11,999 രൂപയ്ക്ക് റെഡ്മി നോട്ട് 9 സ്വന്തമാക്കാം, വിൽപ്പന ഇന്ന് ഉച്ചയ്ക്ക് 12 മണിക്ക്

റെഡ്മി നോട്ട് 9: വില, ലഭ്യത

റെഡ്മി നോട്ട് 9 സ്മാർട്ട്ഫോണിന് ഇന്ത്യൻ വിപണിയിൽ 11,999 രൂപ മുതലാണ് വില ആരംഭിക്കുന്നത്. 4 ജിബി റാമും 64 ജിബി സ്റ്റോറേജുമുള്ള വേരിയന്റിനാണ് ഈ വില. 4 ജിബി റാമും 128 ജിബി സ്റ്റോറേജുമുള്ള ഡിവൈസിന്റെ മറ്റൊരു വേരിയന്റിന് 13,499 രൂപ വിലയുണ്ട്. ഡിവൈസിന്റെ ടോപ്പ് എൻഡ് വേരിയന്റായ 6 ജിബി റാമും 128 ജിബി സ്റ്റോറേജുമുള്ള മോഡലിന് 14,999 രൂപയാണ് വില. അക്വാ ഗ്രീൻ, അക്വാ വൈറ്റ്, പെബിൾ ഗ്രേ, സ്കാർലറ്റ് റെഡ് എന്നീ കളർ ഓപ്ഷനുകളിൽ ഈ ഡിവൈസ് ലഭ്യമാകും. ആമസോൺ, എംഐ.കോം എന്നിവ വഴിയാണ് ഡിവൈസിന്റെ വിൽപ്പന നടക്കുന്നത്.

റെഡ്മി നോട്ട് 9: സവിശേഷതകൾ

രണ്ട് നാനോ സിം കാർഡ് സ്ലോട്ടുകളുള്ള റെഡ്മി നോട്ട് 9 സ്മാർട്ട്ഫോൺ ആൻഡ്രോയിഡ് 10 ബേസ്ഡ് എംഐയുഐ 11ലാണ് പ്രവർത്തിക്കുന്നത്. ഇത് എഐയുഐ12 അപ്ഡേറ്റ് വൈകാതെ ലഭ്യമാകം. ഈ സ്മാർട്ട്ഫോണിൽ 6.53 ഇഞ്ച് ഫുൾ എച്ച്ഡി+ (1,080x2,340 പിക്‌സൽ) ഡോട്ട് ഡിസ്‌പ്ലേയാണ് ഷവോമി നൽകിയിട്ടുള്ളത്. 19.5: 9 അസ്പാക്ട് റേഷിയോവും കോർണിംഗ് ഗോറില്ല ഗ്ലാസ് 5 പ്രോട്ടക്ഷനുമുള്ള ഡിസ്പ്ലെയാണ് ഇത്. 6 ജിബി വരെ എൽ‌പി‌ഡി‌ഡി‌ആർ 4 എക്സ് റാമിനൊപ്പം ഒക്ടാകോർ മീഡിയടെക് ഹെലിയോ ജി 85 SoCയാണ് ഡിവൈസിന് കരുത്ത് നൽകുന്നത്.

റെഡ്മി നോട്ട് 9 സ്മാർട്ട്ഫോണിൽ ക്വാഡ് റിയർ ക്യാമറ സെറ്റപ്പാണ് ഉള്ളത്. ഈ ക്യാമറ സെറ്റപ്പിൽ 48 മെഗാപിക്സൽ സാംസങ് ഐസോസെൽ ബ്രൈറ്റ് ജിഎം 1 പ്രൈമറി സെൻസറാണ് ഉള്ളത്. ഈ സെൻസറിൽ എഫ് / 1.79 ലെൻസും കമ്പനി നൽകിയിട്ടുണ്ട്. എഫ് / 2.2 അൾട്രാ വൈഡ് ആംഗിൾ ലെൻസുള്ള 8 മെഗാപിക്സൽ സെൻസർ, 2 മെഗാപിക്സൽ മാക്രോ ഷൂട്ടർ, 2 മെഗാപിക്സൽ ഡെപ്ത് സെൻസർ എന്നിവയും ഡിവൈസിൽ ഉണ്ട്. സെൽഫികൾക്കും വീഡിയോ കോളുകൾക്കുമായി 13 മെഗാപിക്സൽ ക്യാമറയാണ് റെഡ്മി നൽകിയിട്ടുള്ളത്.

റെഡ്മി നോട്ട് 9 സ്മാർട്ട്ഫോണിൽ 128 ജിബി വരെ ഓൺ‌ബോർഡ് സ്റ്റോറേജ് ഉണ്ട്. ഈ സ്റ്റോറേജ് തികയാതെ വരുന്നവർക്ക് മൈക്രോ എസ്ഡി കാർഡ് വഴി 512 ജിബി വരെ സ്റ്റോറേജ് എക്സ്പാൻഡ് ചെയ്യാനായി പ്രത്യേക സ്ലോട്ടും നൽകിയിട്ടുണ്ട്. ഫോണിൽ കണക്റ്റിവിറ്റി ഓപ്ഷനുകളായി 4 ജി വോൾട്ട്, വൈ-ഫൈ, ബ്ലൂടൂത്ത് വി 5.0, ജിപിഎസ് / എ-ജിപിഎസ്, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവയാണ് നൽകിയിട്ടുള്ളത്. പിൻവശത്ത് ഫിംഗർപ്രിന്റ് സെൻസറും ഉണ്ട്.

22.5W ഫാസ്റ്റ് ചാർജിങ് സപ്പോർട്ടും 9W റിവേഴ്സ് ചാർജിങ് സപ്പോർട്ടുമുള്ള 5,020എംഎഎച്ച് ബാറ്ററിയാണ് ഈ സ്മാർട്ട്ഫോണിൽ കമ്പനി പായ്ക്ക് ചെയ്യുന്നത്. ചതുരാകൃതിയിൽ നൽകിയിട്ടുള്ള മനോഹരമായ ക്യാമറ സെറ്റപ്പും മറ്റ് ഘടകങ്ങളുമെല്ലാം വച്ച് നോക്കുമ്പോൾ ഈ ഫോണിന്റെ ഡിസൈൻ പ്രോ വേരിന്റുകളോട് സാമ്യത ഉള്ളതാണ്. ഡിവൈസിന്റെ വില നിലവാരത്തിന് ചേർന്ന മികച്ച സവിശേഷതകളും ഈ സ്മാർട്ട്ഫോണിൽ നൽകിയിട്ടുണ്ട്.