റിയൽമി നാർസോ 20എ സ്മാർട്ട്ഫോണിന്റെ ആദ്യ വിൽപ്പന ഇന്ന്; വിലയും ഓഫറുകളും

റിയൽമി നാർസോ 20എ: വിലയും ലഭ്യതയും

റിയൽമി നാർസോ 20എ സ്മാർട്ട്ഫോൺ രണ്ട് സ്റ്റോറേജ് വേരിയന്റുകളിൽ ലഭ്യമാണ്. ഡിവൈസിന്റെ 3ജിബി റാമും 32ജിബി സ്റ്റോറേജുമുള്ള വേരിയന്റിന് 8,499 രൂപയാണ് വില. 4ജിബി റാമും 64 ജിബി സ്റ്റോറേജുമുള്ള വേരിയന്റിന് 9,499 രൂപ വിലയുണ്ട്. ഈ ഡിവൈസ് ഗ്ലോസി സിൽവൽ, വിക്ടറി ബ്ലൂ എന്നീ രണ്ട് കളർ ഓപ്ഷനുകളിൽ ലഭ്യമാകും. ആദ്യ വിൽപ്പനയുടെ ഭാഗമായി ആകർഷകമായ ഓഫറുകളാണ് ഫ്ലിപ്പ്കാർട്ടിലൂടെയും റിയൽമി വെബ്സൈറ്റിലൂടെയും നൽകുന്നത്.

റിയൽമി നാർസോ 20എ: സവിശേഷതകൾ

6.20 ഇഞ്ച് ടച്ച്‌സ്‌ക്രീൻ ഡിസ്‌പ്ലേയാണ് റിയൽമി നാർസോ 20എ സ്മാർട്ട്ഫോണിൽ ഉള്ളത്. ഈ ഡിസ്പ്ലെയ്ക്ക് 720x1600 പിക്‌സൽ റെസല്യൂഷനും 20: 9 റേഷിയോവും ഉണ്ട്. ഒക്ടാ കോർ ക്വാൽകോം സ്‌നാപ്ഡ്രാഗൺ 665 പ്രോസസറാണ് റിയൽമി നർസോ 20എ സ്മാർട്ട്ഫോണിന്റെ കരുത്ത്. ആൻഡ്രോയിഡ് 10 ബേസ്ഡ് റിയൽ‌മി യുഐയിലാണ് ഈ സ്മാർട്ട്ഫോൺ പ്രവർത്തിക്കുന്നത്. രണ്ട് നാനോ സിംകാർഡ് സ്ലോട്ടുകളും ഡിവൈസിൽ ഉണ്ട്.

റിയൽ‌മി നാർസോ 20എ സ്മാർട്ട്ഫോണിൽ ട്രിപ്പിൾ റിയർ ക്യാമറ സെറ്റപ്പാണ് ഉള്ളത്. ഈ ക്യാമറ സെറ്റപ്പിൽ എഫ് / 1.8 അപ്പർച്ചറുള്ള 12 മെഗാപിക്സൽ ക്യാമറയാണ് ഉള്ളത്. ഇതിനൊപ്പം എഫ് / 2.4 അപ്പേർച്ചറുള്ള 2 മെഗാപിക്സൽ സെക്കന്ററി ക്യാമറയും എഫ് / 2.4 അപ്പേർച്ചറുള്ള 2 മെഗാപിക്സൽ ക്യാമറയും റിയൽമി നൽകിയിട്ടുണ്ട്. സെൽഫികൾക്കും വീഡിയോ കോളിങിനുമായി മുൻവശത്ത് 8 മെഗാപിക്സൽ ക്യാമറയും നൽകിയിട്ടുണ്ട്.

64 ജിബി വരെഇൻ‌ബിൽറ്റ് സ്റ്റോറേജുള്ള ഡിവൈസിൽ മൈക്രോ എസ്ഡി കാർഡ് വഴി 256 ജിബി വരെ സ്റ്റോറേജ് എക്സ്പാൻഡ് ചെയ്യാനുള്ള സംവിധാനവും നൽകിയിട്ടുണ്ട്. 5000 എംഎഎച്ച് ബാറ്ററിയാണ് റിയൽ‌മി നാർ‌സോ 20എ സ്മാർട്ട്ഫോണിൽ ഉള്ളത്. ഈ ബാറ്ററി വേഗത്തിൽ ചാർജ് ചെയ്യാൻ പ്രൊപ്രൈറ്ററി ഫാസ്റ്റ് ചാർ‌ജിങ് സപ്പോർട്ടും ഡിവൈസിൽ കമ്പനി നൽകിയിട്ടുണ്ട്.

റിയൽമി നാർസോ 20എ സ്മാർട്ട്ഫോണിൽ കണക്റ്റിവിറ്റി ഓപ്ഷനുകളായി വൈ-ഫൈ, ബ്ലൂടൂത്ത് വി 5.00, മൈക്രോ-യുഎസ്ബി, 3 ജി, 4 ജി എന്നിവ നൽകിയിട്ടുണ്ട്. ആക്‌സിലറോമീറ്റർ, ആംബിയന്റ് ലൈറ്റ് സെൻസർ, കോമ്പസ് / മാഗ്നെറ്റോമീറ്റർ, ഗൈറോസ്‌കോപ്പ്, പ്രോക്‌സിമിറ്റി സെൻസർ, ഫിംഗർപ്രിന്റ് സെൻസർ എന്നിവയാണ് ഡിവൈസിലുള്ള സെൻസറുകൾ. സുരക്ഷയ്ക്കായി ഫേസ് അൺലോക്കും ഈ ഡിവൈസിലുണ്ട്.