റിയൽമി എക്സ്7 പ്രോ സ്മാർട്ട്ഫോണിന്റെ ആദ്യ വിൽപ്പന ഇന്ന്; വിലയും സവിശേഷതകളും

റിയൽമി എക്സ്7 പ്രോ സ്മാർട്ട്ഫോൺ ഒറ്റ സ്റ്റോറേജ് വേരിയന്റിൽ മാത്രമേ നിലവിൽ രാജ്യത്ത് ലഭ്യമാകുന്നുള്ളു. 8 ജിബി റാമും 128 ജിബി സ്റ്റോറേജുമാണ് ഡിവൈസിൽ ഉള്ളത്. ഇത് മികച്ച റാം കോൺഫിഗറേഷൻ തന്നെയാണ്. റിയൽമി എക്സ്7 പ്രോ സ്മാർട്ട്ഫോണിനൊപ്പം പുറത്തിറങ്ങിയ റിയൽമി എക്സ്7 രണ്ട് സ്റ്റോറേജ് വേരിയന്റുകളിൽ ലഭ്യമാണ്. ഈ രണ്ട് ഡിവൈസുകളും കഴിഞ്ഞ സെപ്റ്റംബറിൽ തന്നെ ചൈനീസ് വിപണിയിൽ അവതരിപ്പിച്ചിരുന്നു. വൈകി എത്തിയതാണെങ്കിലും ഇന്ത്യൻ വിപണിയിൽ ആവശ്യമായ എല്ലാ സവിശേഷതകളും ഡിവൈസിൽ ഉണ്ട്.

റിയൽമി എക്സ്7 പ്രോ: വില

റിയൽമി എക്സ് 7 പ്രോ സ്മാർട്ട്ഫോണിന്റെ 8 ജിബി റാം + 128 ജിബി സ്റ്റോറേജ് മോഡലിന് 29,999 രൂപയാണ് വില. മുകളിൽ സൂചിപ്പിച്ചപോലെ മറ്റ് വേരിയന്റുകൾ ഇതുവരെ ഇന്ത്യയിൽ അവതരിപ്പിച്ചിട്ടില്ല. ഫാന്റസി, മിസ്റ്റിക് ബ്ലാക്ക് കളർ ഓപ്ഷനുകളിൽ ഈ ഡിവൈസ് ലഭ്യമാണ്. ഇന്ന് ഉച്ചയ്ക്ക് 12 മണിക്ക് ആരംഭിക്കുന്ന ഡിവൈസിന്റെ വിൽപ്പന ഫ്ലിപ്പ്കാർട്ട്, റിയൽ‌മി.കോം, ഓഫ്‌ലൈൻ ഔട്ട്‌ലെറ്റുകൾ എന്നിവയിലാണ് നടക്കുന്നത്.

റിയൽ‌മി എക്സ്7 പ്രോ 5ജി: സവിശേഷതകൾ

120 ഹെർട്സ് റിഫ്രഷ് റേറ്റും അഞ്ചാം തലമുറ കോർണിംഗ് ഗോറില്ല ഗ്ലാസ് പ്രോട്ടക്ഷനുമുള്ള 6.55 ഇഞ്ച് ഫുൾ എച്ച്ഡി+ അമോലെഡ് ഡിസ്‌പ്ലേയാണ് റിയൽമി എക്സ്7 പ്രോ സ്മാർട്ട്ഫോണിൽ ഉള്ളത്. ഡിവൈസിൽ 8 ജിബി എൽപിഡിഡിആർ 4 എക്സ് റാമാണ് ഉള്ളത്. ഒക്ടാ കോർ ഡൈമെൻസിറ്റി 1000+ എസ്ഒസിയുടെ കരുത്തിലാണ് ഈ ഡിവൈസ് പ്രവർത്തിക്കുന്നത്. ആൻഡ്രോയിഡ് 10 ബേസ്ഡ് റിയൽ‌മി യുഐയാണ് ഡിവൈസിന്റെ ഒഎസ്.

റിയൽ‌മി എക്സ്7 പ്രോ 5ജി സ്മാർട്ട്ഫോണിൽ 4,500 എംഎഎച്ച് ബാറ്ററിയാണ് ഉള്ളത്. ഈ ബാറ്ററി വേഗത്തിൽ ചാർജ് ചെയ്യാനായി ഡിവൈസിൽ 65W ഫാസ്റ്റ് ചാർജിങ് സപ്പോർട്ടും നൽകിയിട്ടുണ്ട്. ഡിവൈസിൽ കണക്ടിവിറ്റി ഓപ്ഷനുകളായി ഡ്യുവൽ-ബാൻഡ് വൈ-ഫൈ, ബ്ലൂടൂത്ത് 5.0, ജിപിഎസ്, എൻ‌എഫ്‌സി, യു‌എസ്ബി ടൈപ്പ്-സി പോർട്ട് എന്നിവ നൽകിയിട്ടുണ്ട്.

64 എംപി പ്രൈമറി സെൻസർ, 8 എംപി അൾട്രാ വൈഡ് ആംഗിൾ ലെൻസ്, 2 എംപി പോർട്രെയ്റ്റ്, 2 എംപി മാക്രോ ഷൂട്ടർ എന്നിവ ഉൾപ്പെടുന്ന റിയൽമി എക്സ് 7 പ്രോ സ്മാർട്ട്ഫോണിൽ ക്വാഡ്-റിയർ ക്യാമറ സെറ്റപ്പാണ് കമ്പനി നൽകിയിട്ടുള്ളത്. സെൽഫികൾക്കും വീഡിയോ കോളുകൾക്കുമായി 32 എംപി ഫ്രണ്ട് ഫേസിംഗ് സെൻസറും ഈ ഡിവൈസിൽ നൽകിയിട്ടുണ്ട്. ഡിവൈസിലെ ക്യാമറകളെല്ലാം മികച്ചതാണ്.