സാംസങ് ഗാലക്‌സി എ 11, ഗാലക്‌സി എ 41 സ്മാർട്ട്ഫോണുകളുടെ വില പ്രഖ്യാപിച്ചു

സാംസങ് ഗാലക്‌സി എ 41: വിലയും ലഭ്യതയും

ഗാലക്‌സി എ 41 299 യൂറോ (ഏകദേശം 24,000 രൂപ) വിലയ്ക്ക് ലഭ്യമാകുമെന്ന് കമ്പനി അറിയിച്ചിട്ടുണ്ട്. 4 ജിബി റാമും 64 ജിബി സ്റ്റോറേജുമായാണ് ഈ ഫോൺ വരുന്നത്. നെതർലാൻഡിൽ ഈ ഡിവൈസിനായുള്ള പ്രീ-ഓർഡറുകൾ ആരംഭിച്ചതായി കമ്പനി അറിയിച്ചു. മറ്റ് വിപണികളിൽ ഈ ഡിവൈസ് എപ്പോൾ ലഭ്യമാകും എന്നത് കമ്പനി വ്യക്തമാക്കിയിട്ടില്ല.

സാംസങ് ഗാലക്‌സി എ 11: വിലയും ലഭ്യതയും

സാംസങ് ഗാലക്‌സി എ 11, ഗാലക്സി എ41 എന്നീ സ്മാർട്ട്ഫോണുകളിൽ വില കുറഞ്ഞത് ഗാലക്‌സി എ 11 സ്മാർട്ട്ഫോണിനാണ്. ടിഎച്ച്ബി 5,199 (ഏകദേശം 12,000 രൂപ) എന്ന വിലയ്ക്കാണ് തായ്‌ലൻഡിൽ ഈ ഫോണിന്റെ റീട്ടെയിൽ വിൽപ്പന പ്രഖ്യാപിച്ചിരിക്കുന്നത്. തായ്ലഡിലെ സാംസങ് ഓൺലൈൻ സ്റ്റോർ വഴി ഈ ഫോൺ ലഭ്യമാകും. ഡിവൈസിന്റെ 3 ജിബി റാം വേരിയന്റിനാണ് ഈ വില വരുന്നത്.

സാംസങ് ഗാലക്‌സി എ 41: സവിശേഷതകൾ

ഫോണിന്റെ ഇന്റേണലുകളെക്കുറിച്ച് പറയുമ്പോൾ, സാംസങ് ഗാലക്‌സി എ 41ൽ 6.1 ഇഞ്ച് ഫുൾ എച്ച്ഡി + ഇൻഫിനിറ്റി-യു സൂപ്പർ അമോലെഡ് ഡിസ്‌പ്ലേ 20: 9 ആസ്പാക്ട് റേഷിയോവോട് കൂടിയും 89 ശതമാനം സ്‌ക്രീൻ-ടു-ബോഡി റേഷ്യോയോട് കൂടിയും നൽകിയിരിക്കുന്നു. ഒക്ടാകോർ SoC ചിപ്‌സെറ്റിന്റെ എക്സിനോസ് വേരിയന്റാണ് ഫോണിൽ നൽകിയിരിക്കുന്നത്.4 ജിബി റാമും 64 ജിബി ഓൺബോർഡ് സ്റ്റോറേജുമുള്ള ഫോണിൽ മെമ്മറി എക്സപാന്റ് ചെയ്യാനുള്ള സംവിധാനവും നൽകിയിട്ടുണ്ട്. ഇൻ-ഡിസ്‌പ്ലേ ഫിംഗർപ്രിന്റ് സെൻസറും ഫോണിൽ നൽകിയിട്ടുണ്ട്.

ക്യാമറകൾ പരിശോധിച്ചാൽ, ഗാലക്സി എ41 ൽ ട്രിപ്പിൾ ക്യാമറ സെറ്റപ്പാണ് നൽകിയിട്ടുള്ളത്. എഫ് / 2.0 അപ്പേർച്ചറുള്ള 48 മെഗാപിക്സൽ പ്രൈമറി വൈഡ് ആംഗിൾ ലെൻസോട് കൂടിയ ഈ ക്യാമറ സെറ്റപ്പിൽ എഫ് / 2.2 അപ്പർച്ചറുള്ള 8 മെഗാപിക്സൽ 123 ഉം ഡിഗ്രി വ്യൂ ഫീൽഡ് നൽകുന്ന അൾട്രാ വൈഡ് ആംഗിൾ ക്യാമറയും 5 മെഗാപിക്സൽ ഡെപ്ത് സെൻസറും നൽകിയിട്ടുണ്ട്. ഡിവൈസിൽ സെൽഫി ക്യാമറയായി നൽകിയിട്ടുള്ളത് എഫ് / 2.2 അപ്പേർച്ചറുള്ള 25 മെഗാപിക്സൽ ലെൻസാണ്. 15W ഫാസ്റ്റ് ചാർജിംഗ് സപ്പോർട്ടുള്ള 3,500 എംഎഎച്ച് ബാറ്ററിയാണ് ഫോണിൽ നൽകിയിരിക്കുന്നത്.

സാംസങ് ഗാലക്‌സി എ 11: സവിശേഷതകൾ

ഗാലക്സി സീരിസിലെ പുതിയ രണ്ട് ഫോണുകളിലും വില കുറഞ്ഞ ഫോണായ ഗാലക്‌സി എ 11ൽ സവിശേഷതകളും കുറവാണ്. 19.5: 9 ആസ്പക്ട് റേഷിയോ ഉള്ള 6.4 ഇഞ്ച് എച്ച്ഡി + (720x1560 പിക്‌സൽ) ഇൻഫിനിറ്റി-ഒ ഡിസ്‌പ്ലേയാണ് ഇതിലുള്ളത്. 1.8GHz SoC പ്രൊസസറിലാണ് ഫോൺ പ്രവർത്തിക്കുന്നത്. 3 ജിബി വരെ റാമും ഫോണിലുണ്ട്.

ഗാലക്‌സി എ 11ൽ ട്രിപ്പിൾ ക്യാമറ സെറ്റപ്പ് നൽകിയിട്ടുണ്ട്. എഫ് / 1.8 അപ്പർച്ചർ ലെൻസോട് കൂടിയ 13 മെഗാപിക്സൽ പ്രൈമറി സെൻസർ, എഫ് / 2.2 ലെൻസ് അപ്പർച്ചറുള്ള അൾട്രാ വൈഡ് ആംഗിൾ 5 മെഗാപിക്സൽ സെക്കൻഡറി സെൻസർ, എഫ് / 2.4 ലെൻസുള്ള 2 മെഗാപിക്സൽ ഡെപ്ത് സെൻസർ എന്നിവയാണ് ക്യാമറ സെറ്റപ്പിലുള്ളത്. സെൽഫികൾക്കായി മുൻവശത്ത് എഫ് / 2.0 ലെൻസിനൊപ്പം 8 മെഗാപിക്സൽ സെൽഫി ക്യാമറ സെൻസറും നൽകിയിട്ടുണ്ട്.