ ഉപയോഗിച്ചാൽ 5% വരെ ക്യാഷ്ബാക്ക് ലഭിക്കും.

റിയൽ‌മി നർസോ 10 സ്മാർട്ട്ഫോൺ വാങ്ങാൻ ഫ്ലിപ്പ്കാർട്ടിൽ പ്രതിമാസം 1,000 രൂപ വരുന്ന നോകോസ്റ്റ് ഇഎംഐ ഓപ്ഷൻ ലഭ്യമാണ്. സ്മാർട്ട്‌ഫോണിന് 1 വർഷവും ആക്‌സസറികൾക്ക് 6 മാസവും ബ്രാൻഡ് വാറണ്ടിയും കമ്പനി നൽകുന്നുണ്ട്. പഴയ സ്മാർട്ട്‌ഫോൺ എക്സ്ചേഞ്ച് ചെയ്ത് പുതിയത് വാങ്ങുമ്പോൾ മികച്ച വിലക്കിഴിവും നൽകുന്നുണ്ട്. "ദ ഗ്രീൻ", "ദാറ്റ് വൈറ്റ്" എന്നീ രണ്ട് നിറങ്ങളിൽ ഫോൺ ലഭ്യമാണ്.

റിയൽ‌മി നാർ‌സോ 10: വിലയും സവിശേഷതകളും

റിയൽ‌മി നാർ‌സോ 10 സ്മാർട്ട്‌ഫോണിന് 11,999 രൂപയാണ് വില. എആർ‌എം മാലി- ജി 52 ജിപിയുവിനൊപ്പം മീഡിയടെക് ഹീലിയോ ജി 80 ഒക്ടാ കോർ പ്രോസസറും ഡിവൈസിന് കരുത്ത് നൽകുന്നു. ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തെ അടിസ്ഥാനമാക്കി റിയൽ‌മി യുഐയിലാണ് ഈ സ്മാർട്ട്ഫോൺ പ്രവർത്തിക്കുന്നത്.
4 ജിബി റാം, 128 ജിബി സ്റ്റോറേജ് എന്നിവയും ഡിവൈസിനുണ്ട്. 720x1600 പിക്‌സൽ റെസല്യൂഷനോടുകൂടിയ 6.5 ഇഞ്ച് എച്ച്ഡി + ഡിസ്‌പ്ലേയാണ് റിയൽമി നർസോ 10 സ്മാർട്ട്ഫോണിലുള്ളത്.

റിയൽ‌മി നാർ‌സോ 10 സ്മാർട്ട്ഫോണിന്റെ ക്യാമറ സെറ്റപ്പ് പരിശോധിച്ചാൽ ഇതിൽ എഫ് / 1.8 അപ്പർച്ചറുള്ള 48 എംപി പ്രധാന ക്യാമറ, 8 എംപി 119 ° അൾട്രാ വൈഡ് ക്യാമറ, 2 എംപി 4 സിഎം മാക്രോ ക്യാമറ, എഫ് / 2.4 അപ്പേർച്ചറുള്ള 2 എംപി ബ്ലാക്ക് ആന്റ് വൈറ്റ് ഡെപ്ത് ക്യാമറ എന്നിവ ഉൾക്കൊള്ളുന്നു. ഇതിനൊപ്പം എൽഇഡി ഫ്ലാഷും നൽകിയിട്ടുണ്ട്. സെൽഫികൾക്കും വീഡിയോ കോളിങിനുമായി മുൻ പാനലിൽ 16 എംപി ക്യാമറയാണ് നൽകിയിട്ടുള്ളത്.

18W ഫാസ്റ്റ് ചാർജിംഗുള്ള 5000 mAh ബാറ്ററിയാണ് റിയൽ‌മി നർസോ 10 സ്മാർട്ട്ഫോണിൽ ഉള്ളത്. ഡ്യുവൽ 4 ജി, വോൾടിഇ, 3 ജി, വൈ-ഫൈ, ബ്ലൂടൂത്ത്, ജിപിഎസ്, യുഎസ്ബി ടൈപ്പ് സി എന്നീ കണക്റ്റിവിറ്റി ഓപ്ഷനുകളും ഫോണിലുണ്ട്. 256 ജിബി വരെ സ്റ്റോറേജ് വിപുലീകരിക്കാൻ സാധിക്കുന്ന വിധത്തിൽ മൈക്രോ എസ്ഡി കാർഡ് സ്ലോട്ടും സ്മാർട്ട്‌ഫോണിൽ നൽകിയിട്ടുണ്ട്.