റിയൽമി നാർസോ 10 സ്മാർട്ട്ഫോണിന്റെ ഫ്ലാഷ് സെയിൽ ഇന്ന് ഉച്ചയ്ക്ക് 12 മണിക്ക്

റിയൽമി നാർസോ 10: വില, ലഭ്യത

ഇന്ത്യയിൽ റിയൽ‌മി നാർ‌സോ 10 സ്മാർട്ട്ഫോണിന്റെ ഒറ്റ വേരിയന്റിൽ മാത്രമേ ലഭ്യമാവുകയുള്ളു. 4 ജിബി റാമും 128 ജിബി ഇന്റേണൽ സ്റ്റോറേജുമുള്ള ഈ വേരിയന്റിന് 11,999 രൂപയാണ് വില. മൂന്ന് വ്യത്യസ്ത കളർ ഓപ്ഷനുകളിൽ ഈ സ്മാർട്ട്ഫോൺ ലഭ്യമാകും. ദാറ്റ് ബ്ലൂ, ദാറ്റ് ഗ്രീൻ, ദാറ്റ് വൈറ്റ് എന്നിവയാണ് ഈ നിറങ്ങൾ. മുകളിൽ സൂചിപ്പിച്ചതുപോലെ ആ സ്മാർട്ട്ഫോൺ ഫ്ലിപ്പ്കാർട്ട്, റിയൽമി.കോം എന്നിവ വഴി ഉച്ചയ്ക്ക് 12 മണിക്ക് വിൽപ്പനയ്‌ക്കെത്തും.

റിയൽ‌മി നാർ‌സോ 10: സവിശേഷതകൾ‌

റിയൽ‌മി നാർ‌സോ 10 സ്മാർട്ട്ഫോണിൽ രണ്ട് സിം കാർഡ് സ്ലോട്ടുകൾ ഉണ്ട്. ആൻഡ്രോയിഡ് 10 ബേസ്ഡ് റിയൽ‌മി യുഐയിൽ പ്രവർത്തിക്കുന്ന ഈ ഡിവൈസിന്റെ ഏറ്റവും വലിയ ആകർഷണം 6.5 ഇഞ്ച് എച്ച്ഡി+ (720x1,600 പിക്‌സൽ) ഡിസ്‌പ്ലേയാണ്. 4 ജിബി എൽപിഡിഡിആർ 4 എക്‌സ് റാമിനൊപ്പം സ്മാർട്ട്ഫോണിന് കരുത്ത് നൽകുന്നത് ഒക്ടാ കോർ മീഡിയടെക് ഹെലിയോ ജി 80 SoCയാണ്.

മീഡിയടെക് പ്രോസസറിനൊപ്പം ഈ സ്മാർട്ട്ഫോണിന് കരുത്ത് നൽകാൻ എആർ‌എം മാലി- ജി 52 ജിപിയുവും ഡിവൈസിൽ ഉണ്ട്. 128 ജിബി ഇന്റേണൽ സ്റ്റോറേജാണ് ഫോണിനുള്ളത് ഈ സ്റ്റോറ്ജ് തികയാത്തവർക്ക് സ്റ്റോറേജ് എക്സ്പാൻഡ് ചെയ്യാനായി പ്രത്യേക മൈക്രോ എസ്ഡി കാർഡ് സ്ലോട്ടും ഡിവൈസിൽ നൽകിയിട്ടുണ്ട്. 256 ജിബി വരെ സ്റ്റോറേജാണ് ഈ സ്ലോട്ട് വഴി എക്സ്പാൻഡ് ചെയ്യാൻ സാധിക്കുന്നത്.

ക്യാമറകൾ പരിശോധിച്ചാൽ, റിയൽമി നാർസോ 10ൽ 48 മെഗാപിക്സൽ പ്രൈമറി സെൻസറാണ് നൽകിയിട്ടുള്ളത്. ഇതിനൊപ്പം 8 മെഗാപിക്സൽ സെക്കൻഡറി സെൻസറും 2 മെഗാപിക്സൽ മോണോക്രോം പോർട്രെയിറ്റ് സെൻസറും 2 മെഗാപിക്സൽ മാക്രോ ഷൂട്ടറും നൽകിയിട്ടുണ്ട്. ഈ ക്യാഡ് ക്യാമറ സെറ്റപ്പാണ് ഡിവൈസിനെ ഏറ്റവും ശ്രദ്ധേയമാക്കുന്നത്. സെൽഫികൾക്കും വീഡിയോ കോളിങിനുമായി റിയൽമി നാർസോ 10 സ്മാർട്ട്ഫോണിൽ 16 മെഗാപിക്സൽ ക്യാമറ സെൻസറാണ് ഉള്ളത്.

റിയൽ‌മി നാർ‌സോ 10 സ്മാർട്ട്ഫോണിന്റെ മറ്റൊരു പ്രധാന സവിശേഷത 5,000 എംഎഎച്ച് ബാറ്ററിയാണ്. ഈ ബാറ്ററി വേഗത്തിൽ ചാർജ് ചെയ്യാനായി 18W ഫാസ്റ്റ് ചാർജിങ് സപ്പോർട്ടും ഡിവൈസിൽ കമ്പനി നൽകിയിട്ടുണ്ട്. സുരക്ഷയ്ക്കായി ഡിവൈസിന്റെ പിന്നിൽ ഫിംഗർപ്രിന്റ് സെൻസറും കമ്പനി നൽകിയിട്ടുണ്ട്. ഡ്യുവൽ 4 ജി, വോൾടിഇ, 3 ജി, വൈ-ഫൈ, ബ്ലൂടൂത്ത്, ജിപിഎസ്, യുഎസ്ബി ടൈപ്പ് സി എന്നീ കണക്റ്റിവിറ്റി ഓപ്ഷനുകളും ഡിവൈസിൽ റിയൽമി നൽകിയിട്ടുണ്ട്.