റെഡ്മി നോട്ട് 9 പ്രോയുടെ അടുത്ത വിൽപ്പന മെയ് 19ന്: വില, ഓഫറുകൾ, സവിശേഷതകൾ

റെഡ്മി നോട്ട് 9 പ്രോ സ്മാർട്ട്‌ഫോൺ മാർച്ചിലാണ് ഇന്ത്യയിൽ അവതരിപ്പിച്ചത്. റെഡ്മി നോട്ട് 9 പ്രോ മാക്സ് എന്ന മറ്റൊരു ഡിവൈസും ഇതിനൊപ്പം ഷവോമി പുറത്തിറക്കിയിരുന്നു. അറോറ ബ്ലൂ, ഗ്ലേസിയർ വൈറ്റ്, ഇന്റർസ്റ്റെല്ലാർ ബ്ലാക്ക് എന്നീ മൂന്ന് കളർ ഓപ്ഷനുകളിലാണ് ഈ ഡിവൈസ് ലഭ്യമാകുന്നത്. ജനപ്രീയമായ റെഡ്മി നോട്ട് സീരിസിലെ പുതിയ സ്മാർട്ട്ഫോണിന്റെ ആദ്യ വിൽപ്പനകളിൽ സ്റ്റോക്ക് വേഗം തന്നെ തീർന്നിരുന്നു.

റെഡ്മി നോട്ട് 9 പ്രോ: വില, ഓഫറുകൾ

റെഡ്മി നോട്ട് 9 പ്രോ 4 ജിബി + 64 ജിബി, 6 ജിബി + 128 ജിബി എന്നിങ്ങനെ രണ്ട് വേരിയന്റുകളിലാണ് ലഭ്യമാകുന്നത്. 4 ജിബി റാമുള്ള അടിസ്ഥാന വേരിയന്റിന് 13,999 രൂപയും 6 ജിബി റാം വേരിയന്റിന് 16,999 രൂപയുമാണ് വില വരുന്നത്. ആമസോണിനും എംഐ.കോമിനും ഈ ഫോണിന് ഓഫറുകൾ പ്രഖ്യാപിച്ചിട്ടുണ്ട്. ഐസിഐസിഐ ക്രെഡിറ്റ് കാർഡ് വഴി പണമടച്ച് ഫോൺ വാങ്ങുമ്പോൾ 1,000 രൂപ ഡിസ്കൌണ്ട് ലഭിക്കും. രണ്ട് വെബ്‌സൈറ്റുകളും ഐസിഐസിഐ ക്രെഡിറ്റ് കാർഡ് വഴി ഇഎംഐ ഓപ്ഷനുകളും നൽകുന്നുണ്ട്.

കൂടുതൽ വായിക്കുക: വരും ദിവസങ്ങളിൽ ഇന്ത്യൻ വിപണി പ്രതീക്ഷിക്കുന്ന സ്മാർട്ട്ഫോണുകൾ

റെഡ്മി നോട്ട് 9 പ്രോ: പ്രധാന സവിശേഷതകൾ

റെഡ്മി നോട്ട് 9 പ്രോ പുതിയ അറോറ ഡിസൈനുമായിട്ടാണ് പുറത്തിറങ്ങുന്നത്. മൂന്ന് നിറങ്ങളിലാണ് നിലവിൽ ഫോൺ ലഭ്യമാവുക. കോർണിംഗ് ഗോറില്ല ഗ്ലാസ് 5 പ്രോട്ടക്ഷൻ മുന്നിലും പിന്നിലും ലഭ്യമാണ്. ക്രിയോ 465 സിപിയു, അഡ്രിനോ 618 ജിപിയു എന്നിവയ്ക്കൊപ്പം 8 എൻഎം ഫാബ്രിക്കേഷൻ അടിസ്ഥാനമാക്കിയുള്ള ക്വാൽകോമിന്റെ സ്‌നാപ്ഡ്രാഗൺ 720 ജി പ്രോസസറാണ് ഫോണിന് കരുത്ത് നൽകുന്നത്.

രണ്ട് ഡെഡിക്കേറ്റഡ് നാനോ സിം കാർഡ് സ്ലോട്ടുകൾക്കൊപ്പം റെഡ്മി നോട്ട് 9 പ്രോയിൽ ഒരു പ്രത്യേക മൈക്രോ എസ്ഡി കാർഡ് സ്ലോട്ടും നൽകിയിട്ടുണ്ട്. ഇത് റെഡ്മി നോട്ട് 9 പ്രോയിലെ സ്റ്റോറേജ് 512 ജിബി വരെ വിപുലീകരിക്കാൻ ഉപയോഗിക്കാം. സോഫ്റ്റ്‌വെയർ പരിശോധിച്ചാൽ റെഡ്മി നോട്ട് 9 പ്രോ ആൻഡ്രോയിഡ് 10 ഒഎസ് അടിസ്ഥാനമാക്കിയുള്ള MIUI 11 സ്കിൻ ഉപയോഗിച്ച് പ്രവർത്തിക്കുന്നു.

പിന്നിലുള്ള ക്വാഡ് ക്യാമറ സജ്ജീകരണത്തിൽ 48 എംപി പ്രൈമറി സെൻസർ, 8 എംപി അൾട്രാ-വൈഡ് ആംഗിൾ ലെൻസ്, 5 എംപി മാക്രോ ലെൻസ്, 2 എംപി ഡെപ്ത് സെൻസർ എന്നിവയുണ്ട്. സെൽഫികൾക്കായി ഡിവൈസ് പിക്‌സൽ-ബിന്നിംഗ് സാങ്കേതികവിദ്യയുള്ള 16 എംപി സെൽഫി ക്യാമറ ഉപയോഗിക്കുന്നു. 18W ഫാസ്റ്റ് ചാർജിംഗിങ് സപ്പോർട്ട് ചെയ്യുന്ന 5,020 mAh ബാറ്ററിയാണ് റെഡ്മി നോട്ട് 9 പ്രോയ്ക്ക് ഇന്ധനം നൽകുന്നത്. റീട്ടെയിൽ ബോക്സിൽ ഫാസ്റ്റ് ചാർജറും ഉൾപ്പെടുത്തിയിട്ടുണ്ട്.

കൂടുതൽ വായിക്കുക: ഷവോമി റെഡ്മി നോട്ട് 9 വൈകാതെ ഇന്ത്യയിൽ അവതരിപ്പിക്കും