കാത്തിരിപ്പിനൊടുവിൽ സാംസങ് ഗാലക്‌സി നോട്ട് 20 സീരിസ് പുറത്തിറങ്ങി: വിലയും സവിശേഷതകളും

സാംസംങ് ഗാലക്സി നോട്ട് 20 സീരീസിലെ രണ്ട് ഫോണുകളും എസ് പെൻ സ്റ്റൈലസുമായാണ് വരുന്നത്. ഇരു ഡിവൈസുകളിലും ഹോൾ-പഞ്ച് ഡിസ്പ്ലേയും ഉണ്ട്. ഗാലക്‌സി നോട്ട് 20 സ്മാർട്ട്ഫോമിന് 8 ജിബി റാമാണ് ഉള്ളത്. ഗാലക്‌സി നോട്ട് 20 അൾട്രയ്ക്ക് 12 ജിബി വരെ റാം നൽകിയിട്ടുണ്ട്. ഗാലക്‌സി നോട്ട് 20, ഗാലക്‌സി നോട്ട് 20 അൾട്ര എന്നിവ രണ്ടും 5ജി കണക്റ്റിവിറ്റിയോടെയാണ് വരുന്നത്.

സാംസങ് ഗാലക്‌സി നോട്ട് 20 സീരിസ്: വില, ലഭ്യത

ഗാലക്‌സി നോട്ട് 20 സ്മാർട്ട്ഫോണിന്റെ 128 ജിബി സ്റ്റോറേജുള്ള 5ജി വേരിയന്റിന് അമേരിക്കയിൽ 999.99 ഡോളറാണ് വില (ഏകദേശം 75,400 രൂപ). സാംസങ് ഗാലക്‌സി നോട്ട് 20 അൾട്രയുടെ 128 ജിബി സ്റ്റോറേജ് വേരിയന്റിന് 1,299.99 ഡോളറാണ് വില (ഏകദേശം 97,500 രൂപ). ഗാലക്സി നോട്ട് 20 മിസ്റ്റിക് ബ്ലാക്ക്, മിസ്റ്റിക് ബ്രോൺസ്, മിസ്റ്റിക് ഗ്രീൻ നിറങ്ങളിൽ ലഭ്യമാകും. ഗാലക്സി നോട്ട് 20 അൾട്ര മിസ്റ്റിക് ബ്ലാക്ക്, മിസ്റ്റിക് ബ്രോൺസ്, മിസ്റ്റിക് വൈറ്റ് കളർ ഓപ്ഷനുകളിലാണ് ലഭ്യമാവുക. രണ്ട് പുതിയ മോഡലുകളും ഓഗസ്റ്റ് 21 മുതൽ വിൽപ്പനയ്‌ക്കെത്തും.

സാംസങ് ഗാലക്‌സി നോട്ട് 20: സവിശേഷതകൾ

സാംസങ് ഗാലക്‌സി നോട്ട് 20 സ്മാർട്ട്ഫോൺ 6.7 ഇഞ്ച് ഫുൾ എച്ച്ഡി+ (1,080x2,400 പിക്‌സൽ) സൂപ്പർ അമോലെഡ് ഫ്ലാറ്റ് ഡിസ്‌പ്ലേയുമായിട്ടാണ് പുറത്തിറക്കിയിരിക്കുന്നത്. ഈ ഡിസ്പ്ലെയ്ക്ക് 20: 9 ആസ്പാക്ട്റേഷിയോവാണ് ഉള്ളത്. ക്വാൽകോം സ്‌നാപ്ഡ്രാഗൺ 865, എക്‌സിനോസ് 990 SoC എന്നീ രണ്ട് പ്രോസസർ ഓപ്ഷനുകളിൽ ഡിവൈസ് ലഭ്യമാണ്. തിരഞ്ഞെടുത്ത വിപണികളിൽ ഫോണിന് 5ജി സപ്പോർട്ടും ഉണ്ട്. 8 ജിബി റാമും 256 ജിബി വരെ സ്റ്റോറേജുമാണ് ഡിവൈസിൽ ഉള്ളത്.

ഗാലക്‌സി നോട്ട് 20 ട്രിപ്പിൾ റിയർ ക്യാമറ സെറ്റപ്പുമായിട്ടാണ് പുറത്തിറക്കിയിരിക്കുന്നത്. അതിൽ 12 മെഗാപിക്സൽ മെയിൻ സെൻസറും 12 മെഗാപിക്സൽ അൾട്രാ വൈഡ് ആംഗിൾ ഷൂട്ടറും 3x ഒപ്റ്റിക്കൽ സൂമുള്ള 64 മെഗാപിക്സൽ ഷൂട്ടറുമാണ് ഉള്ളത്. മുൻവശത്ത് സെൽഫികൾക്കും വീഡിയോ കോളിങിനുമായി 10 മെഗാപിക്സൽ സെൽഫി ക്യാമറ സെൻസറാണ് നൽകിയിട്ടുള്ളത്,

