റെഡ്മി നോട്ട് 10 പുറത്തിറങ്ങുക മീഡിയ ഡെമൻസിറ്റി 820യുടെ കരുത്തുമായി

റെഡ്മി നോട്ട് 10: പ്രതീക്ഷിക്കുന്ന സവിശേഷതകൾ

കഴിഞ്ഞ ദിവസം ഇന്ത്യൻ വിപണിയിൽ അവതരിപ്പിച്ച റെഡ്മി നോട്ട് 9 ന്റെ പിൻഗാമിയായിട്ടാണ് റെഡ്മി നോട്ട് 10 പുറത്തിറങ്ങുകയെന്നാണ് റിപ്പോർട്ടുകൾ. റെഡ്മി നോട്ട് 10 സ്മാർട്ട്ഫോണിൽ 8 ജിബി റാമായിരിക്കും ഉണ്ടായിരിക്കുക. 6.57 ഇഞ്ച് ഒ‌എൽ‌ഇഡി ഡിസ്‌പ്ലേയായിരിക്കും ഈ ഡിവൈസിൽ ഉണ്ടായിരിക്കുകയെന്നും ഈ ഡിസ്പ്ലെ 1,080 x 2,520 പിക്‌സൽ എഫ്‌എച്ച്‌ഡി + റെസലൂഷനോടെയായിരിക്കും പുറത്തിറങ്ങുകയെന്നും റിപ്പോർട്ടുകൾ സൂചിപ്പിക്കുന്നു.

വാട്ടർ ഡ്രോപ്പ് നോച്ചും ഈ നോട്ട് 10ന്റെ ഡിസ്പ്ലെയിൽ ഉണ്ടായിരിക്കും. മീഡിയടെക് ഡൈമെൻസിറ്റി 820 5ജി ചിപ്‌സെറ്റുമായിട്ടാണ് റെഡ്മി നോട്ട് 10 പുറത്തിറങ്ങുകയെന്നാണ് റിപ്പോർട്ടുകൾ. 256 ജിബി ഇന്റേണൽ സ്റ്റോറേജും 2 ടിബി വരെ സ്റ്റോറേജ് എക്സ്പാൻഡ് ചെയ്യാനുള്ള സംവിധാനവും ഈ ഡിവൈസിൽ ഉണ്ടായിരിക്കും. ഈ ഡിവൈസ് ആൻഡ്രോയിഡ് 10 ഒഎസിലാണ് പ്രവർത്തിക്കുന്നത്.120 ഹെർട്സ് റിഫ്രഫ് റേറ്റ്, എച്ച്ഡിആർ 10+ വീഡിയോ പ്ലേബാക്ക്, 16 ജിബി റാം വരെ എന്നീ സവിശേഷതകളും ഈ ഡിവൈസിൽ ഉണ്ടായിരിക്കുമെന്നാണ് റിപ്പോർട്ടുകൾ.

ക്യാമറ പരിശോധിച്ചാൽ, 48 എം‌പി പ്രൈമറി ക്യാമറ ഇ‌ഐ‌എസിനെ സപ്പോർട്ടുമായിട്ടാണ് വരുന്നതെന്ന് നേരത്തെ റിപ്പോർട്ടുകൾ ഉണ്ടായിരുന്നു. ഡിവൈസ് 16 എംപി സെൽഫി ക്യാമറയുമായിട്ടായിരിക്കും പുറത്തിറങ്ങുകയെന്നും റിപ്പോർട്ടുകളുണ്ട്. 6.53 ഇഞ്ച് ഫുൾ എച്ച്ഡി + (1,080 x 2,340 പിക്‌സൽ) ഐപിഎസ് ഡിസ്‌പ്ലേയുമായിട്ടാണ് റെഡ്മി നോട്ട് 9 പുറത്തിറക്കിയിരിക്കുന്നത്. ഗോറില്ല ഗ്ലാസ് 5 പ്രോട്ടക്ഷനും ഈ ഡിസ്പ്ലെയിൽ ഉണ്ട്.

ഒക്ടാ കോർ മീഡിയടെക് ഹെലിയോ ജി 85 ചിപ്‌സെറ്റാണ് റെഡ്മി നോട്ട് 9ന് കരുത്ത് നൽകുന്നത്. ഡിവൈസ് മൂന്ന് സ്റ്റോറേജ് വേരിയന്റുകളിലാണ് ഇന്ത്യയിൽ അവതരിപ്പിച്ചിരിക്കുന്നത്. MIUI 11, ആൻഡ്രോയിഡ് 10ലാണ് ഈ ഡിവൈസ് പ്രവർത്തിക്കുന്നത്. 48 എംപി പ്രൈമറി ക്യാമറയടങ്ങുന്ന ക്വാഡ് ക്യാമറ സെറ്റപ്പാണ് റെഡ്മി നോട്ട് 9 സ്മാർട്ട്ഫോണിൽ ഉള്ളത്. നോട്ട് 10ലും ഇതുപോലുള്ള ക്യാമറ സെറ്റപ്പായിരിക്കും ഉണ്ടായിരിക്കുക.

നേരത്തെ പുറത്ത് വന്ന റിപ്പോർട്ടുകളും ഇപ്പോൾ AI ലിസ്റ്റിങിൽ നിന്നും ലഭിച്ച വിവരങ്ങളും മാത്രമേ റെഡ്മി നോട്ട് 10 സ്മാർട്ട്ഫോണിനെ കുറിച്ച് പുറത്ത് വന്നിട്ടുള്ളു. എന്തായാലും അധികം വൈകാതെ തന്നെ റെഡ്മി നോട്ട് 10 ഇന്ത്യൻ വിപണിയിൽ എത്തിയേക്കും. ഈ സീരിസിൽ പ്രോ വേരിയന്റ് പുറത്തിറങ്ങുമോ എന്ന കാര്യത്തിലും ഇതുവരെ വ്യക്തത വന്നിട്ടില്ല.