കിടിലൻ ഫീച്ചറുകളുമായി സാംസങ് ഗാലക്സി എം32 5ജി സ്മാർട്ട്ഫോൺ ഇന്ത്യൻ വിപണിയിലെത്തി

സാംസങ് ഗാലക്സി എം32 5ജി: വില, ലഭ്യത

സാംസങ് ഗാലക്സി എം32 5ജി സ്മാർട്ട്ഫോണിന്റെ 6 ജിബി റാമും 128 ജിബി സ്റ്റോറേജുമുള്ള മോഡലിന് ഇന്ത്യയിൽ 20,999 രൂപയാണ് വില. 8 ജിബി റാമും 128 ജിബി സ്റ്റോറേജുമുള്ള മോഡലും ലോഞ്ച് ചെയ്തിട്ടുണ്ട് എങ്കിലും ഇതിന്റെ വില കമ്പനി വെളിപ്പെടുത്തിയിട്ടില്ല. സ്ലേറ്റ് ബ്ലാക്ക്, സ്കൈ ബ്ലൂ നിറങ്ങളിലാണ് സാംസങ് പുതിയ 5ജി സ്മാർട്ട്ഫോൺ ലഭ്യമാക്കുന്നത്. സെപ്റ്റംബർ 2ന് ഉച്ചയ്ക്ക് 1 മണി മുതൽ ആമസോൺ വഴി ഈ ഡിവൈസ് വിൽപ്പനയ്‌ക്കെത്തും. ആദ്യ വിൽപ്പനയിൽ ഈ ഡിവൈസിന് 2,000 രൂപ വരെ ഇൻസ്റ്റന്റ് ഡിസ്കൌണ്ട് ലഭിക്കും.

സാംസങ് ഗാലക്സി എം32 5ജി: സവിശേഷതകൾ

സാംസങ് ഗാലക്സി എം32 5ജി സ്മാർട്ട്ഫോണിൽ 6.5 ഇഞ്ച് എച്ച്ഡി+ ടിഎഫ്ടി ഇൻഫിനിറ്റി വി ഡിസ്പ്ലേയാണ് ഉള്ളത്. മികച്ച ഡിസ്പ്ലെയാണ് ഇത്. സ്മാർട്ട്ഫോണിന് കരുത്ത് നൽകുന്നത് ഒക്ട-കോർ ​​മീഡിയടെക് ഡൈമൻസിറ്റി 720 എസ്ഒസിയാണ്. 8ജിബി വരെ റാമുള്ള സ്മാർട്ട്ഫോണിൽ 128 ജിബി ഇൻബിൽറ്റ് സ്റ്റോറേജും ഉണ്ട്. സ്റ്റോറേജ് തികയാത്ത ആളുകൾക്കായി മൈക്രോ എസ്ഡി കാർഡ് സപ്പോർട്ടും നൽകിയിട്ടുണ്ട്. 1 ടിബി വരെ സ്റ്റോറേജാണ് ഇതിലൂടെ എക്സ്പാൻഡ് ചെയ്യാൻ കഴിയുന്നത്.

സാംസങ് പുതിയ 5ജി സ്മാർട്ട്ഫോണിൽ ഫോട്ടോകൾക്കും വീഡിയോകൾക്കുമായി നാല് പിൻ ക്യാമറകളാണ് നൽകിയിട്ടുള്ളത്. 48 മെഗാപിക്സൽ പ്രൈമറി സെൻസർ, അൾട്രാ-വൈഡ് ആംഗിൾ ലെൻസുള്ള 8 മെഗാപിക്സൽ സെക്കന്ററി സെൻസർ, 2 മെഗാപിക്സൽ മാക്രോ ഷൂട്ടർ, 2 മെഗാപിക്സൽ ഡെപ്ത് സെൻസർ എന്നിവയാണ് ഈ ക്വാഡ് ക്യാമറ സെറ്റപ്പിലെ ക്യാമറകൾ. ഡിവൈസിന്റെ മുൻവശത്ത് 13 മെഗാപിക്സൽ സെൽഫി ഷൂട്ടറും സാംസങ് നൽകിയിട്ടുണ്ട്.

ഡ്യുവൽ സിം (നാനോ) സപ്പോർട്ടുമായിട്ടാണ് സാംസങ് ഗാലക്സി എം32 5ജി വരുന്നത്. ആൻഡ്രോയിഡ് 11 ബേസ്ഡ് വൺയുഐ 3.1ൽ സ്മാർട്ട്ഫോൺ പ്രവർത്തിക്കുന്നു. കണക്റ്റിവിറ്റി ഓപ്ഷനുകളായി ഈ സ്മാർട്ട്ഫോണിൽ 5ജി, വൈഫൈ, ബ്ലൂടൂത്ത്, ജിപിഎസ്/ ഗാലക്സി എം 32 5 ജി എന്നിവയും നൽകിയിട്ടുണ്ട്. സൈഡ് മൗണ്ടഡ് ഫിംഗർപ്രിന്റ് സ്കാനറും സ്മാർട്ട്ഫോണിൽ ഉണ്ട്. 15W ഫാസ്റ്റ് ചാർജിങ് സപ്പോർട്ടുള്ള 5,000 എംഎഎച്ച് ബാറ്ററിയാണ് ഈ ഡിവൈസിൽ നൽകിയിട്ടുള്ളത്. ഇന്ത്യൻ വിപണിയിലെ മിഡ്റേഞ്ച് 5ജി സ്മാർട്ട്ഫോണുകൾക്ക് കനത്ത വെല്ലുവിളി ഉയർത്താൻ സാംസങിന്റെ ഈ പുതിയ ഡിവൈസിന് സാധിക്കുമെന്ന് ഉറപ്പാണ്.