റെഡ്മി നോട്ട് 9 പ്രോ മാക്സ് സ്മാർട്ട്ഫോണിന്റെ വിൽപ്പന ഇന്ന് ഉച്ചയ്ക്ക് 12 മണിക്ക്

റെഡ്മി നോട്ട് 9 പ്രോ മാക്സ്; വിലയും ലഭ്യതയും

റെഡ്മി നോട്ട് 9 പ്രോ മാക്സ് സ്മാർട്ട്ഫോൺ മൂന്ന് വേരിയന്റുകളിൽ ലഭ്യമാണ്. ഡിവൈസിന്റെ ബേസ് വേരിയനറായ 6 ജിബി റാമും 64 ജിബി സ്റ്റോറേജുമുള്ള മോഡലിന് 16,999 രൂപയാണ് വില. 6 ജിബി റാം, 128 ജിബി സ്റ്റോറേജ് മോഡലിന് 18,499 രൂപയാണ് വില. ഡിവൈസിന്റെ 8ജിബി റാമും 128 ജിബി സ്റ്റോറേജുമുള്ള മോഡലിന് 19,999 രൂപയാണ് വില. ഈ ഹൈഎൻഡ് വേരിയന്റിന്റെ കഴിഞ്ഞ ഫ്ലാഷ് സെയിൽ മുതലാണ് വിൽപ്പനയ്ക്ക് ലഭ്യമായി തുടങ്ങിയത്. അറോറ ബ്ലൂ, ഗ്ലേസിയർ വൈറ്റ്, ഇന്റർസ്റ്റെല്ലാർ ബ്ലാക്ക് എന്നീ നിറങ്ങളിൽ ഡിവൈസ് ലഭ്യമാകും.

റെഡ്മി നോട്ട് 9 പ്രോ മാക്സ്; സവിശേഷതകൾ

രണ്ട് നാനോ സിം കാർഡ് സ്ലോട്ടുകളുമായാണ് റെഡ്മി നോട്ട് 9 പ്രോ മാക്സ് പുറത്തിറക്കിയിരിക്കുന്നത്. 6.67 ഇഞ്ച് ഫുൾ എച്ച്ഡി+ (1,080x2,400 പിക്‌സൽ) ഐപിഎസ് ഡിസ്‌പ്ലേയാണ് ഡിവൈസിൽ ഉള്ളത്. ഈ ഡിസ്പ്ലെയ്ക്ക് കോർണിംഗ് ഗോറില്ല ഗ്ലാസ് 5 പ്രോട്ടക്ഷനും ഉണ്ട്. ഒരു പഞ്ച്-ഹോളും ഡിസ്പ്ലെയിൽ നൽകിയിട്ടുണ്ട്. ഈ ഡിവൈസ് ആൻഡ്രോയിഡ് 10 ബേസ്ഡ് എംഐയുഐ 11ലാണ് പ്രവർത്തിക്കുന്നത്.

അഡ്രിനോ 618 ജിപിയുവാണ് റെഡ്മി നോട്ട് 9 പ്രോ മാക്സ് സ്മാർട്ട്ഫോണിൽ ഉള്ളത്. ഇതിനൊപ്പം മിഡ്റേഞ്ച് ചിപ്പ് സെറ്റായ ഒക്ടാ കോർ ക്വാൽകോം സ്‌നാപ്ഡ്രാഗൺ 720 ജി SoCയാണ് ഈ സ്മാർട്ട്ഫോണിന് കരുത്ത് നൽകുന്നത്. ഈ പ്രോസസറിനൊപ്പം 8 ജിബി വരെ റാമും ഡിവൈസിൽ ഉണ്ട്. 512 ജിബി വരെ സ്റ്റോറേജ് വർധിപ്പിക്കാനായി മൈക്രോ എസ്ഡി കാർഡ് സ്ലോട്ടും ഡിവൈസിൽ നൽകിയിട്ടുണ്ട്.

റെഡ്മി നോട്ട് 9 പ്രോ മാക്സ് സ്മാർട്ട്ഫോണിൽ നാല് ക്യാമറകളാണ് ഉള്ളത്. 64 മെഗാപിക്സൽ പ്രൈമറി ക്യാമറ, 8 മെഗാപിക്സൽ അൾട്രാ വൈഡ് ക്യാമറ, 5 മെഗാപിക്സൽ മാക്രോ സെൻസർ, 2 മെഗാപിക്സൽ ഡെപ്ത് സെൻസർ എന്നിവയാണ് ഈ ക്വാഡ് ക്യാമറ സെറ്റപ്പിലുള്ള ക്യാമറകൾ. സെൽഫികൾക്കും വീഡിയോ കോളിംഗിനുമായി 32 മെഗാപിക്സലിന്റെ മുൻ ക്യാമറയാണ് ഡിവൈസിൽ നൽകിയിട്ടുള്ളത്. റെഡ്മി നോട്ട് 9 പ്രോ സ്മാർട്ട്ഫോണിൽ നിന്നും മാക്സ് വേരിയന്റിനെ വ്യത്യസ്തമാക്കുന്നതും ക്യാമറകളാണ്.

റെഡ്മി നോട്ട് 9 പ്രോ മാക്സിലെ കണക്ടിവിറ്റി ഓപ്ഷനുകൾ പരിശോധിച്ചാൽ, 4 ജി VoLTE, Wi-Fi 802.11ac, ബ്ലൂടൂത്ത് v5.0, ഇൻഫ്രാറെഡ് (IR), യുഎസ്ബി ടൈപ്പ്-സി പോർട്ട്, 3.5 എംഎം ഹെഡ്ഫോൺ ജാക്ക് എന്നിവയാണ് ഡിവൈസിൽ ഉള്ളത്. റെഡ്മി നോട്ട് 9 പ്രോ സ്മാർട്ട്ഫോണിന് സമാനമായി മാക്സ് വേരിയന്റിലും 5,020 എംഎഎച്ച് ബാറ്ററിയാണ് ഷവോമി നൽകിയിട്ടുള്ളത്.