റെഡ്മി നോട്ട് 9 പ്രോ മാക്സിന്റെ അടുത്ത വിൽപ്പന സെപ്റ്റംബർ 1ന്

റെഡ്മി നോട്ട് 9 പ്രോ മാക്സിന്റെ 6 ജിബി റാമും 64 ജിബി സ്റ്റോറേജുമുള്ള വേരിയന്റിന് 16,999 രൂപ വിലയുണ്ട്. 6 ജിബി റാം, 128 ജിബി സ്റ്റോറേജ് മോഡലിന് 18,499 രൂപയും 8 ജിബി റാമും 128 ജിബി സ്റ്റോറേജുമുള്ള മോഡലിന് 19,999 രൂപയുമാണ് വില. അറോറ ബ്ലൂ, ഗ്ലേസിയർ വൈറ്റ്, ഇന്റർസ്റ്റെല്ലാർ ബ്ലാക്ക് എന്നീ നിറങ്ങളിൽ ഈ സ്മാർട്ട്ഫോൺ ലഭ്യമാകും. ഡിവൈസിന്റെ ആദ്യ രണ്ട് വേരിയന്റുകൾ പലതവണ ഫ്ലാഷ് സെയിലിനെത്തിയിരുന്നെങ്കിലും 8 ജിബി റാമുള്ള വേരിയന്റ് നേരത്തെ രണ്ട് സെയിലുകളിൽ മാത്രമേ വിൽപ്പന നടത്തിയിട്ടുള്ളു.

6.67 ഇഞ്ച് ഫുൾ എച്ച്ഡി+ (1,080x2,400 പിക്‌സൽ) ഐപിഎസ് ഡിസ്‌പ്ലേയുമായിട്ടാണ് റെഡ്മി നോട്ട് 9 പ്രോ മാക്സ് സ്മാർട്ട്ഫോൺ പുറത്തിറക്കിയിരിക്കുന്നത്. ഈ ഡിസ്പ്ലെയ്ക്ക് കോർണിംഗ് ഗോറില്ല ഗ്ലാസ് 5 പ്രോട്ടക്ഷനും നൽകിയിട്ടുണ്ട്. ഡ്യൂവൽ നാനോ സിം കാർഡ് സ്ലോട്ടുകളുള്ള ഈ ഡിവൈസ് ആൻഡ്രോയിഡ് 10 ബേസ്ഡ് എംഐയുഐ 11ലാണ് പ്രവർത്തിക്കുന്നത്. സെൽഫി ക്യാമറയ്ക്കായി ഒരു പഞ്ച്-ഹോൾ കട്ടും ഡിസ്പ്ലെയിൽ ഉണ്ട്.

മിഡ്റേഞ്ച് ചിപ്പ് സെറ്റായ ഒക്ടാ കോർ ക്വാൽകോം സ്‌നാപ്ഡ്രാഗൺ 720 ജി SoCയാണ് റെഡ്മി നോട്ട് 9 പ്രോ മാക്സിൽ നൽകിയിട്ടുള്ളത്. ഇതിനൊപ്പം അഡ്രിനോ 618 ജിപിയുവും നൽകിയിട്ടുണ്ട്. ഈ പ്രോസസറിനൊപ്പം 8 ജിബി വരെ റാമും ഡിവൈസിലുണ്ട്. ഡിവൈസിലുള്ള സ്റ്റോറേജ് തികയാതെ വരുന്ന ഉപയോക്താക്കൾക്ക് സ്റ്റോറേജ് 512 ജിബി വരെ വർധിപ്പിക്കാനായി മൈക്രോ എസ്ഡി കാർഡ് സ്ലോട്ടും ഡിവൈസിൽ നൽകിയിട്ടുണ്ട്.

നാല് ക്യാമറകളാണ് റെഡ്മി നോട്ട് 9 പ്രോ മാക്സ് സ്മാർട്ട്ഫോണിന്റെ പിന്നിലുള്ളത്. 64 മെഗാപിക്സൽ പ്രൈമറി ക്യാമറ, 8 മെഗാപിക്സൽ അൾട്രാ വൈഡ് ക്യാമറ, 5 മെഗാപിക്സൽ മാക്രോ സെൻസർ, 2 മെഗാപിക്സൽ ഡെപ്ത് സെൻസർ എന്നിവയുള്ള ഈ ക്വാഡ് ക്യാമറ സെറ്റപ്പിനൊപ്പം എൽഇഡി ഫ്ലാഷും നൽകിയിട്ടുണ്ട്. 32 മെഗാപിക്സൽ സെൽഫി ക്യാമറയാണ് ഡിവൈസിലുള്ളത്.

4 ജി VoLTE, Wi-Fi 802.11ac, ബ്ലൂടൂത്ത് v5.0, ഇൻഫ്രാറെഡ് (IR), യുഎസ്ബി ടൈപ്പ്-സി പോർട്ട്, 3.5 എംഎം ഹെഡ്ഫോൺ ജാക്ക് എന്നിവയാണ് റെഡ്മി നോട്ട് 9 പ്രോ മാക്സിലുള്ള കണക്ടിവിറ്റി ഓപ്ഷനുകൾ. 5,020 എംഎഎച്ച് ബാറ്ററിയാണ് റെഡ്മി നോട്ട് 9 പ്രോ മാക്സിൽ നൽകിയിട്ടുള്ളത്. 33 വാൾട്ട് ഫാസ്റ്റ് ചാർജിങും ഡിവൈസിലുണ്ട്. ഇതുപയോഗിച്ച് അരമണിക്കൂർ കൊണ്ട് ബാറ്ററി 50 ശതമാനം വരെ ചാർജ് ചെയ്യാൻ സാധിക്കും.