റിയൽ‌മി എക്സ് 3 സൂപ്പർ‌സൂം എഡിഷന്റെ വില 30,000 രൂപയിൽ താഴെ മാത്രം: റിപ്പോർട്ട്

റിയൽ‌മെ എക്സ് 3: ഇന്ത്യയിൽ പ്രതീക്ഷിക്കുന്ന വില

റിയൽ‌മെ എക്സ് 3 സൂപ്പർ‌സൂം എഡിഷൻ 20,000 മുതൽ 30,000 രൂപ വരെയുള്ള വില വിഭാഗത്തിലായിരിക്കും പുറത്തിറക്കുക. ഈ വില നിലവാരത്തിൽ പുറത്തിറങ്ങുന്ന ഫോണിന് 60Hz റിഫ്രെഷ് റേറ്റ് ഉള്ള OLED ഡിസ്പ്ലേ ആണോ 120Hz റിഫ്രെഷ് റേറ്റ് ഉള്ള എൽസിഡി ഡിസ്പ്ലേ ആണോ നൽകേണ്ടതെന്ന് റിയൽമി നടത്തിയ ഓൺലൈൻ സർവ്വേയിൽ ഉപയോക്താക്കളോട് ചോദിച്ചു.

റിയൽമി എക്സ് 3 സൂപ്പർ‌സൂം എഡിഷൻ ഒരു ക്വാൽകോം സ്‌നാപ്ഡ്രാഗൺ 8 സീരീസ് ചിപ്‌സെറ്റുമായിട്ടായിരിക്കും പുറത്തിറങ്ങുക. ലീക്ക് റിപ്പോർട്ടുകൾ പ്രകാരം ഡിവൈസ് ക്വാൽകോം സ്‌നാപ്ഡ്രാഗൺ 855+ പ്രോസസ്സറിന്റെ കരുത്തോടെയായിരിക്കും പുറത്തിറങ്ങുകയെന്നാണ് റിപ്പോർട്ടുകൾ. ആർ‌എം‌എക്സ് 2086 മോഡൽ നമ്പറിനൊപ്പം എൻ‌ബി‌ടി‌സി, ഇ‌ഇ‌സി, ബി‌ഐ‌എസ് എന്നിവ വഴി ഡിവൈസിന് സർ‌ട്ടിഫിക്കേഷൻ‌ ലഭിച്ചിട്ടുണ്ട്.

എൻ‌ബി‌ടി‌സി ഡാറ്റാബേസ് അനുസരിച്ച്, ജി‌എസ്‌എം, ഡബ്ല്യുസി‌ഡി‌എം‌എ, എൽ‌ടിഇ നെറ്റ്‌വർക്ക് എന്നിവയ്ക്കുള്ള സപ്പോട്ടുമായിട്ടാണ് റിയൽ‌മി എക്സ് 3 സൂപ്പർ സൂം എഡിഷൻ പുറത്തിറങ്ങുക. 5 ജി കണക്റ്റിവിറ്റി സപ്പോർട്ട് ഉണ്ടാകുമോ എന്ന കാര്യത്തിൽ ഇതുവരെ വ്യക്തത ലഭിച്ചിട്ടില്ല. ഗീക്ക്ബെഞ്ച് ലിസ്റ്റിംഗ് ഡിവൈസിന്റെ ഹാർഡ്‌വെയറിനെക്കുറിച്ചാണ് കൂടുതൽ വിവരങ്ങൾ നൽകിയത്.

ആൻഡ്രോയിഡ് 10 അടിസ്ഥാനമാക്കിയിട്ടുള്ള റിയൽ‌മി യുഐ ഓപ്പറേറ്റിങ് സിസ്റ്റവുമായിട്ടായിരിക്കും ഈ ഡിവൈസ് പുറത്തിറങ്ങുക. 1.78GHz ബേസ് ഫ്രീക്വൻസിയുള്ള ഒക്ടാ കോർ ക്വാൽകോം സ്‌നാപ്ഡ്രാഗൺ പ്രോസസറും ഡിവൈസിൽ ഉണ്ടായിരിക്കുമെന്നാണ് ഗീക്ക്ബെഞ്ച് ലിസ്റ്റിംഗിൽ നിന്നും വ്യക്തമാകുന്നത്. 12 ജിബി റാമോട് കൂടിയായിരിക്കും ഈ സ്മാർട്ട്ഫോൺ പുറത്തിറങ്ങുകയെന്നും റിപ്പോർട്ടുകളുണ്ട്.

ഡിസ്പ്ലേ, ക്യാമറ, ബാറ്ററി തുടങ്ങിയ പ്രാഥമിക സവിശേഷതകളെക്കുറിച്ചുള്ള വിശദാംശങ്ങളൊന്നും ഇതുവരെ പുറത്ത് വിട്ടിട്ടില്ല. ഉയർന്ന റിഫ്രെഷ് റേറ്റുള്ള ഒരു എൽ‌സി‌ഡി പാനലായിരിക്കുമോ അതോ സ്റ്റാൻ‌ഡേർഡ് 60 ഹെർട്സ് റിഫ്രെഷ് റേറ്റുള്ള ഒ‌എൽ‌ഇഡി പാനൽ ആയിരിക്കുമോ ഈ ഡിവൈസിൽ റിയൽമി ഉപയോഗിക്കുക എന്ന കാര്യത്തിലും വ്യക്തത വന്നിട്ടില്ല.

കൊറോണ വൈറസ് ലോകത്താകമാനം പടർന്ന് പിടിക്കുന്നതിനാൽ സ്മാർട്ട്ഫോൺ വിപണി കനത്ത നഷ്ടം നേരിടുകയാണ്. മിക്ക മുൻ നിര ബ്രാന്റുകളും അവരുടെ പ്രധാന പ്രൊഡക്ഷനെല്ലാം നിർത്തി വച്ചിരിക്കുന്നു. ഈ അവസരത്തിൽ വിപണിയിലെത്തുന്ന സ്മാർട്ട്ഫോണുകളുടെ എണ്ണം ഗണ്യമായി കുറഞ്ഞിട്ടുണ്ട്. വിപണി പഴയ പടിയിലാകാൻ ഇനിയും മാസങ്ങൾ വേണ്ടി വരും. കൊറോണ കാലം കഴിഞ്ഞാൽ സജീവമാകുന്ന വിപണിയിലേക്കായി പുതിയ മോഡലുകൾ ഒരുപാട് വരാനിരിക്കുന്നുണ്ട്.