5 ജി, 4 ജി എൽടിഇ, വൈ-ഫൈ 6, ബ്ലൂടൂത്ത് 5.0, ജിപിഎസ് / എ-ജിപിഎസ്, എൻ‌എഫ്‌സി, യുഎസ്ബി ടൈപ്പ്-സി പോർട്ട് എന്നിവ ഉൾപ്പെടുന്ന നിരവധി കണക്റ്റിവിറ്റി ഓപ്ഷനുകളാണ് സാംസങ് ഗാലക്‌സി നോട്ട് 20 സ്മാർട്ട്ഫോണിൽ ഉള്ളത്. ഡിവൈസിൽ ഇൻ ഡിസ്‌പ്ലേ ഫിംഗർപ്രിന്റ് സെൻസറും നൽകിയിട്ടുണ്ട്. ഫാസ്റ്റ് ചാർജിംഗ് സാങ്കേതികവിദ്യയെ സപ്പോർട്ട് ചെയ്യുന്ന 4,300 എംഎഎച്ച് ബാറ്ററിയാണ് സാംസങ് ഗാലക്‌സി നോട്ട് 20 പായ്ക്ക് ചെയ്യുന്നത്.

സാംസങ് ഗാലക്‌സി നോട്ട് 20 അൾട്രാ: സവിശേഷതകൾ

ഗാലക്‌സി നോട്ട് 20 സ്മാർട്ട്ഫോണിന് സമാനമായി സാംസങ് ഗാലക്‌സി നോട്ട് 20 അൾട്രയും ക്വാൽകോം സ്‌നാപ്ഡ്രാഗൺ 865, എക്‌സിനോസ് 990 സോസി എന്നീ രണ്ട് പ്രോസസർ ഓപ്ഷനുകളിലാണ് പുറത്തിറക്കിയിരിക്കുന്നത്. QHD+ റെസല്യൂഷനും 120Hz റിഫ്രെഷ് റേറ്റും ഉള്ള 6.9 ഇഞ്ച് കർവ്ഡ് എഡ്ജ് ഡൈനാമിക് അമോലെഡ് ഡിസ്പ്ലേയാണ് ഫോണിലുള്ളത്. വേഗത്തിലുള്ള ഫയൽ കൈമാറ്റത്തിനായി അൾട്രാ-വൈഡ് ബാൻഡ് (യുഡബ്ല്യുബി) സാങ്കേതികവിദ്യയും ഡിവൈസിൽ നൽകിയിട്ടുണ്ട്.

ഗാലക്‌സി നോട്ട് 20 അൾട്രായ്ക്ക് 4,500 എംഎഎച്ച് ബാറ്ററിയാണ് നൽകിയിട്ടുള്ളത്. ഗാലക്‌സി നോട്ട് 20 പോലെ ഗാലക്‌സി നോട്ട് 20 അൾട്രയിലും മുൻവശത്ത് 10 മെഗാപിക്സൽ സെൽഫി ക്യാമറ സെൻസറും എഫ് / 2.2 ലെൻസും നൽകിയിട്ടുണ്ട്. 5 ജി, 4 ജി എൽടിഇ, വൈ-ഫൈ 6, ബ്ലൂടൂത്ത് 5.0, ജിപിഎസ് / എ-ജിപിഎസ്, എൻ‌എഫ്‌സി, യുഎസ്ബി ടൈപ്പ്-സി പോർട്ട് എന്നിവ ഗാലക്‌സി നോട്ട് 20 അൾട്രയിലെ കണക്റ്റിവിറ്റി ഓപ്ഷനുകളാണ്. ഇൻ-ഡിസ്പ്ലേ ഫിംഗർപ്രിന്റ് സെൻസറും ഡിവൈസിൽ ഉണ്ട്.

സാംസങ് ഗാലക്‌സി നോട്ട് 20 അൾട്രാ സ്മാർട്ട്ഫോണിന്റെ ക്യാമറ സെറ്റപ്പിൽ 108 മെഗാപിക്സൽ പ്രൈമറി ക്യാമറ സെൻസറാണ് നൽകിയിട്ടുള്ളത്. 12 മെഗാപിക്സൽ ടെലിഫോട്ടോ ഷൂട്ടറും 12 മെഗാപിക്സൽ അൾട്രാ വൈഡ് ആംഗിൾ ഷൂട്ടറും ഡിവൈസിൽ നൽകിയിട്ടുണ്ട്. ഈ ഡിവൈസിൽ ഒമ്പത് മില്ലിസെക്കൻഡ് ലേറ്റൻസിയുള്ള മെച്ചപ്പെട്ട എസ് പെന്നും കമ്പനി ഉൾപ്പെടുത്തുമെന്നാണ് റിപ്പോർട്ടുകൾ. സാംസങ് ഗാലക്‌സി നോട്ട് 20 അൾട്രയ്ക്ക് 12 ജിബി വരെ റാമും സാംസങ് നൽകിയിട്ടുണ്ട്.