റെഡ്മി നോട്ട് 10എസ് സ്മാർട്ട്ഫോണിന്റെ ആദ്യ വിൽപ്പന മെയ് 18ന്

റെഡ്മി നോട്ട് 10 എസ്: വിലയും ലഭ്യതയും

മുകളിൽ സൂചിപ്പിച്ചത് പോലെ റെഡ്മി നോട്ട് 10 എസ് മെയ് 18 മുതൽ വിൽപ്പനയ്ക്ക് എത്തും. ആമസോൺ, എംഐ.കോം, എംഐ ഹോം സ്റ്റോറുകൾ എന്നിവ വഴിയാണ് ഡിവൈസ് ലഭ്യമാകുന്നത്. സ്മാർട്ട്ഫോണിന്റെ ബേസ് വേരിയന്റിൽ 6 ജിബി റാം + 64 ജിബി സ്റ്റോറേജാണ് ഉള്ളത്. ഇതിന് 14,999 രൂപയാണ് വില. 6 ജിബി റാം + 128 ജിബി റോം മോഡലിന് 15,999 രൂപ വിലയുണ്ട്. ഡീപ് സീ ബ്ലൂ, ഫ്രോസ്റ്റ് വൈറ്റ്, ഷാഡോ ബ്ലാക്ക് വേരിയന്റുകളിൽ ഈ ഡിവൈസ് ലഭ്യമാകും.

റെഡ്മി നോട്ട് 10എസ്: സവിശേഷതകൾ

റെഡ്മി നോട്ട് 10 എസ് സ്മാർട്ട്ഫോണിൽ 6.43 ഇഞ്ച് ഫുൾ എച്ച്ഡി + (1080 x 2400 പിക്‌സൽ) അമോലെഡ് ഡിസ്‌പ്ലേയാണ് ഉള്ളത്. 60 ഹെർട്സ് റിഫ്രഷ് റേറ്റ്, കോർണിംഗ് ഗോറില്ല ഗ്ലാസ് 3 പ്രോട്ടക്ഷൻ എന്നീ സവിശേഷതകളും ഈ ഡിസ്പ്ലെയ്ക്ക് ഉണ്ട്. 6 ജിബി റാമും 128 ജിബി വരെ നേറ്റീവ് സ്റ്റോറേജുമുള്ള ഡിവൈസിന് കരുത്ത് നൽകുന്നത് മീഡിയടെക് ഹീലിയോ ജി95 എസ്ഒസിയാണ്. സ്റ്റോറേജ് തികയാതെ വരുന്നവർക്ക് എക്സ്പാൻഡ് ചെയ്യാനായി മൈക്രോ എസ്ഡി കാർഡ് സപ്പോർട്ടും ഈ ഡിവൈസിൽ ഉണ്ട്.

ആൻഡ്രോയിഡ് 11 ബേസ്ഡ് എംഐയുഐ 12.5ലാണ് റെഡ്മി നോട്ട് 10എസ് പ്രവർത്തിക്കുന്നത്. 33W ഫാസ്റ്റ് ചാർജിങ് സപ്പോർട്ടുള്ള 5,000 mAh ബാറ്ററിയും ഈ സ്മാർട്ട്ഫോണിൽ കമ്പനി നൽകിയിട്ടുണ്ട്. 64 എംപി പ്രൈമറി സെൻസർ, 8 എംപി അൾട്രാ വൈഡ് ആംഗിൾ ലെൻസ്, 2 എംപി മാക്രോ സെൻസർ, 2എംപി ഡെപ്ത് സെൻസർ എന്നിവയുള്ള ക്വാഡ് റിയർ ക്യാമറ സെറ്റപ്പും ഈ സ്മാർട്ട്ഫോണിൽ നൽകിയിട്ടുണ്ട്. പഞ്ച്-ഹോൾ കട്ട ഔട്ടിൽ സെൽഫികൾക്കും വീഡിയോകൾക്കുമായി 13 എംപി ക്യാമറ സെൻസറും നൽകിയിട്ടുണ്ട്.

റെഡ്മി നോട്ട് 10എസ് സ്മാർട്ട്ഫോണിൽ ഡസ്റ്റ്, വാട്ടർ റസിസ്റ്റൻസ് എന്നിവയ്‌ക്കായി ഐപി53- സർട്ടിഫിക്കേഷൻ ഉണ്ട്. സൈഡ് മൌണ്ട്ഡ് ഫിംഗർപ്രിന്റ് സെൻസറാണ് സുരക്ഷയ്ക്കായി നൽകിയിട്ടുള്ളത്. ഡ്യുവൽ സ്പീക്കറുകളും നൽകിയിട്ടുണ്ട്. 4 ജി, വൈ-ഫൈ, ജിപിഎസ്, ബ്ലൂടൂത്ത്, ഐആർ ബ്ലാസ്റ്റർ, എൻ‌എഫ്‌സി, 3.5 എംഎം ഹെഡ്‌ഫോൺ ജാക്ക്, യുഎസ്ബി ടൈപ്പ്-സി പോർട്ട് എന്നിവയാണ് കണക്ടിവിറ്റി ഓപ്ഷനുകൾ. 178.8 ഗ്രാം ഭാരമാണ് ഡിവൈസിന് ഉള്ളത്.

റെഡ്മി നോട്ട് 10എസ് സ്മാർട്ട്ഫോൺ ഈ വില വിഭാഗത്തിൽ ലഭ്യമായ മികച്ച ഡിവൈസുകളിൽ ഒന്ന് തന്നെയാണ് എന്ന കാര്യത്തിൽ സംശയമില്ല. ഈ വില വിഭാഗത്തിലെ റെഡ്മിയുടെ തുറുപ്പ്ചിട്ടായി നോട്ട് 10എസ് സ്മാർട്ട്ഫോൺ മാറും. ഈ സ്മാർട്ട്ഫോണിനൊപ്പം തന്നെ ആകർഷകമായ വിലയും സവിശേഷതകളുമുള്ള ഒരു സ്മാർട്ട് വാച്ചും ബ്രാൻഡ് അവതരിപ്പിച്ചിട്ടുണ്ട്. റെഡ്മി വാച്ചിന് 3,999 രൂപയാണ് വില. മെയ് 25 മുതൽ ഫ്ലിപ്പ്കാർട്ട്, എംഐ.കോം, എംഐ ഹോം സ്റ്റോറുകൾ എന്നിവ വഴി വാച്ച് വിൽപ്പനയ്ക്ക് എത്തും.