റെഡ്മി നോട്ട് 10എസ് സ്മാർട്ട്ഫോണിന്റെ ആദ്യ വിൽപ്പന ഇന്ന്; വിലയും ഓഫറുകളും

റെഡ്മി നോട്ട് 10എസ്: വില, ഓഫറുകൾ

റെഡ്മി നോട്ട് 10എസ് സ്മാർട്ട്ഫോണിന്റെ 6 ജിബി റാമും 64 ജിബി സ്റ്റോറേജുമുള്ള മോഡലിന് 14,999 രൂപയാണ് വില. ഈ ഡിവൈസിന്റെ 6 ജിബി റാമും 128 ജിബി സ്റ്റോറേജുമുള്ള മോഡലിന് 15,999 രൂപ വിലയുണ്ട്. ഡീപ് സീ ബ്ലൂ, ഫ്രോസ്റ്റ് വൈറ്റ്, ഷാഡോ ബ്ലാക്ക് എന്നിങ്ങനെ മൂന്ന് കളർ ഓപ്ഷനുകളിൽ ഈ ഡിവൈസ് ലഭ്യമാകും. ആമസോൺ, എംഐ.കോം, എംഐ ഹോം സ്റ്റോറുകൾ, മറ്റ് റീട്ടെയിൽ സ്റ്റോറുകൾ എന്നിവ വഴി ഈ ഡിവൈസ് സ്വന്തമാക്കാൻ സാധിക്കും. ഡിവൈസ് വാങ്ങുമ്പോൾ എസ്‌ബി‌ഐ ക്രെഡിറ്റ് കാർഡ് ഉപയോഗിക്കുന്നവർക്ക് എംഐ.കോമിൽ 10 ശതമാനം കിഴിവ് ലഭിക്കും.

റെഡ്മി നോട്ട് 10എസ്: സവിശേഷതകൾ

ഡ്യുവൽ സിം (നാനോ) സപ്പോർട്ടുള്ള റെഡ്മി നോട്ട് 10എസ് സ്മാർട്ട്ഫോൺ ആൻഡ്രോയിഡ് 11 ബേസ്ഡ് എംഐയുഐ 12.5ൽ ആണ് പ്രവർത്തിക്കുന്നത്. 6.43 ഇഞ്ച് ഫുൾ എച്ച്ഡി + (1,080x2,400 പിക്‌സൽ) അമോലെഡ് ഡിസ്‌പ്ലേയാണ് ഈ ഡിവൈസിൽ ഉള്ളത്. 1,100 നിറ്റ് പീക്ക് ബ്രൈറ്റ്നസ്, കോർണിംഗ് ഗോറില്ല ഗ്ലാസ് 3 പ്രോട്ടക്ഷൻ, എസ്‌ജി‌എസ് ലോ ബ്ലൂ ലൈറ്റ് സർട്ടിഫിക്കേഷൻ, 4,500,000: 1 കോൺട്രാസ്റ്റ് റേഷ്യോ എന്നിവയും ഈ ഡിസ്പ്ലെയിൽ ഉണ്ട്. മെയിൽ-ജി 76 എംസി 4 ജിപിയുവുമായി ജോടിയാക്കിയ ഒക്ടാകോർ മീഡിയടെക് ഹെലിയോ ജി95 എസ്ഒസിയാണ് ഡിവൈസിന് കരുത്ത് നൽകുന്നത്.

റെഡ്മി നോട്ട് 10എസ് സ്മാർട്ട്ഫോണിൽ 6 ജിബി വരെ എൽപിഡിഡിആർ 4എക്സ് റാമും 128 ജിബി വരെ യുഎഫ്എസ് 2.2 സ്റ്റോറേജും ഉണ്ട്. ഡസ്റ്റ്, വാട്ടർ റസിസ്റ്റൻസിനായി ഐപി 53 സർട്ടിഫിക്കേഷനും ഈ ഡിവൈസിൽ ഷവോമി നൽകിയിട്ടുണ്ട്. റെഡ്മി നോട്ട് 10എസിൽ ഡ്യുവൽ സ്പീക്കറുകളും ഹൈ-റെസ് ഓഡിയോ സർട്ടിഫിക്കേഷനും ഉണ്ട്. 33W ഫാസ്റ്റ് ചാർജിങ് സപ്പോർട്ടുള്ള 5,000 എംഎഎച്ച് ബാറ്ററിയാണ് ഷവോമി ഈ ഡിവൈസിൽ നൽകിയിട്ടുള്ളത്.

എഫ് / 1.79 ലെൻസുള്ള 64 മെഗാപിക്സൽ പ്രൈമറി സെൻസർ, എഫ് / 2.2 അൾട്രാ വൈഡ് ആംഗിൾ ലെൻസുള്ള 8 മെഗാപിക്സൽ സെൻസർ, എഫ്/ 2.4 അപ്പർച്ചർ ഉള്ള 2 മെഗാപിക്സൽ മാക്രോ ഷൂട്ടർ, എഫ് / 2.4 ലെൻസുള്ള 2 മെഗാപിക്സൽ ഡെപ്ത് സെൻസർ എന്നിവ ഉൾപ്പെടുന്ന ക്വാഡ് റിയർ ക്യാമറ സെറ്റപ്പാണ് റെഡ്മി നോട്ട് 10എസ് സ്മാർട്ട്ഫോണിൽ നൽകിയിട്ടുള്ളത്. സെൽഫികൾക്കും വീഡിയോ കോളുകൾക്കുമായി 13 മെഗാപിക്സൽ സെൽഫി ഷൂട്ടർ ഉണ്ട്, എഫ് / 2.45 അപ്പേർച്ചറുള്ള ഈ ക്യാമറ ഹോൾ-പഞ്ച് കട്ടൌട്ടിലാണ് നൽകിയിട്ടുള്ളത്.

4ജി, വൈ-ഫൈ, ജിപിഎസ്, ബ്ലൂടൂത്ത്, ഐആർ ബ്ലാസ്റ്റർ, എൻ‌എഫ്‌സി, 3.5 എംഎം ഹെഡ്‌ഫോൺ ജാക്ക്, യുഎസ്ബി ടൈപ്പ്-സി പോർട്ട് എന്നിവയാണ് ഈ സ്മാർട്ട്ഫോണിൽ നൽകിയിട്ടുള്ള കണക്റ്റിവിറ്റി ഓപ്ഷനുകൾ. ഡിവൈസിൽ ആംബിയന്റ് ലൈറ്റ് സെൻസർ, പ്രോക്‌സിമിറ്റി സെൻസർ, ആക്‌സിലറോമീറ്റർ എന്നിവ നൽകിയിട്ടുണ്ട്. ഒരു വശത്ത് ഘടിപ്പിച്ച ഫിംഗർപ്രിന്റ് സ്കാനറും ഉണ്ട്. 178.8 ഗ്രാം ഭാരമാണ് ഈ ഡിവൈസിന് ഉള്ളത്.