6000 എംഎഎച്ച് ബാറ്ററിയുമായി സാംസങ് ഗാലക്‌സി M31s ജൂലൈ 30ന് ഇന്ത്യൻ വിപണിയിലെത്തും

സാംസങ് ഗാലക്‌സി M31s: ലോഞ്ച്

സാംസങ് ഗാലക്‌സി M31s ഈ മാസം അവസാനം ഇന്ത്യൻ വിപണിയിൽ അവതരിപ്പിക്കുമെന്നും ഓഗസ്റ്റ് 6 മുതൽ ഷിപ്പിംഗ് ആരംഭിക്കുമെന്നും നേരത്തെ റിപ്പോർട്ടുകളുണ്ടായിരുന്നു. ജൂലൈ 30ന് ലോഞ്ച് തീയതി സ്ഥിരീകരിച്ച് ആമസോൺ ഇന്ത്യയുടെ മൈക്രോ സൈറ്റ് പുറത്ത് വന്നതോടെ ദിവസങ്ങളോളം നീണ്ട അഭ്യൂഹങ്ങൾക്കാണ് വിരാമമാകുന്നത്. ഡിവൈസിന്റെ വിലയും ലഭ്യതയും ലോഞ്ച് ഇവന്റിൽ വച്ച് കമ്പനി ഔദ്യോഗികമായി തന്നെ പ്രഖ്യാപിക്കും.

സാംസങ് ഗാലക്‌സി M31s: സവിശേഷതകൾ

സാംസങ് ഗാലക്‌സി M31s സ്മാർട്ട്ഫോൺ ഒരു മിഡ് റേഞ്ച് ഡിവൈസ് ആകുമെന്നാണ് പ്രതീക്ഷിക്കുന്നത്. 20,000 രൂപയിൽ താഴെയായിരിക്കും ഇതിന്റെ വില. 64 എംപി പ്രൈമറി ഷൂട്ടർ ഉള്ള ക്വാഡ് ക്യാമറ മൊഡ്യൂൾ ഉൾപ്പെടെയുള്ള ഡിവൈസിന്റെ ചില പ്രധാന സവിശേഷതകൾ ആമസോൺ ഇന്ത്യ ലിസ്റ്റിംങിലൂടെ വെളിപ്പെടുത്തിയിട്ടുണ്ട്. സ്മാർട്ട്‌ഫോണിൽ AI എൻഹാൻസ്മെന്റുള്ള 'ഇന്റലി-ക്യാമറ'യാണ് നൽകിയിട്ടുള്ളതെന്നാണ് സാംസങ് അവകാശപ്പെടുന്നത്.

സാംസങ് പ്രൈമറി ക്യാമറയെയാണ് 'ഇന്റലി-ക്യാമറ' എന്ന് വിശേഷിപ്പിക്കുന്നത്. ഇത് സീൻ തിരിച്ചറിഞ്ഞ് ഫോട്ടോ മെച്ചപ്പെടുത്തുന്ന സംവിധാനമാണ്. ഗാലക്‌സി M31sലെ ക്യാമറ സവിശേഷതയിലുള്ള മറ്റൊരു പ്രധാന കാര്യം 'സിംഗിൾ ടേക്ക്' സവിശേഷതയാണ്, ഉപയോക്താക്കൾക്ക് ഒന്നിലധികം ഷോട്ടുകൾ ക്ലിക്കുചെയ്യാനും ഒറ്റ ക്ലിക്കിലൂടെ വീഡിയോകൾ ഷൂട്ട് ചെയ്യാനും സഹായിക്കുന്ന സംവിധാനമാണ് ഇത്.

ക്യാമറയ്‌ക്ക് പുറമെ 6,000 എംഎഎച്ച് ബാറ്ററിയും സാംസങ് ടീസറിലൂടെ വെളിപ്പെടുത്തിയിട്ടുണ്ട്. ഇപ്പോൾ സാംസങ് ഗാലക്‌സി എം സീരീസിൽ കാണാറുള്ള മികച്ച ബാറ്ററി സവിശേഷതയുടെ തുടർച്ചയാണ് ഇത്. സ്മാർട്ട്‌ഫോണിന് 25W ഫാസ്റ്റ് ചാർജിംഗ് സപ്പോർട്ടും റിവേഴ്സ് ചാർജിംഗ് സവിശേഷതയും ഉണ്ടായിരിക്കും. ആമസോൺ ഇന്ത്യ പേജിൽ ലിസ്റ്റുചെയ്‌തിരിക്കുന്ന സാംസങ് ഗാലക്‌സി എം31എസ് ഫോണിന്റെ മറ്റ് പ്രധാനപ്പെട്ട സവിശേഷത ഇൻഫിനിറ്റി-ഒ ഡിസൈനിലുള്ള 6.4 ഇഞ്ച് അമോലെഡ് എഫ്എച്ച്ഡി + ഡിസ്‌പ്ലേയാണ്.

സാംസങ് ഗാലക്‌സി M31s: പ്രതീക്ഷിക്കാവുന്നത് എന്തൊക്കെ

ഗാലക്‌സി M31s സ്മാർട്ട്ഫോണിൽ നൽകിയിട്ടുള്ള പ്രോസസർ ഗാലക്‌സി M31യിൽ ഉണ്ടായിരുന്ന ഇൻ-ഹൌസ് എക്‌സിനോസ് 9611 പ്രോസസർ തന്നെയായിരിക്കുമെന്നാണ് റിപ്പോർട്ടുകൾ. അതുകൊണ്ട് തന്നെ രണ്ട് ഡിവൈസുകളുടെയും പെർഫോമൻസിൽ വലിയ മാറ്റങ്ങളൊന്നും ഉണ്ടായിരിക്കാൻ സാധ്യതയില്ലെന്ന് റിപ്പോർട്ടുകൾ സൂചിപ്പിക്കുന്നു. ഒപ്റ്റിക്സ്, ബാറ്ററി തുടങ്ങിയ കാര്യങ്ങളിൽ മാത്രമാണ് സാംസങ് നവീകരണങ്ങൾ നടത്തിയിട്ടുള്ളത്.