റെഡ്മി നോട്ട് 10എസ് സ്മാർട്ട്ഫോണിന് 2000 രൂപ കുറച്ചു; പുതിയ വില അറിയാം

ലോഞ്ച് ചെയ്ത സമയത്ത് റെഡ്മി നോട്ട് 10എസ് രണ്ട് സ്റ്റോറേജ് കോൺഫിഗറേഷനുകളിലാണ് രാജ്യത്ത് ലഭ്യമായിരുന്നത്. ബേസ് വേരിയന്റിൽ 6 ജിബി റാമും 64 ജിബി സ്റ്റോറേജ് സ്പേസുമാണ് ഉള്ളത്. ഈ ഡിവൈസിന് 14999 രൂപയായിരുന്നു വില. 6 ജിബി റാമും 128 ജിബി സ്റ്റോറേജ് സ്പേസുമുള്ള വേരിയന്റിന് 15,999 രൂപയായിരുന്നു വില. പിന്നീട് റെഡ്മി നോട്ട് 10എസ് സ്മാർട്ട്ഫോണിന്റെ 8 ജിബി റാമും 128 ജിബി സ്‌റ്റോറേജ് സ്‌പേസും ഉള്ള ഹൈ-എൻഡ് വേരിയന്റും പുറത്തിറക്കി. 17,499 രൂപയായിരുന്നു ഈ സ്മാർട്ട്ഫോണിന് വില.

പുതിയ വില

റെഡ്മി നോട്ട് 10എസ് സ്മാർട്ട്ഫോണിന് വില കുറച്ചതോടെ 6 ജിബി റാമും 64 ജിബി സ്റ്റോറേജ് സ്‌പേസും ഉള്ള ബേസ് വേരിയന്റിന് ഇപ്പോൾ 12,999 രൂപയ്ക്ക് ലഭ്യമാകും. 6 ജിബി റാമും 128 ജിബി സ്റ്റോറേജ് സ്പേസും ഉള്ള വേരിയന്റിന് 1000 രൂപയാണ് കുറച്ചിരിക്കുന്നത്. ഈ മോഡൽ ഇപ്പോൾ 14,999 രൂപയ്ക്ക് ലഭിക്കും. 8 ജിബി റാമും 128 ജിബി സ്റ്റോറേജ് സ്പേസുമുള്ള വേരിയന്റിനും 1000 രൂപയാണ് കുറച്ചിരിക്കുന്നത്. ഈ ഡിവൈസ് ഇപ്പോൾ 16,499 രൂപയ്ക്ക് ലഭ്യമാണ്. വില കുറച്ചിരിക്കുന്നത് സ്ഥിരമായിട്ടാണെന്ന് റിപ്പോർട്ടുകൾ സൂചിപ്പിക്കുന്നു.

റെഡ്മി നോട്ട് 10എസ്: സവിശേഷതകൾ

6.43 ഇഞ്ച് ഫുൾ എച്ച്ഡി + (1,080x2,400 പിക്‌സൽ) അമോലെഡ് ഡിസ്‌പ്ലേയാണ് റെഡ്മി നോട്ട് 10എസ് സ്മാർട്ട്ഫോണിലുള്ളത്. 1,100 നിറ്റ് പീക്ക് ബ്രൈറ്റ്നസ്, കോർണിംഗ് ഗോറില്ല ഗ്ലാസ് 3 പ്രോട്ടക്ഷൻ, എസ്‌ജി‌എസ് ലോ ബ്ലൂ ലൈറ്റ് സർട്ടിഫിക്കേഷൻ, 4,500,000: 1 കോൺട്രാസ്റ്റ് റേഷ്യോ എന്നിവയും ഈ ഡിസ്പ്ലെയുടെ സവിശേഷതകളാണ്. മാലി-ജി 76 എംസി 4 ജിപിയുവിനൊപ്പമുള്ള ഒക്ടാകോർ മീഡിയടെക് ഹെലിയോ ജി95 എസ്ഒസിയാണ് ഡിവൈസിന് കരുത്ത് നൽകുന്നത്.

റെഡ്മി നോട്ട് 10എസ് സ്മാർട്ട്ഫോണിൽ 8 ജിബി വരെ എൽപിഡിഡിആർ 4എക്സ് റാമും 128 ജിബി വരെ യുഎഫ്എസ് 2.2 സ്റ്റോറേജും ഉണ്ട്. ഡസ്റ്റ്, വാട്ടർ റസിസ്റ്റൻസിനായി ഐപി 53 സർട്ടിഫിക്കേഷനും ഈ ഡിവൈസിൽ ഷവോമി നൽകിയിട്ടുണ്ട്. റെഡ്മി നോട്ട് 10എസിൽ ഡ്യുവൽ സ്പീക്കറുകളും ഹൈ-റെസ് ഓഡിയോ സർട്ടിഫിക്കേഷനും ഉണ്ട്. 33W ഫാസ്റ്റ് ചാർജിങ് സപ്പോർട്ടുള്ള 5,000 എംഎഎച്ച് ബാറ്ററിയാണ് ഷവോമി ഈ ഡിവൈസിൽ നൽകിയിട്ടുള്ളത്. ഡ്യുവൽ സിം (നാനോ) സപ്പോർട്ടുള്ള റെഡ്മി നോട്ട് 10എസ് സ്മാർട്ട്ഫോൺ ആൻഡ്രോയിഡ് 11 ബേസ്ഡ് എംഐയുഐ 12.5ൽ ആണ് പ്രവർത്തിക്കുന്നത്.

