11,999 രൂപയ്ക്ക് റിയൽമി നാർസോ 10 സ്മാർട്ട്ഫോൺ സ്വന്തമാക്കാം, വിൽപ്പന ഇന്ന് ഉച്ചയ്ക്ക്

വില, ലഭ്യത

റിയൽ‌മി നാർ‌സോ 10 സ്മാർട്ട്ഫോൺ ഇന്ത്യയിൽ അവതരിപ്പിച്ചത് ഒറ്റ വേരിയന്റിലാണ്. 4 ജിബി റാമും 128 ജിബി ഇന്റേണൽ സ്റ്റോറേജുമുള്ള വേരിയന്റാണ് ഇത്. ഈ ഡിവൈസി്ന 11,999 രൂപയാണ് വില. ദാറ്റ് ബ്ലൂ, ദാറ്റ് ഗ്രീൻ, ദാറ്റ് വൈറ്റ് എന്നിങ്ങനെയുള്ള കളർ ഓപ്ഷനുകളിൽ ഈ സ്മാർട്ട്ഫോൺ ലഭ്യമാകും. ഫ്ലിപ്പ്കാർട്ട്, റിയൽമി.കോം എന്നിവ വഴിയാണ് ഡിവൈസി്റെ വിൽപ്പന നടക്കുന്നത്. ഉച്ചയ്ക്ക് 12 മണിക്കാണ് സെയിൽ ആരംഭിക്കുന്നത്.

സവിശേഷതകൾ‌

6.5 ഇഞ്ച് എച്ച്ഡി+ (720x1,600 പിക്‌സൽ) ഡിസ്‌പ്ലേയുമായിട്ടാണ് റിയൽമി നാർസോ 10 സ്മാർട്ട്ഫോൺ പുറത്തിറക്കിയിരിക്കുന്നത്. ഡിവൈസിൽ രണ്ട് സിം കാർഡ് സ്ലോട്ടുകളാണ് കമ്പനി നൽകിയിട്ടുള്ളത്. ആൻഡ്രോയിഡ് 10 ബേസ്ഡ് റിയൽ‌മി യുഐയിൽ പ്രവർത്തിക്കുന്ന ഈ ഡിവൈസിൽ 4 ജിബി എൽപിഡിഡിആർ 4 എക്‌സ് റാമാണ് നൽകിയിട്ടുള്ളത്. ഇതിനൊപ്പം ഡിവൈസിന് കരുത്ത് നൽകുന്നത് ഒക്ടാ കോർ മീഡിയടെക് ഹെലിയോ ജി 80 SoCയാണ്.

മീഡിയടെക് പ്രോസസറിനൊപ്പം റിയൽമി നാർസോയിൽ എആർ‌എം മാലി- ജി 52 ജിപിയുവും കമ്പനി നൽകിയിട്ടുണ്ട്. 128 ജിബി ഇന്റേണൽ സ്റ്റോറേജാണ് ഡിവൈസിൽ ഉള്ളത്. ഈ സ്റ്റോറേജ് മതിയാകാതെ വരുന്ന ഉപയോക്താക്കൾക്ക് സ്റ്റോറേജ് എക്സ്പാൻഡ് ചെയ്യാനായി പ്രത്യേക മൈക്രോ എസ്ഡി കാർഡ് സ്ലോട്ടും സ്മാർട്ട്ഫോണിൽ റിയൽമി നൽകിയിട്ടുണ്ട്. ഈ മൈക്രോ എസ്ഡി കാർഡ് സ്ലോട്ടുവഴി 256 ജിബി വരെ സ്റ്റോറേജാണ് എക്സ്പാൻഡ് ചെയ്യാൻ സാധിക്കുന്നത്.

റിയൽമി നാർസോ 10 സ്മാർട്ട്ഫോണിൽ 48 മെഗാപിക്സൽ പ്രൈമറി സെൻസറാണ് ഉള്ളത്. ഈ പ്രൈമറി സെൻസറിനൊപ്പം 8 മെഗാപിക്സൽ സെക്കൻഡറി സെൻസറും 2 മെഗാപിക്സൽ മോണോക്രോം പോർട്രെയിറ്റ് സെൻസറും 2 മെഗാപിക്സൽ മാക്രോ സെൻസറും കമ്പനി നൽകിയിട്ടുണ്ട്. ഈ നാല് ക്യാമറകളാണ് ഡിവൈസിന്റെ ഏറ്റവും വലിയ സവിശേഷത. സെൽഫികൾക്കും വീഡിയോ കോളിങിനുമായി ഈ സ്മാർട്ട്ഫോണിൽ 16 മെഗാപിക്സൽ ക്യാമറ സെൻസറാണ് റിയൽമി നൽകിയിട്ടുള്ളത്.

റിയൽ‌മി നാർ‌സോ 10 സ്മാർട്ട്ഫോണിന്റെ മറ്റൊരു പ്രധാന സവിശേഷത വലിയൊരു ബാറ്ററിയാണ്. 5,000 എംഎഎച്ച് ബാറ്ററിയാണ് ഡിവൈസിലുള്ളത്. ഈ ബാറ്ററി വേഗത്തിൽ ചാർജ് ചെയ്യാനായി 18W ഫാസ്റ്റ് ചാർജിങ് സപ്പോർട്ടും സ്മാർട്ട്ഫോണിൽ നൽകിയിട്ടുണ്ട്. സുരക്ഷയ്ക്കായി പിന്നിൽ ഫിംഗർപ്രിന്റ് സെൻസറും ഉണ്ട്. ഡ്യുവൽ 4 ജി, വോൾടി, 3 ജി, വൈ-ഫൈ, ബ്ലൂടൂത്ത്, ജിപിഎസ്, യുഎസ്ബി ടൈപ്പ് സി എന്നീ ബേസിക്ക് കണക്റ്റിവിറ്റി ഓപ്ഷനുകളും ഡിവൈസിൽ കമ്പനി ഉൾപ്പെടുത്തിയിട്ടുണ്ട്.