Redmi Note 9: റെഡ്മി നോട്ട് 9 ഉടൻ ഇന്ത്യയിൽ അവതരിപ്പിക്കും; പ്രതീക്ഷിക്കുന്ന വില 9,999 രൂപ

പുതിയ റിപ്പോർട്ടുകൾ പ്രകാരം റെഡ്മി നോട്ട് 8 പോലെ തന്നെ കമ്പനി അടുത്ത ഏതാനും ആഴ്ചകൾക്കുള്ളിൽ റെഡ്മി നോട്ട് 9 പുറത്തിറക്കാനൊരുങ്ങുകയാണ്. റെഡ്മി നോട്ട് 9 പ്രോയ്ക്ക് സമാനമായ ഹാർഡ്‌വെയർ റെഡ്മി നോട്ട് 9 ലും ഉണ്ടെന്നും എന്നാൽ റെഡ്മി നോട്ട് 9 പ്രോ സീരീസ് സ്മാർട്ട്‌ഫോണുകളുമായി പൊരുത്തപ്പെടുന്ന രീതിയിലുള്ള പുതിയ ഡിസൈനും ഫോം ഫാക്ടറുമായിട്ടായിരിക്കും നോട്ട് 9 പുറത്തിറങ്ങുകയെന്നും ലീക്ക് റിപ്പോർട്ടുകൾ വ്യക്താക്കുന്നു.

റെഡ്മി നോട്ട് 9: പ്രതീക്ഷിക്കുന്ന സവിശേഷതകൾ

റെഡ്മി നോട്ട് 9 എഫ്എച്ച്ഡി + റെസല്യൂഷനോടുകൂടിയ കുറഞ്ഞത് 6 ഇഞ്ചെങ്കിലും വലിപ്പമുള്ള ഡിസ്പ്ലേ വാഗ്ദാനം ചെയ്യും. ഇത് കോർണിംഗ് ഗോറില്ല ഗ്ലാസ് പ്രോട്ടക്ഷനോടെയായിരിക്കും വരുന്നത്. ലീക്ക് റിപ്പോർട്ടുകൾ പ്രകാരം റെഡ്മി നോട്ട് 9 ന്റെ അടിസ്ഥാന വേരിയന്റിൽ കുറഞ്ഞത് 4 ജിബി റാമും 64 ജിബി സ്റ്റോറേജുമുള്ള മീഡിയടെക് ചിപ്‌സെറ്റായിരിക്കും ഉണ്ടായിരിക്കുക.

സോഫ്റ്റ്വെയറുമായി ബന്ധപ്പെട്ട് റിപ്പോർട്ടുകളിൽ ഉള്ളത് റെഡ്മി നോട്ട് 9 ആൻഡ്രോയിഡ് 10 ഒഎസിൽ കസ്റ്റം എംഐയുഐ 11 സ്കിൻ ഉപയോഗിച്ച് പ്രവർത്തിക്കും എന്നാണ്. നേരത്തെ പുറത്തിറങ്ങിയ മുൻതലമുറയായ റെഡ്മി നോട്ട് 8 ന് ഇതിനകം ഒരു ക്വാഡ് ക്യാമറ സെറ്റപ്പ് ഉള്ളതിനാൽ റെഡ്മി നോട്ട് 9 അത് അതേപടി നിലനിർത്താൻ സാധ്യതയുണ്ട്. മെച്ചപ്പെട്ട ഇമേജ് ക്വാളിറ്റി വാഗ്ദാനം ചെയ്യുന്നതിനായി ഒരു പുതിയ ക്യാമറ സെൻസറുമായിട്ടായിരിക്കും ഫോൺ പുറത്തിറങ്ങുക.

റെഡ്മി നോട്ട് 8 പ്രോയുമായി താരതമ്യപ്പെടുത്തുമ്പോൾ റെഡ്മി നോട്ട് 9 ന് അല്പം വലിയ ബാറ്ററിയുണ്ടാകുമെന്നും ലീക്ക് റിപ്പോർട്ട് സൂചിപ്പിക്കുന്നു. റെഡ്മി നോട്ട് 9 പ്രോയും റെഡ്മി നോട്ട് 9 പ്രോ മാക്സും പോലെ റെഡ്മി നോട്ട് 9 5,020 എംഎഎച്ച് ബാറ്ററിയുമായിട്ടായിരിക്കും പുറത്തിറങ്ങുക. ഒരുപക്ഷേ ഫാസ്റ്റ് ചാർജിംഗിനുള്ള സപ്പോർട്ടും ഫോണിൽ ഉണ്ടായിരിക്കും.

റെഡ്മി നോട്ട് 9 വില

വില പരിശോധിച്ചാൽ റെഡ്മി നോട്ട് 9ന് 9,999 രൂപയായിരിക്കാനാണ് സാധ്യത. റെഡ്മി നോട്ട് 9 പ്രോയുടെ അടിസ്ഥാന വേരിയന്റിന് 12,999 രൂപയാണ് വിലയുള്ളത്. 10,000 രൂപയ്ക്ക് താഴെ വിലയുള്ള മികച്ച സവിശേഷതകളുള്ള ഒരു സ്മാർട്ട്‌ഫോൺ അന്വേഷിക്കുന്നവർക്ക് റെഡ്മി നോട്ട് 9 പുറത്തിറങ്ങുന്നത് വരെ കാത്തിരിക്കാം.

റെഡ്മി നോട്ട് 9 പ്രോ സീരിസിന്റെ വില

ഇന്ത്യയിലെ റെഡ്മി നോട്ട് 9 പ്രോ മാക്സിന്റെ വില പരിശോധിച്ചാൽ, 6 ജിബി റാം + 64 ജിബി സ്റ്റോറേജ് വേരിയന്റിന് 14,999 രൂപയും 6 ജിബി റാം + 128 ജിബി സ്റ്റോറേജ് മോഡലിന് 16,999 രൂപയുമാണ് വില. 8 ജിബി റാം + 128 ജിബി സ്റ്റോറേജ് ഓപ്ഷനും ലഭ്യമാണ്. ഇതിന് 18,999 രൂപ വില വരുന്നു.

റെഡ്മി നോട്ട് 9 പ്രോയുടെ വില 4 ജിബി റാം + 64 ജിബി സ്റ്റോറേജ് വേരിയന്റിന് 12,999 രൂപയും 6 ജിബി റാം + 128 ജിബി സ്റ്റോറേജ് മോഡലിന് 15,999 രൂപയുമാണ്. പ്രോ സീരിസ് 20,000 രൂപയിൽ താഴെ വിലയുള്ള മികച്ച സ്മാർട്ട്ഫോണുകൾ അന്വേഷിക്കുന്ന ആളുകൾക്ക് ഏറെ സ്വീകാര്യമായ ഫോണുകളായിരിക്കും. പുറത്തിറങ്ങാനിരിക്കുന്ന റെഡ്മി നോട്ട് 9 സ്മാർട്ട്ഫോൺ വലിപ്പം കുറച്ച് കുറഞ്ഞതാണെങ്കിലും പതിനായിരം രൂപയ്ക്ക് താഴെ വിലയുള്ള സ്മാർട്ട്ഫോൺ ആവശ്യമുള്ളവരെ തൃപതിപ്പെടുത്തുമെന്ന് ഉറപ്പാണ്.