റെഡ്മി കെ 50 സീരീസുമായി ഷവോമി വൈസ് പ്രസിഡന്റുമായ ലു വെയ്‌ബിംഗ്

റെഡ്മിയുടെ ജനറൽ മാനേജറും ഷവോമി വൈസ് പ്രസിഡന്റുമായ ലു വെയ്‌ബിംഗ് അടുത്തിടെ നെക്സ്റ്റ് ജനറേഷൻ ഹാൻഡ്സെറ്റായ റെഡ്മി കെ 50യുടെ സവിശേഷതകൾ, കോൺഫിഗറേഷൻ, എക്സ്‌പീരിയൻസ് എന്നിവയെ കുറിച്ച് ഏതാനും സൂചനകൾ നൽകുന്നു. ഇതിനുപുറമെ, കെ 50 സീരീസിൻറെ മുൻഗാമിയുടെ സവിശേഷതകളിൽ പ്രത്യേകിച്ചും വരുന്ന ഫാസ്റ്റ് ചാർജിംഗ്, വീഡിയോ / ഇമേജിംഗ്, സ്ക്രീൻ ക്വളിറ്റി എന്നിവയെ കൂടുതൽ മെച്ചപ്പെടുത്തി പുതിയ സീരിസിൽ അവതരിപ്പിക്കുമെന്ന് ടിപ്സ്റ്റർ ഡിജിറ്റൽ ചാറ്റ് സ്റ്റേഷൻ വെളിപ്പെടുത്തി.

4,520 എംഎഎച്ച് ബാറ്ററിയ്ക്കായി 33W ഫാസ്റ്റ് ചാർജിംഗ് സാങ്കേതികവിദ്യയ്ക്കുള്ള സപ്പോർട്ട് റെഡ്മി കെ 40 യിൽ അവതരിപ്പിച്ചിരുന്നുവെന്നുള്ള കാര്യം ഓർക്കുക. 50W അല്ലെങ്കിൽ 65W ലേക്ക് അപ്‌ഗ്രേഡ് ചെയ്യുന്നത് ചിലപ്പോൾ കണ്ടേക്കാം. ഇപ്പോൾ, കെ 50 സീരീസിന് ലഭിക്കുന്ന സവിശേഷതകളെക്കുറിച്ച് ഇതുവരെ കൂടുതൽ വിവരങ്ങളൊന്നും കമ്പനി വ്യക്തമാക്കിയിട്ടില്ല. ഈ സ്മാർട്ഫോൺ എപ്പോൾ പുറത്തിറക്കുമെന്ന് ഈ ചൈനീസ് ടെക് ഭീമൻ ഇതുവരെ വെളിപ്പെടുത്തിയിട്ടില്ല.

എന്നാൽ, മുൻ‌ഗണനയും വെയ്ബിംഗ് പോസ്റ്റിൻറെ സമയവും അടിസ്ഥാനപ്പെടുത്തി നോക്കിയാൽ ഈ വർഷം കഴിയുന്നതിന് മുമ്പ് കമ്പനി പുതിയ മോഡൽ അവതരിപ്പിച്ചേക്കും. കെ 50 സീരീസിൻറെ കൂടുതൽ വിശദാംശങ്ങൾ വരും ആഴ്ചകളിൽ പുറത്തുവരുമെന്ന് പ്രതീക്ഷിക്കുന്നു. അതുകൊണ്ടുതന്നെ ഷവോമി സ്മാർട്ഫോൺ പ്രേമികൾ ഇത് അവതരിപ്പിക്കുവാൻ കാത്തിരിക്കുകയാണ്. ഈ പുതിയ സീരിസിൽ പഴയ സീരിസിനെക്കാളും ഏറ്റവും മികച്ച സവിശേഷതകൾ ഉണ്ടാകുമെന്ന് പറയുന്നു. റെഡ്മി കെ 50 സീരീസ് ലോഞ്ച് വരും ആഴ്ചകളിൽ ചൈനയിൽ നടക്കുമെന്ന് പ്രതീക്ഷിക്കുന്നുണ്ടെങ്കിലും, ഇന്ത്യ ഉൾപ്പെടെയുള്ള രാജ്യങ്ങളിൽ ഗ്ലോബൽ ലോഞ്ച് നടക്കുവാൻ സമയമെടുക്കും.