റെഡ്മി നോട്ട് 10 സ്മാർട്ട്ഫോൺ സ്വന്തമാക്കാൻ ഇന്ന് വീണ്ടും അവസരം, വിൽപ്പന ഉച്ചയ്ക്ക്

റെഡ്മി നോട്ട് 10: വില

റെഡ്മി നോട്ട് 10 4 ജിബി റാം, 64 ജിബി സ്റ്റോറേജുമുള്ള സ്മാർട്ട്ഫോണിന് 11,999 രൂപ വിലയുണ്ട്. 6 ജിബി റാമും 128 ജിബി സ്റ്റോറേജുമുള്ള ഓപ്പൺ സെയിലിലൂടെ ലഭ്യമാകുന്ന മോഡലിന് 13,999 രൂപയാണ് വില. ഇന്ന് ഉച്ചയ്ക്ക് 12 മണിക്ക് ഈ സ്മാർട്ട്ഫോൺ ലഭ്യമാകും. ആമസോൺ, ഷവോമി ഓൺലൈൻ സ്റ്റോർ എന്നിവയിലൂടെ ഡിവൈസ് ലഭ്യമാകും. ഫ്ലാഷ് സെയിലിലൂടെ ഡിവൈസ് വാങ്ങുന്നവർക്ക് മികച്ച ഓഫറുകൾ ലഭിക്കും. അക്വാ ഗ്രീൻ, ഫ്രോസ്റ്റ് വൈറ്റ്, ഷാഡോ ബ്ലാക്ക് എന്നീ കളർ വേരിയന്റുകളിൽ സ്മാർട്ട്ഫോൺ ലഭ്യമാകും.

റെഡ്മി നോട്ട് 10: സവിശേഷതകൾ

6.43 ഇഞ്ച് സൂപ്പർ അമോലെഡ് ഡിസ്പ്ലേയുമായിട്ടാണ് റെഡ്മി നോട്ട് 10 സ്മാർട്ട്ഫോൺ പുറത്തിറങ്ങിയത്. ഈ ഡിസ്പ്ലെയ്ക്ക് എഫ്എച്ച്ഡി + റെസല്യൂഷനും 20: 9 അസ്പാക്ട് റേഷിയോവും ഉണ്ട്. കോർണിംഗ് ഗോറില്ല ഗ്ലാസ് 3 ആണ് ഡിസ്പ്ലെയ്ക്ക് സുരക്ഷ നൽകുന്നത്. സെൽഫികൾക്കും വീഡിയോ കോളിങിനുമായി സ്മാർട്ട്ഫോണിൽ 13 എംപി ക്യാമറയാണ് ഷവോമി നൽകിയിട്ടുള്ളത്. ഈ ക്യാമറ സ്ഥാപിക്കാനായി പഞ്ച്-ഹോൾ കട്ട് ഔട്ടും ഡിസ്പ്ലെയിൽ ഉണ്ട്.

ക്വാഡ് റിയർ ക്യാമറ സെറ്റപ്പാണ് റെഡ്മി നോട്ട് 10 സ്മാർട്ട്ഫോണിൽ നൽകിയിട്ടുള്ളത്. ഈ ക്യമറ സെറ്റപ്പിലെ പ്രൈമറി ക്യാമറ 48 എംപിയാണ്. ഇതിനൊപ്പം 8 എംപി അൾട്രാ-വൈഡ് ആംഗിൾ ലെൻസ്, 2 എംപി മാക്രോ ഷൂട്ടർ, 2 എംപി ഡെപ്ത് സെൻസർ എന്നിവയും ഷവോമി നൽകിയിട്ടുണ്ട്. അഡ്രിനോ 612 ജിപിയുവും 6 ജിബി റാമുമുള്ള സ്മാർട്ട്ഫോണിന് കരുത്ത് നൽകുന്നത് ക്വാൽകോം സ്‌നാപ്ഡ്രാഗൺ 678 ചിപ്‌സെറ്റാണ്. ഈ വില വിഭാഗത്തിൽ ലഭിക്കുന്ന മികച്ച ചിപ്പ്സെറ്റുകളിൽ ഒന്നാണ് ഇത്.

128 ജിബി വരെ ഇന്റേണൽ സ്റ്റോറേജാണ് നോട്ട 10 സ്മാർട്ട്ഫോണിൽ ഉള്ളത്. ഈ സ്റ്റോറേജ് തികയാതെ വരുന്നവർക്കായി മൈക്രോ എസ്ഡി കാർഡ് വഴി 512 ജിബി വരെ സ്റ്റോറേജ് എക്സ്പാൻഡ് ചെയ്യാനുള്ള സംവിധാനവും നൽകിയിട്ടുണ്ട്. ആൻഡ്രോയിഡ് 11 ബേസ്ഡ് എംഐയുഐ 12ലാണ് ഈ സ്മാർട്ട്ഫോൺ പ്രവർത്തിക്കുന്നത്. 5,000 mAh ബാറ്ററിയും ഡിവൈസിൽ ഉണ്ട്. ഈ വലിയ ബാറ്ററി ചാർജ് ചെയ്യാൻ 33W ഫാസ്റ്റ് ചാർജിങ് സപ്പോർട്ടും നൽകിയിട്ടുണ്ട്. ഇതിലൂടെ ബാറ്ററി വേഗത്തിൽ ചാർജ് ചെയ്യാൻ സാധിക്കും.