ബെൻഡഡ്‌ സ്‌ക്രീനിൽ പുതിയ റിയൽ‌മി എക്‌സ് 7 പ്രോ എക്‌സ്ട്രീം എഡിഷൻ വരുന്നു

റിയൽ‌മി എക്‌സ് 7, എക്‌സ് 7 പ്രോ എന്നിവ കഴിഞ്ഞ വർഷം ചൈനയിൽ അവതരിപ്പിച്ചു. ഇപ്പോൾ, എക്‌സ് 7 സീരീസിന് കീഴിൽ മറ്റൊരു സ്മാർട്ഫോൺ കൊണ്ടുവരുവാൻ കമ്പനി ശ്രമിക്കുകയാണ്. നേരത്തെ, റിയൽ‌മി എക്‌സ് 9 പ്രോ എന്ന് പേരിടാൻ സൂചിപ്പിക്കുണ്ടായിരുന്നു. ഇപ്പോൾ, ഡിജിറ്റൽ ചാറ്റ് സ്റ്റേഷൻറെ പുതിയ ചോർച്ച വരാനിരിക്കുന്ന എക്‌സ് 7 സീരീസ് ഹാൻഡ്സെറ്റിനെ റിയൽ‌മി എക്‌സ് 7 പ്രോ എക്‌സ്ട്രീം എഡിഷനായി വിളിക്കുമെന്ന് സ്ഥിരീകരിച്ചു. ഇപ്പോൾ ടിപ്പ്സ്റ്റർ ഹാൻഡ്‌സെറ്റിൻറെ വിലയും മറ്റ് സവിശേഷതകളും വെളിപ്പെടുത്തിയിരിക്കുകയാണ്.

റിയൽ‌മി എക്‌സ് 7 പ്രോ എക്‌സ്ട്രീം എഡിഷൻ: സവിശേഷതകളും, വിലയും

പുതിയ വിവരം അനുസരിച്ച്, റിയൽ‌മി എക്‌സ് 7 പ്രോ എക്‌സ്ട്രീം എഡിഷൻ ഒരു വളഞ്ഞ ഡിസ്‌പ്ലേയുമായാണ് വരുന്നത്, കൂടാതെ ഈ ഹാൻഡ്സെറ്റിൻറെ ഫുകസാവ നാവോട്ടോ കോ-ബ്രാൻഡഡ് മോഡലും സവിശേഷമായ നിറത്തിലും രൂപകൽപ്പനയിൽ ഉൾപ്പെടുന്നു. മുമ്പത്തെ ലീക്ക് അനുസരിച്ച്, 90 ഹെർട്സ് റിഫ്രഷ്റേറ്റിൽ വരുന്ന 6.55 ഇഞ്ച് അമോലെഡ് പാനൽ ഈ സ്മാർട്ഫോൺ അവതരിപ്പിച്ചേക്കും. ഈ ഹാൻഡ്‌സെറ്റിന് മീഡിയടെക് ഡൈമെൻസിറ്റി 1000+ പ്രോസസ്സർ കരുത്ത് നൽകുമെന്ന് പറയപ്പെടുന്നു. 65W ചാർജിംഗ് സപ്പോർട്ടുള്ള 4,500 എംഎഎച്ച് ബാറ്ററിയും ഈ ഹാൻഡ്‌സെറ്റിൽ വരുവാൻ സാധ്യതയുണ്ട്. ഈ ഹാൻഡ്‌സെറ്റ് 7.8 മില്ലിമീറ്റർ നേർത്തതായിരിക്കുമെന്ന് പറയുന്നു.

ചിത്രങ്ങൾ പകർത്തുവാൻ പിൻവശത്ത് 64 എംപി പ്രൈമറി ക്യാമറയും മുൻവശത്ത് 32 എംപി ക്യാമറയും നൽകും. ഈ ഹാൻഡ്‌സെറ്റിൻറെ മറ്റ് വിശദാംശങ്ങൾ ഇപ്പോൾ ലഭ്യമല്ല. റിയൽ‌മി എക്‌സ് 7 പ്രോ എക്‌സ്ട്രീം എഡിഷന് ചൈനയിൽ സി‌എൻ‌വൈ 2,000 (ഏകദേശം 20,000 രൂപ) വില വരുന്നു. വളഞ്ഞ പാനലിൽ വരുന്ന ബ്രാൻഡിൻറെ ആദ്യത്തെ സ്മാർട്ട്ഫോണായിരിക്കും റിയൽ‌മി എക്‌സ് 7 പ്രോ എക്‌സ്ട്രീം എഡിഷൻ.

കൂടുതൽ വായിക്കുക: സാംസങ് ഗാലക്‌സി എ72, ഗാലക്‌സി എ52 സ്മാർട്ട്ഫോണുകൾ ഇന്ത്യൻ വിപണിയിലെത്തി; വിലയും സവിശേഷതകളും

റിയൽ‌മി എക്‌സ് 7 പ്രോ എക്‌സ്ട്രീം എഡിഷൻ ഇന്ത്യയിൽ

നിലവിൽ, ഈ സ്മാർട്ട്ഫോൺ ഇന്ത്യയിൽ എത്തുമോ അതോ ചൈനയിൽ മാത്രമായി ലഭ്യമാക്കുമോ എന്ന കാര്യം ഇതുവരെ വ്യക്തമല്ല. എന്നാൽ, റിയൽ‌മി എക്‌സ് 7, റിയൽ‌മി എക്‌സ് 7 പ്രോയും കഴിഞ്ഞ മാസം രാജ്യത്ത് അവതരിപ്പിക്കുകയുണ്ടായി. ഇത് കണക്കിലെടുക്കുമ്പോൾ ഇന്ത്യയിൽ ഈ സ്മാർട്ട്‌ഫോൺ ലഭിക്കുമെന്നുള്ള പ്രതീക്ഷ തള്ളിക്കളയാനാവില്ല. നിലവിൽ, മാർച്ച് 24 ന് രാജ്യത്ത് റിയൽ‌മി 8 സീരീസ് വിപണിയിലെത്തിക്കാൻ കമ്പനി ഒരുങ്ങുകയാണ്. റിയൽ‌മി 8 സീരീസിനുപുറമെ, റിയൽ‌മി നാർ‌സോ 30 4 ജി, നാർ‌സോ 5 ജി എന്നിവയും ഉടൻ ഇന്ത്യയിൽ വിപണിയിലെത്തുമെന്ന് ബ്രാൻഡ് സ്ഥിരീകരിച്ചു.