റെഡ്മി K20 പ്രോ 6 ജിബി റാം വേരിയൻറിന് ഇന്ത്യയിൽ വില കുറഞ്ഞു; പുതിയ വിലയും ഓഫറുകളും

ഏപ്രിലിൽ ഉണ്ടായ ജിഎസ്ടി വർധനവിന് ശേഷം റെഡ്മി K20 പ്രോ സ്മാർട്ട്ഫോണിന്റെ 6 ജിബി റാം മോഡലിന് 26,999 രൂപയായിരുന്നു വില. പുതിയ വിലക്കിഴിവ് ജൂലൈ 13 വരെ മാത്രമേ ലഭിക്കുകയുള്ളു. ഡിവൈസിനറെ 8 ജിബി റാം വേരിയന്റിന്റെ വിലയിൽ മാറ്റമൊന്നും വരുത്തിയിട്ടില്ല.

ഷവോമി ഇന്ത്യ സിഇഒ മനു കുമാർ ജെയിൻ ട്വീറ്റിലൂടെയാണ് പുതിയ ഓഫർ പ്രഖ്യാപിച്ചത്. റെഡ്മി കെ 20 പ്രോ 8 ജിബി റാം + 256 ജിബി സ്റ്റോറേജ് മോഡലിന് 29,999 രൂപയാണ് വില. കാർബൺ ബ്ലാക്ക്, ഫ്ലേം റെഡ്, ഗ്ലേസിയർ ബ്ലൂ, പേൾ വൈറ്റ് കളർ ഓപ്ഷനുകളിലാണ് ഈ സ്മാർട്ട്ഫോൺ ഇന്ത്യൻ വിപണിയിൽ ലഭ്യമാവുക.

റെഡ്മി കെ 20 പ്രോയുടെ സവിശേഷതകൾ

ഡ്യുവൽ സിം (നാനോ) സവിശേഷതയുള്ള റെഡ്മി കെ 20 പ്രോ MIUI 10 ഉള്ള ആൻഡ്രോയിഡ് 9 പൈയിലാണ് പ്രവർത്തിക്കുന്നത്. 19.5: 9 ആസ്പാക്ട് റേഷിയോവോട് കൂടിയ 6.39 ഇഞ്ച് അമോലെഡ് ഫുൾ എച്ച്ഡി + (1080x2340 പിക്‌സൽ) ഡിസ്‌പ്ലേയാണ് ഫോണിന്റെത്. ഒക്ടാകോർ ക്വാൽകോം സ്‌നാപ്ഡ്രാഗൺ 855 SoC ആണ് സ്മാർട്ട്ഫോണിന് കരുത്ത് പകരുന്നത്. 8 ജിബി റാമും 256 ജിബി വരെ ഇന്റേണൽ സ്റ്റോറേജും ലഭ്യമാണ്.

റെഡ്മി കെ 20 പ്രോയിൽ ട്രിപ്പിൾ റിയർ ക്യാമറ സജ്ജീകരണമാണ് നൽകിയിരിക്കുന്നത്. 48 മെഗാപിക്സൽ സോണി ഐഎംഎക്സ് 586 പ്രൈമറി ഇമേജ് സെൻസർ എഫ് / 1.75 ലെൻസോടുകൂടി നൽകിയിരിക്കുന്നു. ഇതിനൊപ്പം 13 മെഗാപിക്സൽ സെക്കൻഡറി ഷൂട്ടർ വൈഡ് ആംഗിൾ ലെൻസ്, 8 മെഗാപിക്സൽ ടെർഷ്യറി സെൻസർ എഫ് / 2.4 ലെൻസ് എന്നിവയാണ് റിയർ ക്യാമറ സെറ്റപ്പിൽ കൊടുത്തിരിക്കുന്നത്. ഇത് കൂടാതെ 20 മെഗാപിക്സൽ പോപ്പ്-അപ്പ് സെൽഫി ക്യാമറയും നൽകിയിരിക്കുന്നു.

റെഡ്മി കെ 20 പ്രോയിലെ കണക്റ്റിവിറ്റി ഓപ്ഷനുകളിൽ 4 ജി വോൾട്ട്, വൈ-ഫൈ 802.11ac, ബ്ലൂടൂത്ത് വി 5.0, ജിപിഎസ് / എ-ജിപിഎസ്, യുഎസ്ബി ടൈപ്പ്-സി പോർട്ട്, 3.5 എംഎം ഹെഡ്‌ഫോൺ ജാക്ക് എന്നിവ ഉൾപ്പെടുന്നു. കൂടാതെ, 27W ഫാസ്റ്റ് ചാർജിംഗ് ടെക്നോളജിയുള്ള 4,000 എംഎഎച്ച് ബാറ്ററിയും ഫോൺ പായ്ക്ക് ചെയ്യുന്നു.