റെഡ്മി നോട്ട് 10 പ്രോ സ്മാർട്ട്ഫോണിന്റെ ആദ്യ വിൽപ്പന ഇന്ന്; വിലയും ഓഫറുകളും

റെഡ്മി നോട്ട് 10 പ്രോ: വില, ഓഫറുകൾ

ഇന്ത്യയിൽ റെഡ്മി നോട്ട് 10 പ്രോയുടെ 6 ജിബി റാമും 64 ജിബി സ്റ്റോറേജുമുള്ള മോഡലിന് 15,999 രൂപയാണ് വില. 6 ജിബി റാമും 128 ജിബി സ്റ്റോറേജുമുള്ള മോഡലിന് 16,999 രൂപ വിലയുണ്ട്. ടോപ്പ് എൻഡ് മോഡലായ 8 ജിബി റാമും 128 ജിബി സ്റ്റോറേജുമുള്ള മോഡലിന് 18,999 രൂപയാണ് വില. ഡാർക്ക് നൈറ്റ്, ഗ്ലേഷ്യൽ ബ്ലൂ, വിന്റേജ് ബ്രൌൺസ് എന്നീ നിറങ്ങളിൽ ഈ സ്മാർട്ട്ഫോൺ ലഭ്യമാകും. ഇന്ന് ഉച്ചയ്ക്ക് 12 മണി മുതൽ ആമസോൺ, എംഐ.കോം, എംഐ ഹോം, എംഐ സ്റ്റുഡിയോ സ്റ്റോറുകൾ എന്നിവ വഴി ഈ ഡിവൈസ് വിൽപ്പനയ്ക്ക് എത്തും.

റെഡ്മി നോട്ട് 10 പ്രോ സ്മാർട്ട്ഫോൺ വാങ്ങുന്നവർക്ക് ഐസിഐസിഐ ബാങ്ക് ക്രെഡിറ്റ് കാർഡുകളും ഇഎംഐ ഇടപാടുകളും ഉപയോഗിക്കുന്നവർക്ക് 1,000 രൂപ ഇൻസ്റ്റന്റ് ഡിസ്കൌണ്ട് ലഭിക്കും. മൊബിക്വിക്ക് വഴി പേയ്മെന്റ് നടത്തുന്ന ഉപയോക്താക്കൾക്ക് ഈ ഡിവൈസിൽ 5000 രൂപ ക്യാഷ്ബാക്കും ലഭിക്കും. ഈ ഡിവൈസ് വാങ്ങാൻ താല്പര്യമുള്ളവർക്ക് മികച്ച അവസരമാണ് ഇത്.

റെഡ്മി നോട്ട് 10 പ്രോ: സവിശേഷതകൾ

ആൻഡ്രോയിഡ് 11 ബേസ്ഡ് എംഐയുഐ 12ലാണ് റെഡ്മി നോട്ട് 10 പ്രോ പ്രവർത്തിക്കുന്നത്. ഈ ഡിവൈസ് ഡ്യുവൽ സിം (നാനോ) സപ്പോർട്ടുമായി വരുന്നു. 6.67 ഇഞ്ച് ഫുൾ എച്ച്ഡി+ സൂപ്പർ അമോലെഡ് ഡിസ്‌പ്ലേയാണ് ഡിവൈസിൽ ഉള്ളത്. 1,200 നിറ്റ് വരെ പീക്ക് ബ്രൈറ്റ്നെസും എച്ച്ഡിആർ 10 സപ്പോർട്ടും ഉള്ള ഡിസ്പ്ലെയാണ് ഇത്. ഒക്ടാകോർ ക്വാൽകോം സ്‌നാപ്ഡ്രാഗൺ 732ജി എസ്ഒസി, 8 ജിബി വരെ എൽപിഡിഡിആർ 4 എക്‌സ് റാം എന്നിവയാണ് ഈ സ്മാർട്ട്ഫോണിൽ റെഡ്മി നൽകിയിട്ടുള്ളത്.

എഫ് / 1.9 ലെൻസുള്ള 64 മെഗാപിക്സൽ പ്രൈമറി സാംസങ് ജിഡബ്ല്യു3 സെൻസർ, 8 മെഗാപിക്സൽ അൾട്രാ-വൈഡ് ആംഗിൾ ഷൂട്ടർ, 5 മെഗാപിക്സൽ സൂപ്പർ മാക്രോ ഷൂട്ടർ, 2 മെഗാപിക്സൽ ഡെപ്ത് സെൻസർ എന്നിവ ഉൾപ്പെടുന്ന ക്വാഡ് റിയർ ക്യാമറ സെറ്റപ്പാണ് ഈ ഡിവൈസിൽ ഉള്ളത്. സെൽഫികൾക്കും വീഡിയോ കോളുകൾക്കുമായി ഫോണിന്റെ മുൻവശത്ത് 16 മെഗാപിക്സൽ ക്യാമറ സെൻസറും നൽകിയിട്ടുണ്ട്. എഫ് / 2.45 ലെൻസുള്ള സെൽഫി ക്യാമറയാണ് ഇത്.