എഫ് / 1.79 ലെൻസുള്ള 64 മെഗാപിക്സൽ പ്രൈമറി സെൻസർ, എഫ് / 2.2 അൾട്രാ വൈഡ് ആംഗിൾ ലെൻസുള്ള 8 മെഗാപിക്സൽ സെൻസർ, എഫ്/ 2.4 അപ്പർച്ചർ ഉള്ള 2 മെഗാപിക്സൽ മാക്രോ ഷൂട്ടർ, എഫ് / 2.4 ലെൻസുള്ള 2 മെഗാപിക്സൽ ഡെപ്ത് സെൻസർ എന്നിവ ഉൾപ്പെടുന്ന ക്വാഡ് റിയർ ക്യാമറ സെറ്റപ്പാണ് റെഡ്മി നോട്ട് 10എസ് സ്മാർട്ട്ഫോണിൽ നൽകിയിട്ടുള്ളത്. സെൽഫികൾക്കും വീഡിയോ കോളുകൾക്കുമായി 13 മെഗാപിക്സൽ സെൽഫി ഷൂട്ടർ ഉണ്ട്, എഫ് / 2.45 അപ്പേർച്ചറുള്ള ഈ ക്യാമറ ഹോൾ-പഞ്ച് കട്ടൌട്ടിലാണ് നൽകിയിട്ടുള്ളത്.

4ജി, വൈ-ഫൈ, ജിപിഎസ്, ബ്ലൂടൂത്ത്, ഐആർ ബ്ലാസ്റ്റർ, എൻ‌എഫ്‌സി, 3.5 എംഎം ഹെഡ്‌ഫോൺ ജാക്ക്, യുഎസ്ബി ടൈപ്പ്-സി പോർട്ട് എന്നിവയാണ് ഈ സ്മാർട്ട്ഫോണിൽ നൽകിയിട്ടുള്ള കണക്റ്റിവിറ്റി ഓപ്ഷനുകൾ. ഡിവൈസിൽ ആംബിയന്റ് ലൈറ്റ് സെൻസർ, പ്രോക്‌സിമിറ്റി സെൻസർ, ആക്‌സിലറോമീറ്റർ എന്നിവ നൽകിയിട്ടുണ്ട്. ഒരു വശത്ത് ഘടിപ്പിച്ച ഫിംഗർപ്രിന്റ് സ്കാനറും ഉണ്ട്. 178.8 ഗ്രാം ഭാരമാണ് ഈ ഡിവൈസിന് ഉള്ളത്.

റെഡ്മി നോട്ട് 10എസ് വാങ്ങണോ

റെഡ്മി നോട്ട് 10എസ് 15000 രൂപ വില വിഭാഗത്തിൽ ലഭിക്കുന്ന മറ്റ് പല സ്മാർട്ട്ഫോണുകളെക്കാളും വലുതും മികച്ചതുമായ ഡിസ്‌പ്ലേയാണ് നൽകുന്നത്. ആകർഷകമായ ക്യാമറ സെറ്റപ്പും ഈ ഡിവൈസിൽ ഉണഅട്. പ്രീമിയം ബിൽഡ് ക്വാളിറ്റി, മികച്ച സെൽഫി ക്യാമറ എന്നിവയും റെഡ്മി നോട്ട് 10എസ് സ്മാർട്ട്ഫോണിനെ ആകർഷകമാക്കുന്നു. റെഡ്മി നോട്ട് 10നും റെഡ്മി നോട്ട് 10 പ്രോയ്‌ക്കും ഇടയിൽ സ്ഥാനം പിടിക്കുന്ന ഈ സ്മാർട്ട്ഫോൺ നൽകുന്ന പണത്തിന് മൂല്യമുള്ള ഡിവൈസ് തന്നെയാണ്. മാത്രമല്ല റെഡ്മി നോട്ട് 10 പ്രോയുടെ പെർഫോമൻസിന് തുല്യമായ പെർഫോമൻസും ഈ ഡിവൈസിലൂടെ ലഭിക്കും.

റെഡ്മി നോട്ട് 10 സീരീസ് സ്മാർട്ട്‌ഫോണുകൾ മികച്ച ദൈനംദിന അനുഭവം നൽകുന്നവയാണ്. റെഡ്മി നോട്ട് 10 എസും ഇത്തരത്തിലുള്ള ഒരു ഡിവൈസാണ്. 2,000 രൂപ വിലക്കിഴിവിൽ ലഭിക്കും എന്നതിനാൽ ഉപയോക്താക്കൾക്ക് ഇതൊരു മികച്ച ചോയിസ് തന്നെയായിരിക്കും.