ആമസോണിൽ സാംസങ് ഗാലക്സി എം30ക്ക് വൻ വിലക്കുറവ്

സാംസങ് ഗാലക്‌സി എം30 9,999 രൂപയ്ക്കാണ് വിപണിയിലിറക്കിയത്. സെപ്റ്റംബറിൽ നടന്ന ആമസോൺ ഗ്രേറ്റ് ഇന്ത്യൻ സെയിൽ ഫെസ്റ്റിവൽ സമയത്താണ് ഈ മോഡൽ കമ്പനി പുറത്തിറക്കുന്നത്. ഇപ്പോൾ ഈ സ്മാർട്ട്ഫോൺ ഇ-കൊമേഴ്‌സ് പ്ലാറ്റ്‌ഫോമായ ആമസോണിൽ നിന്ന് 9,499 രൂപയ്ക്ക് വാങ്ങാം. ഈ സ്മാർട്ട്ഫോൺ സ്വന്തമാക്കാനായി ആമസോൺ ഉപഭോക്താക്കൾക്ക് നോകോസ്റ്റ് ഇഎംഐ ഓഫറുകളും ലഭ്യമാക്കുന്നുണ്ട്.

മറ്റ് വേരിയന്റുകളുടെ വില പരിശോധിച്ചാൽ 4 ജിബി റാം 64 ജിബി സ്റ്റോറേജ് വേരിയന്റുള്ള ഗാലക്‌സി എം30 11,999 രൂപയ്ക്കാണ് ആമസോണിൽ ലഭിക്കുന്നത്. 6 ജിബി റാം + 128 ജിബി സ്റ്റോറേജ് മോഡൽ ആമസോണിലൂടെ 15,999 രൂപയ്ക്ക് സ്വന്തമാക്കാൻ സാധിക്കും. എല്ലാ വേരിയന്റുകളും നീല, ഗ്രേഡേഷൻ ബ്ലൂ, ഗ്രേഡേഷൻ ബ്ലാക്ക്, സ്റ്റെയിൻലെസ് ബ്ലാക്ക് എന്നിവയുൾപ്പെടെ നാല് വ്യത്യസ്ത നിറങ്ങളിൽ ലഭ്യമാണ്.

സാംസങ് ഗാലക്‌സി എം 30 സവിശേഷതകൾ

1080 x 2340 പിക്‌സൽ റെസല്യൂഷനും സെൽഫി ക്യാമറയ്‌ക്കായി വാട്ടർ ഡ്രോപ്പ് നോച്ചും ഉള്ള 6.4 ഇഞ്ച് എഫ്എച്ച്ഡി + അമോലെഡ് ഡിസ്‌പ്ലേയാണ് സാംസങ് ഗാലക്‌സി എം 30ക്ക് കമ്പനി നൽകിയിരിക്കുന്നത്. 1.8GHz ക്ലോക്ക് സ്പീഡുള്ള ഒക്ട കോർ എക്‌സിനോസ് 7904 പ്രോസസറാണ് ഹാൻഡ്‌സെറ്റിൽ ഉൾപ്പെടുത്തിയിരിക്കുന്നത്.

6 ജിബി റാമും 128 ജിബി വരെ എക്സ്പാൻഡബിൾ സ്റ്റോറേജും ചിപ്‌സെറ്റിനൊപ്പം നൽകിയിരിക്കുന്നു. ഫോട്ടോഗ്രാഫിക്കായി പിൻവശത്ത് 13 എംപി പ്രൈമറി സെൻസറുള്ള പ്രൈമറി ക്യാമറയടക്കം മൂന്ന് ക്യാമറകളാണ് ഗാലക്‌സി എം 30യിൽ കമ്പനി നൽകിയിരിക്കുന്നത്

5 എംപി വൈഡ് ആംഗിൾ സെൻസറും ഡെപ്ത് മാപ്പിംഗിനായി മറ്റൊരു 5 എംപി സെൻസറുമാണ് പിന്നിൽ നൽകിയിരിക്കുന്ന മറ്റ് രണ്ട് ക്യാമറകൾ. സെൽഫികൾ എടുക്കുന്നതിനും വീഡിയോ കോളുകൾക്കുമായി എഫ് / 2.0 അപ്പേർച്ചറുള്ള 16 എംപി ക്യാമറ വാട്ടർ ഡ്രോപ്പ് നോച്ചിലൂടെ മുൻവശത്ത് നൽകിയിട്ടുണ്ട്.

ബയോമെട്രിക് ഓതന്റിക്കേഷനായി പിന്നിൽ ഫിംഗർപ്രിന്റ് സ്കാനർ ഘടിപ്പിച്ചിട്ടുണ്ട്. കണക്ടിവിറ്റി പരിശോധിക്കുകയാണെങ്കിൽ യുഎസ്ബി ടൈപ്പ്-സി പോർട്ട്, 3.5 എംഎം ഹെഡ്‌ഫോൺസ് ജാക്ക്, വൈ-ഫൈ, ബ്ലൂടൂത്ത് കണക്റ്റിവിറ്റി എന്നിവയും ഫോണിന്റെ സവിശേഷതകളാണ്. ഫാസ്റ്റ് ചാർജിംഗ് പിന്തുണയുള്ള 5,000 mAh ബാറ്ററിയാണ് ഈ സ്മാർട്ട്ഫോണിന്റെ മറ്റൊരു കരുത്ത്.