റെഡ്മി നോട്ട് 10 6 ജിബി റാം വേരിയന്റിന്റെ ഓപ്പൺ സെയിൽ ആരംഭിച്ചു; വിലയും സവിശേഷതകളും

റെഡ്മി നോട്ട് 10 സ്മാർട്ട്ഫോണിന്റെ 6 ജിബി റാമും 128 ജിബി സ്റ്റോറേജ് സ്പേസുമുള്ള സ്മാർട്ട്ഫോണാണ് ഇന്ത്യയിൽ ഓപ്പൺ സെയിലിനായി ലഭ്യമാക്കിയിരിക്കുന്നത്. ഇനി എല്ലായിപ്പോഴും ഈ ഡിവൈസ് നിങ്ങൾക്ക് വാങ്ങാനായി ലഭ്യമാകും. റെഡ്മി നോട്ട് 10 പ്രോ, റെഡ്മി നോട്ട് 10 പ്രോ മാക്സ് എന്നിവയ്ക്കൊപ്പമാണ് ഈ സ്മാർട്ട്ഫോൺ ഇന്ത്യൻ വിപണിയിൽ അവതരിപ്പിച്ചത്. സീരിസിലെ ഏറ്റവും വില കുറഞ്ഞ ഡിവൈസ് കൂടിയാണ് റെഡ്മി നോട്ട് 10. ഈ ഡിവൈസിന്റെ ഹൈ എൻഡ് വേരിയന്റിന്റെ ഓപ്പൺ സെയിലാണ് ഇപ്പോൾ ആരംഭിച്ചിരിക്കുന്നത്.

കൂടുതൽ വായിക്കുക: മികച്ച സവിശേഷതകളുമായി ഓപ്പോ എഫ്19 ഇന്ത്യയിലെത്തി, വില 18,990 രൂപ

റെഡ്മി നോട്ട് 10: വില

റെഡ്മി നോട്ട് 10 സ്മാർട്ട്ഫോണിന്റെ 4 ജിബി റാമും 64 ജിബി സ്റ്റോറേജുമുള്ള അടിസ്ഥാന വേരിയന്റിന് 11,999 രൂപയാണ് വില. ഡിവൈസിന്റെ 6 ജിബി റാമും 128 ജിബി സ്റ്റോറേജ് സ്പൈസുമുള്ള മോഡലിന് 13,999 രൂപ വിലയുണ്ട്. ഓപ്പൺ സെയിലിലൂടെ 6 ജിബി റാമുള്ള ഹൈ എൻഡ് വേരിയന്റ് മാത്രമാണ് നിലവിൽ ലഭ്യമായിട്ടുള്ളത്. ഷാഡോ ബ്ലാക്ക്, ഫ്രോസ്റ്റ് വൈറ്റ്, അക്വാ ഗ്രീൻ എന്നിങ്ങനെ മൂന്ന് കളർ ഓപ്ഷനുകളിൽ ഈ സ്മാർട്ട്ഫോൺ ലഭ്യമാകും.

റെഡ്മി നോട്ട് 10: സവിശേഷതകൾ

ഗോറില്ല ഗ്ലാസ് 3 പ്രോട്ടക്ഷനുള്ള 6.43 ഇഞ്ച് എഫ്എച്ച്ഡി+ സൂപ്പർ അമോലെഡ് ഡിസ്പ്ലേയുമായിട്ടാണ് റെഡ്മി നോട്ട് 10 സ്മാർട്ട്ഫോൺ പുറത്തിറക്കിയിരിക്കുന്നത്. മുകളിൽ സൂചിപ്പിച്ചത് പോലെ 6 ജിബി റാമും 128 ജിബി ഇന്റേണൽ സ്റ്റോറേജും ഈ ഡിവൈസിൽ ഉണ്ട്. ഒക്ടാകോർ ക്വാൽകോം സ്‌നാപ്ഡ്രാഗൺ 678 ചിപ്‌സെറ്റിന്റെ കരുത്തിലാണ് ഈ ഡിവൈസ് പ്രവർത്തിക്കുന്നത്. ആൻഡ്രോയിഡ് 11ബേസ്ഡ് എംഐയുഐ 12ആണ് ഡിവൈസിലെ ഒഎസ്.

കൂടുതൽ വായിക്കുക: റിയൽ‌മി എക്സ്7 പ്രോ, എക്സ്7, നാർ‌സോ 30 പ്രോ എന്നിവയ്ക്ക് 2,000 രൂപ വരെ വിലക്കിഴിവ്

റെഡ്മി നോട്ട് 10 സ്മാർട്ട്ഫോണിന് പിന്നിൽ നാല് പിൻ ക്യാമറകളാണ് ഉള്ളത്. 48 എംപി പ്രൈമറി ക്യാമറ, 8 എംപി അൾട്രാ-വൈഡ് സെൻസർ, 2 എംപി മാക്രോ ലെൻസ്, 2 എംപി ഡെപ്ത് സെൻസർ എന്നിവയാണ് ഈ ക്വാഡ് ക്യാമറ സെറ്റപ്പിലെ സെൻസറുകൾ. മുൻവശത്ത് സെൽഫികൾക്കായി 13 എംപി ഫ്രണ്ട് ക്യാമറ നൽകിയിട്ടുണ്ട്. 33W ഫാസ്റ്റ് ചാർജിങ് സപ്പോർട്ടുള്ള 5000 എംഎഎച്ച് ബാറ്ററിയാണ് റെഡ്മി നോട്ട് 10 സ്മാർട്ട്ഫോണിൽ നൽകിയിട്ടുള്ളത്. ഈ ചാർജറിന് ഏകദേശം 80 മിനിറ്റിനുള്ളിൽ ഫോണിന്റെ ബാറ്ററി മുഴുവനായും തീർന്ന അവസ്ഥയിൽ നിന്നും 100% വരെ ചാർജ് ചെയ്യാൻ സാധിക്കും.

കണക്റ്റിവിറ്റിക്കായി റെഡ്മി നോട്ട് 10 സ്മാർട്ട്ഫോണിൽ ബ്ലൂടൂത്ത് 5.0, ടൈപ്പ്-സി ചാർജിംഗ് പോർട്ട്, 3.5 എംഎം ഓഡിയോ ജാക്ക്, രണ്ട് സിം കാർഡ് സ്ലോട്ടുകൾ, മൈക്രോ എസ്ഡി കാർഡ് സ്പേസ്, ഡ്യുവൽ-ബാൻഡ് വൈ-ഫൈ എസി എന്നിവയും നൽകിയിട്ടുണ്ട്. റെഡ്മി നോട്ട് 10 അതിന്റെ വില കണക്കിലെടുക്കുമ്പോൾ മികച്ചൊരു ഓപ്ഷൻ തന്നെയാണ്. ഈ വില നിലവാരത്തിൽ ലഭിക്കുന്ന മികച്ച സവിശേഷതകളെല്ലാം ഈ ഡിവൈസിൽ റെഡ്മി നൽകിയിട്ടുണ്ട്.

കൂടുതൽ വായിക്കുക: സാംസങ് ഗാലക്‌സി എ31ന് ഇന്ത്യയിൽ വില കുറച്ചു, ഗാലക്സി എ32ന് എക്സ്ചേഞ്ച് ഓഫറും പ്രഖ്യാപിച്ചു