ബജറ്റ് വിപണി പിടിക്കാൻ റിയൽമി നാർസോ 50എ പ്രൈം സ്മാർട്ട്ഫോൺ ഇന്ത്യയിൽ

റിയൽമി നാർസോ 50എ പ്രൈം മികച്ച സവിശേഷതകൾ പായ്ക്ക് ചെയ്യുന്നു. 50 എംപി ട്രിപ്പിൾ ക്യാമറ സെറ്റപ്പ്, യൂണിസോക്ക് ടി612 പ്രോസസർ, 5,000mAh ബാറ്ററി എന്നിവയെല്ലാം ഈ ഡിവൈസിലുണ്ട്. ഈ ഡിവൈസിനൊപ്പം കമ്പനി ചാർജർ നൽകില്ല എന്നത് ശ്രദ്ധേയമാണ്. ഇത്തരത്തിൽ വരുന്ന ആദ്യ റിയൽമി സ്മാർട്ട്ഫോണാണ് ഇത്. സീറോ കാർബൺ എമിഷൻ എന്ന ലക്ഷ്യത്തോടെ പ്രവർത്തിക്കുന്നതിനാലാണ് ഈ നടപടിയെന്ന് റിയൽമി വ്യക്തമാക്കി. ഈ ഡിവൈസിന്റെ വിലയും സവിശേഷതകളും നോക്കാം.

റിയൽമി നാർസോ 50എ പ്രൈം: വിലയും ലഭ്യതയും

റിയൽമി നാർസോ 50എ പ്രൈം സ്മാർട്ട്ഫോണിന്റെ 4 ജിബി റാമും 64 ജിബി സ്റ്റോറേജുമുള്ള മോഡലിന് 11,499 രൂപയുമാണ് വില. ഡിവൈസിന്റെ 4 ജിബി റാമും 128 ജിബി സ്റ്റോറേജുമുള്ള യൂണിറ്റിന് 12,499 രൂപ വിലയുണ്ട്. ഈ ഡിവൈസ് ഇത് ഫ്ലാഷ് ബ്ലാക്ക്, ഫ്ലാഷ് ഗ്രീൻ കളർ ഓപ്ഷനുകളിൽ ലഭ്യമാകും. റിയൽമി നാർസോ 50എ പ്രൈമിന്റെ ആദ്യ വിൽപ്പന നടക്കുന്നത് ഏപ്രിൽ 28നാണ്. ആമസോണിലും റിയൽമിയുടെ ഔദ്യോഗിക വെബ്‌സൈറ്റിലും സ്മാർട്ട്ഫോൺ ലഭ്യമാകും.

റിയൽമി നാർസോ 50എ പ്രൈം: സവിശേഷതകൾ

റിയൽമി നാർസോ 50എ പ്രൈം സ്മാർട്ട്ഫോണിൽ 1080×2408 പിക്സൽ റെസല്യൂഷനും വാട്ടർഡ്രോപ്പ് നോച്ചുമുള്ള 6.6 ഇഞ്ച് ഫുൾ എച്ച്ഡി+ ഡിസ്‌പ്ലേയാണ് കമ്പനി നൽകിയിട്ടുള്ളത്. ഈ ഡിസ്പ്ലെയ്ക്ക് 180Hz ടച്ച് സാംപ്ലിങ് റേറ്റും 600 നിറ്റ്‌സ് പീക്ക് ബ്രൈറ്റ്നസുമുണ്ട്. ബജറ്റ് വിഭാഗത്തിൽ ലഭിക്കുന്ന മികച്ച ഡിസ്പ്ലെ തന്നെയാണ് ഇത്. 4 ജിബി വരെ റാമും 128 ജിബി വരെ സ്റ്റോറേജുമുള്ള ഡിവൈസിന് കരുത്ത് നൽകുന്നത് യൂണിസോക്ക് ടി612 പ്രോസസറാണ്. കൂടുതൽ സ്റ്റോറേജ് വേണ്ട ആളുകൾക്കായി 1ടിബി വരെ സ്റ്റോറേജ് എക്സ്പാൻഡ് ചെയ്യാവുന്ന മൈക്രോ എസ്ഡി കാർഡ് സ്ലോട്ടും ഈ ഡിവൈസിൽ ഉൾപ്പെടുത്തിയിട്ടുണ്ട്.

മൂന്ന് പിൻ ക്യാമറകളുമായിട്ടാണ് റിയൽമി നാർസോ 50എ പ്രൈം സ്മാർട്ട്ഫോൺ വരുന്നത്. ഈ ട്രിപ്പിൾ ക്യാമറ സെറ്റപ്പിൽ 50 എംപി സാംസങ് JN1 പ്രൈമറി സെൻസറാണ് ഉള്ളത്. എഫ്/1.8 അപ്പർച്ചർ ലെൻസും ഈ പ്രാമറി ക്യാമറയിൽ ഉണ്ട്. എഫ്/2.4 ലെൻസുള്ള 2 എംപി മാക്രോ ക്യാമറയും വിജിഎ ബ്ലാക്ക് ആന്റ് വൈറ്റ് എഫ്/2.8 പോർട്രെയിറ്റ് സെൻസറും ഡിവൈസിൽ നൽകിയിട്ടുണ്ട്. റിയൽമി നാർസോ 50എ പ്രൈമിൽ സെൽഫികൾക്കും വീഡിയോ കോളുകൾക്കുമായി 8 എംപി ക്യാമറയാണ് നൽകിയിട്ടുള്ളത്. മികച്ച ക്യാമറ സെറ്റപ്പാണ് ഇത്.

18W ഫാസ്റ്റ് ചാർജിങ് സപ്പോർട്ടുള്ള 5,000mAh ബാറ്ററിയാണ് റിയൽമി നാർസോ 50എ പ്രൈമിലുള്ളത്. ഈ ഡിവൈസ് കെവ്‌ലർ ബിൽഡിനൊപ്പം വരുന്നു, അത് കാണാൻ ഭംഗിയുള്ളതാണ്. 189 ഗ്രാം ഭാരമുള്ള ഡിവൈസിൽ കണക്റ്റിവിറ്റി ഓപ്ഷനുകളായി 4ജി, ഡ്യുവൽ-ബാൻഡ് വൈ-ഫൈ, ബ്ലൂടൂത്ത് 5.0, ചാർജ് ചെയ്യുന്നതിനായി യുഎസ്ബി ടൈപ്പ്-സി, 3.5mm ഓഡിയോ ജാക്ക് എന്നിവ നൽകിയിട്ടുണ്ട്. സൈഡ്-മൗണ്ടഡ് ഫിംഗർപ്രിന്റ് സെൻസറാണ് ഡിവൈസിലുള്ളത്. ആൻഡ്രോയിഡ് 11 ബേസ്ഡ് റിയൽമി യുഐ ആറിലാണ് ഫോൺ പ്രവർത്തിക്കുന്നത്.