റിയൽമി എക്സ് 50 എം 5 ജി പുറത്തിറങ്ങി; വിലയും സവിശേഷതകളും

ക്വാൽകോം സ്‌നാപ്ഡ്രാഗൺ 765 ജി ചിപ്‌സെറ്റാണ് ഫോണിന് കരുത്ത് നൽകുന്നത്. റിയൽ‌മി എക്സ് 50 എം 5 ജിയിൽ പേര് സൂചിപ്പിക്കുന്നത് പോലെ തന്നെ 5ജി സപ്പോർട്ടും ഉണ്ട്. 120Hz റിഫ്രഷ് റേറ്റ് ഡിസ്പ്ലേ, 30W ഡാർട്ട് ഫാസ്റ്റ് ചാർജിംഗ്, 48 മെഗാപിക്സൽ ക്വാഡ് ക്യാമറ എന്നിവയാണ് റിയൽമി എക്സ് 50എം 5ജിയുടെ സവിശേഷത.

കൂടുതൽ വായിക്കുക: മോട്ടറോള എഡ്ജ്, എഡ്ജ് + സ്മാർട്ട്ഫോണുകൾ പുറത്തിറങ്ങി; വിലയും സവിശേഷതകളും

ഫോൺ ഉടൻ തന്നെ ചൈനയിൽ വിൽപ്പനയ്‌ക്കെത്തും. റിയൽമി എക്സ് 50 എം 5 ജി സ്മാർട്ട്ഫോൺ റിയൽമി ഇന്ത്യയിൽ പുറത്തിറക്കുമോ എന്ന കാര്യം വ്യക്തമല്ല. ഫോണിന്റെ വിലയും സവിശേഷതകളും കണക്കിലെടുക്കുമ്പോൾ ഇത് വൈകിയാണെങ്കിലും ഇന്ത്യയിൽ എത്തിയേക്കും. 4ജി സപ്പോർടോടെയായിരിക്കും ഫോൺ ഇന്ത്യയിലെത്തുക.

റിയൽ‌മി എക്സ് 50 എം 5 ജി: സവിശേഷതകൾ

റിയൽ‌മി 650 ന് സമാനമായ ഡിസൈനാണ് റിയൽ‌മി എക്സ് 50 എം 5 ജിയിൽ ഉള്ളത്. പിന്നിൽ ഗ്രേഡിയന്റ് കോമറ്റ് ടെക്സ്ച്ചറാണ് നൽകിയിട്ടുള്ളത്. ഫോണിന്റെ പിൻഭാഗത്ത് ഒരു വെർട്ടിക്കലായി ക്വാഡ് ക്യാമറ സെറ്റപ്പും നൽകിയിട്ടുണ്ട്. ഒരു പിൽ ഷേപ്പിലുള്ള പഞ്ച് ഹോളിലാണ് മുൻവശത്തെ ക്യാമറ.

കൂടുതൽ വായിക്കുക: സാംസങ് 600 എംപി ക്യാമറയുള്ള സ്മാർട്ട്ഫോണിന്റെ പണിപ്പുരയിലോ

6.57 ഇഞ്ച് എഫ്‌എച്ച്‌ഡി+ 120 ഹെർട്സ് ഡിസ്‌പ്ലേയാണ് ഫോണിൽ നൽതിയിട്ടുള്ളത്. ഇതിൽ 90.4 ശതമാനം സ്‌ക്രീൻ-ടു-ബോഡി റേഷിയോവും ഉണ്ട്. ഇന്റഗ്രേറ്റഡ് 5 ജി സപ്പോർട്ടുള്ള ക്വാൽകോം സ്‌നാപ്ഡ്രാഗൺ 765 ജി SoCയാണ് റിയൽമെ എക്‌സ് 50 എം 5 ജി സ്മാർട്ട്ഫോണിന്റെ കരുത്ത്. ഫോണിന്റെ ടോപ്പ് വേരിയന്റിന് 8 ജിബി റാമും 256 ജിബി സ്റ്റോറേജും ഉണ്ട്.

ക്യാമറ സെറ്റപ്പ് പരിശോധിച്ചാൽ 48 മെഗാപിക്സലിന്റെ പ്രധാന ക്യാമറയും 8 മെഗാപിക്സൽ വൈഡ് ആംഗിൾ ലെൻസും നൽകിയിട്ടുണ്ട്. ഇതിനൊപ്പം മാക്രോ മോഡിനും ഡെപ്ത് സെൻസിംഗിനുമായി രണ്ട് 2 മെഗാപിക്സൽ ക്യാമറകളും ഉണ്ട്. 30W ഫാസ്റ്റ് ചാർജിംഗ് സപ്പോർട്ടോടുകൂടിയ 4,200 എംഎഎച്ച് ബാറ്ററിയാണ് ഫോണിലുള്ളത്.

കൂടുതൽ വായിക്കുക: വൺപ്ലസ് 8 പ്രോ പുറത്തിറങ്ങിയതോടെ വൺപ്ലസ് 7 ടി പ്രോയുടെ വില കുറച്ചു

റിയൽ‌മി എക്സ് 50 എം 5 ജി: വില

റിയൽ‌മി എക്സ് 50 എം 5 ജി അടിസ്ഥാന മോഡലിന് ചൈനയിൽ 1,999 യുവാൻ (ഏകദേശം 21,500 രൂപ)യാണ് വില വരുന്നത്. 128 ജിബി സ്റ്റോറേജും 6 ജിബി റാമുമാണ് ഈ വേരിയന്റിൽ ഉള്ളത്. 8 ജിബി റാം, 256 ജിബി സ്റ്റോറേജ് വേരിയന്റിന് 2,299 ചൈനീസ് യുവാൻ വില വരുന്നു (ഏകദേശം 25,000 രൂപ). ഏപ്രിൽ 29 ന് ഈ സ്മാർട്ട്ഫോൺ ചൈനയിൽ വിൽപ്പനയ്‌ക്കെത്തും. ഈ ഫോൺ സ്റ്റാറി ബ്ലൂ, ഗാലക്സി വൈറ്റ് എന്നീ രണ്ട് നിറങ്ങളിൽ ലഭ്യമാണ്.