റിയൽ‌മി X3, റിയൽ‌മി X3 സൂപ്പർ‌സൂം സ്മാർട്ട്ഫോണുകൾ ഇന്ന് ഇന്ത്യൻ വിപണിയിലെത്തും

റിയൽ‌മി X3, റിയൽ‌മി X3 സൂപ്പർ‌സൂം: പ്രതീക്ഷിക്കുന്ന വില

ഇന്ത്യയിൽ റിയൽമി X3 സ്മാർട്ട്ഫോണിന്റെ വില എത്രയായിരിക്കുമെന്നത് സംബന്ധിച്ച വിവരങ്ങളൊന്നും ഇതുവരെ പുറത്ത് വന്നിട്ടില്ല. ഡിവൈസിന്റെ പേര് കണക്കിലെടുക്കുമ്പോൾ ഇത് കഴിഞ്ഞ വർഷം വിപണിയിലെത്തിയ റിയൽമി X2 സ്മാർട്ട്ഫോണിന്റെ പിൻഗാമിയാകാൻ സാധ്യതയുണ്ട്. ഈ ഡിവൈസിന്റെ 4 ജിബി + 64 ജിബി കോൺഫിഗറേഷന് 17,999 രൂപയായിരുന്നു വില.

റിയൽ‌മി X3 20,000 രൂപ വില വിഭാഗത്തിൽ ഉൾപ്പെടുമെന്നാണ് സൂചനകൾ. യൂറോപ്പിൽ റിയൽ‌മി X3 സൂപ്പർ സൂം സ്മാർട്ട്ഫോണിന്റെ 12 ജിബി + 256 ജിബി മോഡലിന് 499 യൂറോ (ഏകദേശം 42,900 രൂപ)യാണ് വില. 8 ജിബി + 128 ജിബി ഓപ്ഷനിലും ഈ ഡിവൈസ് ലഭ്യമാകും. റിയൽ‌മി X3, റിയൽ‌മി X3 സൂപ്പർ‌സൂം എന്നിവയ്‌ക്കൊപ്പം മിഡ് റേഞ്ച് സ്മാർട്ട്ഫോണായി റിയൽ‌മി X3 പ്രോയും അവതരിപ്പിച്ചേക്കും.

റിയൽ‌മി X3, റിയൽ‌മി X3 സൂപ്പർ‌സൂം: ലോഞ്ച്

റിയൽ‌മി X3, റിയൽ‌മി X3 സൂപ്പർ‌സൂം സ്മാർട്ട്ഫോണുകളുടെ ഇന്ത്യയിലെ ലോഞ്ച് ഇന്ന് ഉച്ചയ്ക്ക് 12: 30 ന് ആരംഭിക്കും. റിയൽ‌മിയുടെ ഫെയ്‌സ്ബുക്ക്, ട്വിറ്റർ, യൂട്യൂബ് അക്കൗണ്ടുകൾ വഴി ആക്‌സസ് ചെയ്യാവുന്ന ഒരു ഓൺലൈൻ വീഡിയോയിലൂടെയാണ് ലോഞ്ച് ഇവന്റ് നടക്കുന്നത്. ഇന്ന് ലോഞ്ച് കഴിഞ്ഞാൽ അധികം വൈകാതെ തന്നെ രാജ്യത്ത് ഈ സ്മാർട്ട്ഫോണുകളുടെ വിൽപ്പനയും ആരംഭിക്കും.

റിയൽ‌മി X3: പ്രതീക്ഷിക്കുന്ന സവിശേഷതകൾ‌

റിയൽ‌മി X3 ന്റെ സവിശേഷതകൾ‌ കമ്പനി ഇതുവരെ പ്രഖ്യാപിച്ചിട്ടില്ല. എന്നിരുന്നാലും ചൈനയിലെടെ ടെന ഉൾപ്പെടെയുള്ള സർട്ടിഫിക്കേഷൻ സൈറ്റുകൾ അടുത്തിടെ ഡിവൈസിന്റെ ചില വിശദാംശങ്ങളുമായി ബന്ധപ്പെട്ട സൂചനകൾ പുറത്ത് വിട്ടു. റിയൽ‌മി X3 സ്മാർട്ട്ഫോണിന് 6.57 ഇഞ്ച് ഫുൾ എച്ച്ഡി + (1,080x2,400 പിക്‌സൽ) ഡിസ്‌പ്ലേ ഉണ്ടായിരിക്കും, ഒക്ടാ കോർ SoCയുടെ കരുത്തിലായിരിക്കും ഡിവൈസ് പ്രവർത്തിക്കുക. 12 ജിബി വരെ റാമും 256 ജിബി വരെ ഓൺബോർഡ് സ്റ്റോറേജും ഡിവൈസിലുണ്ടായിരിക്കും.

4,100 എംഎഎച്ച് ബാറ്ററിയും 48 മെഗാപിക്സൽ പ്രൈമറി സെൻസറും 8 മെഗാപിക്സൽ സെക്കൻഡറി സെൻസറുമടങ്ങുന്ന ക്വാഡ് റിയർ ക്യാമറ സെറ്റപ്പും ഡിവൈസിൽ ഉണ്ടായിരിക്കും. 16 മെഗാപിക്സൽ പ്രൈമറി സെൻസറും 2 മെഗാപിക്സൽ സെക്കൻഡറി സെൻസറും ഉള്ള ഡ്യുവൽ സെൽഫി ക്യാമറ സെറ്റപ്പാമ് റിയൽമെ X3 സ്മാർട്ട്ഫോണിൽ പ്രതീക്ഷിക്കുന്ന മറ്റൊരു സവിശേഷത.