ഷവോമി റെഡ്മി 9 സ്മാർട്ട്ഫോണിന്റെ വില വെളിപ്പെടുത്തി പുതിയ ലീക്ക് റിപ്പോർട്ട്

പുതിയ ലീക്ക് റിപ്പോർട്ടിൽ വില, നിറം, ഡിസൈൻ തുടങ്ങിയ കാര്യങ്ങളാണ് ഉൾപ്പെടുത്തിയിട്ടുള്ളത്. ക്വാഡ് റിയർ ക്യാമറ സെറ്റപ്പ്, വാട്ടർ ഡ്രോപ്പ് ശൈലിയിലുള്ള നോച്ച് ഡിസ്പ്ലേ ഡിസൈൻ എന്നിവയുമായിട്ടായിരിക്കും റെഡ്മി 9 സ്റ്റാൻഡേർഡ് പതിപ്പ് പുറത്തിറങ്ങുക. ഇതിനൊപ്പം റെഡ്മി 9 എ, റെഡ്മി 9 സി എന്നീ ഡിവൈസുകളും ഷവോമി പുറത്തിറക്കുമെന്നാണ് റിപ്പോട്ടുകൾ.

ഷവോമി റെഡ്മി 9; പ്രതീക്ഷിക്കുന്ന വിലയും നിറങ്ങളും

ഷവോമി റെഡ്മി 9 സ്മാർട്ട്ഫോൺ 139 ഡോളർ മുതലുള്ള വിലയിലായിരിക്കും വിപണിയിൽ ലഭ്യമാവുക. ഇത് ഇന്ത്യയിൽ ഏകദേശം 10,500 രൂപയാണ്. 3 ജിബി റാം + 32 ജിബി സ്റ്റോറേജ് മോഡലിനാണ് ഈ വില പ്രതീക്ഷിക്കുന്നത്. ഡിവൈസ് 4 ജിബി റാം + 64 ജിബി സ്റ്റോറേജ് വേരിയന്റിലും പുറത്തിറങ്ങു. ഇതിന് 149 ഡോളർ (ഏകദേശം 11,200 രൂപ) വില വരും. ഈ ഡിവൈസ് ഗ്രേ, സൺസെറ്റ് പർപ്പിൾ, ഗ്രീൻ എന്നിങ്ങനെ മൂന്ന് നിറങ്ങളിൽ ലഭ്യമാകും.

കുറച്ച് ദിവസങ്ങൾക്ക് മുമ്പ് ടിപ്‌സ്റ്റർ സുധാൻഷു പുറത്ത് വിട്ട ലീക്ക് റിപ്പോർട്ടിൽ റെഡ്മി 9, റെഡ്മി 9 എ, റെഡ്മി 9സി എന്നിവയുടെ സവിശേഷതകൾ വെളിപ്പെടുത്തിയിരുന്നു. ഈ ലീക്ക് റിപ്പോർട്ട് പ്രകാരം, 6.53 ഇഞ്ച് എഫ്എച്ച്ഡി + എൽസിഡി ഡിസ്പ്ലേയുമായിട്ടായിരിക്കും സ്റ്റാൻഡേർഡ് റെഡ്മി 9 പുറത്തിറങ്ങുക. 4 ജിബി റാമും 64 ജിബി സ്റ്റോറേജ് സ്പൈസുമുള്ള ഈ ഡിവൈസിൽ മീഡിയടെക് ഹീലിയോ ജി 70 പ്രോസസറായിരിക്കും ഉണ്ടായിരിക്കുക.

റിപ്പോർട്ട് അനുസരിച്ച് റെഡ്മി 9ന് ക്വാഡ് റിയർ ക്യാമറ സെറ്റപ്പായിരിക്കും ഉണ്ടാവുക. ഈ സെറ്റപ്പിൽ 13 മെഗാപിക്സൽ സെൻസർ, 8 മെഗാപിക്സൽ സെൻസർ, 5 മെഗാപിക്സൽ സെൻസർ, 2 മെഗാപിക്സൽ സെൻസർ എന്നിവ ഉണ്ടായിരിക്കും. മുൻവശത്ത് 5 മെഗാപിക്സൽ ക്യാമറയായിരിക്കും ഉണ്ടാവുക.

5,000 എംഎഎച്ച് ബാറ്ററി, യുഎസ്ബി ടൈപ്പ്-സി പോർട്ട്, 3.5 എംഎം ഹെഡ്‌ഫോൺ ജാക്ക്, ഐആർ ബ്ലാസ്റ്റർ എന്നിവയും റെഡ്മി 9 സ്മാർട്ട്ഫോണിൽ ഉണ്ടായിരിക്കുമെന്ന് ലീക്ക് റിപ്പോർട്ട് സൂചിപ്പിക്കുന്നു. സുരക്ഷയ്ക്കായി ഫോണിൽ ഫിംഗർപ്രിന്റ് സ്കാനറും ഉണ്ട്.