രണ്ട് സെൽഫി ക്യാമറകളുമായി ടെക്നോ കാമൺ 16 പ്രീമിയർ ഇന്ത്യൻ വിപണിയിലെത്തി

 

ടെക്നോ കാമൺ 16 പ്രീമിയർ: വില, ലഭ്യത

ടെക്നോ കാമൺ 16 പ്രീമിയർ സ്മാർട്ട്ഫോണിന് ഇന്ത്യൻ വിപണിയിൽ 16,999 രൂപയാണ് വില. ഗ്ലേസിയർ സിൽവർ കളർ ഓപ്ഷനിൽ ലഭ്യമാകുന്ന ഈ ഡിവൈസിന്റെ വിൽപ്പന ജനുവരി 16ന് ഉച്ചയ്ക്ക് 12 മണിക്ക് നടക്കും. ഫ്ലിപ്പ്കാർട്ട് വഴിയാണ് ഡിവൈസിന്റെ വിൽപ്പന നടക്കുന്നത്. ടെക്നോ കാമൺ 16 പ്രീമിയർ ഇന്ത്യയിലുടനീളമുള്ള ഓഫ്‌ലൈൻ റീട്ടെയിൽ ഔട്ട്‌ലെറ്റുകളിലും ലഭ്യമാകും. 8 ജിബി റാമും 128 ജിബി സ്റ്റോറേജുമായിട്ടാണ് ഡിവൈസ് പുറത്തിറങ്ങിയിരിക്കുന്നത്.

കൂടുതൽ വായിക്കുക: സാംസങ് ഗാലക്‌സി എസ്20, എസ്20 പ്ലസ്, എസ്20 അൾട്ര സ്മാർട്ട്ഫോണുകൾക്ക് വൻ വിലക്കുറവ്

ടെക്നോ കാമൺ 16 പ്രീമിയർ: സവിശേഷതകൾ

ആൻഡ്രോയിഡ് 10 ബേസ്ഡ് HIOS v7ലാണ് ടെക്നോ കാമൺ 16 പ്രീമിയർ സ്മാർട്ട്ഫോൺ പ്രവർത്തിക്കുന്നത്. 6.85 ഇഞ്ച് ഫുൾ എച്ച്ഡി+ (1,080x2,460 പിക്‌സൽ) ഡിസ്‌പ്ലേയാണ് ഡിവൈസിലുള്ളത്. 20.5: 9 അസ്പാക്ട് റേഷിയോ, 480 നിറ്റ്സ് പീക്ക് ബ്രൈറ്റ്നെസ് എന്നിവയും ഈ ഡിസ്പ്ലെയ്ക്ക് ഉണ്ട്. സ്‌ക്രീനിന്റെ മുകളിൽ ഇടത് കോണിലായി ഗുളിക ആകൃതിയിലുള്ള ഹോൾ-പഞ്ച് കട്ട് ഔട്ട് നൽകിയിട്ടുണ്ട്. 2.05 ജിഗാഹെർട്‌സ് മീഡിയടെക് ഹെലിയോ ജി 90 ടി ഒക്ടാ കോർ എസ്ഒസിയാണ് സ്മാർട്ട്ഫോണിന് കരുത്ത് നൽകുന്നത്.

8 ജിബി റാമും 128 ജിബി സ്റ്റോറേജുമുള്ള ടെക്നോ കാമൺ 16 പ്രീമിയർ സ്മാർട്ട്ഫോണിൽ സ്റ്റോറേജ് എക്സ്പാൻഡ് ചെയ്യാനായി മൈക്രോ എസ്ഡി കാർഡ് സ്ലോട്ടും കമ്പനി നൽകിയിട്ടുണ്ട്. 256 ജിബി വരെ സ്റ്റോറേജ് എക്സ്പാൻഡ് ചെയ്യാനുള്ള സംവിധാനമാണ് ഈ മൈക്രോ എസ്ഡി കാർഡ് സ്ലോട്ട് നൽകുന്നത്. 4,500 എംഎഎച്ച് ബാറ്ററിയാണ് ഈ സ്മാർട്ട്ഫോണിന്റെ മറ്റൊരു സവിശേഷത. ഈ ബാറ്ററി വേഗത്തിൽ ചാർജ് ചെയ്യാനായി 18W ഫാസ്റ്റ് ചാർജിങ് സംവിധാനവും നൽകിയിട്ടുണ്ട്.

കൂടുതൽ വായിക്കുക: റെഡ്മി, എംഐ സ്മാർട്ട്ഫോണുകൾക്ക് വമ്പിച്ച ഓഫറുകളുമായി ആമസോൺ ഷവോമി ബിഗ് മെമ്മറി ഡെയ്‌സ് സെയിൽ 2021

 

ടെക്നോ കാമൺ 16 പ്രീമിയർ സ്മാർട്ട്ഫോണിന്റെ പിന്നിൽ ക്വാഡ് റിയർ ക്യാമറ സെറ്റപ്പാണ് നൽകിയിട്ടുള്ളത്. ഇതിൽ എഫ് / 1.89 അപ്പേർച്ചറുള്ള 64 മെഗാപിക്സൽ പ്രൈമറി ക്യാമറ, 8 മെഗാപിക്സൽ അൾട്രാ വൈഡ് ക്യാമറ, 2 മെഗാപിക്സൽ ഡെപ്ത് സെൻസർ, 2 മെഗാപിക്സൽ ലോ ലൈറ്റ് സെൻസർ എന്നിവയാണ് ഉള്ളത്. എഫ് / 2.2 അപ്പേർച്ചറുള്ള 48 മെഗാപിക്സൽ മെയിൻ സെൻസറും 8 മെഗാപിക്സൽ സെക്കൻഡറി ഷൂട്ടറും അടങ്ങുന്ന ഡ്യുവൽ ഫ്രണ്ട് ക്യാമറ സെറ്റപ്പും ഈ സ്മാർട്ട്ഫോണിൽ നൽകിയിട്ടുണ്ട്.

ടെക്നോ കാമൺ 16 പ്രീമിയർ സ്മാർട്ട്ഫോണിലെ കണക്റ്റിവിറ്റി ഓപ്ഷനുകളിൽ ബ്ലൂടൂത്ത് 5., വൈ-ഫൈ 802.11ac, 3.5 എംഎം ഓഡിയോ ജാക്ക്, ജിപിഎസ് എന്നിവയടക്കമുള്ളവ നൽകിയിട്ടുണ്ട്. ഡിവൈസന്റെ വലത് ഭാഗത്തായി ഫിംഗർപ്രിന്റ് സ്കാനറും കമ്പനി നൽകിയിട്ടുണ്ട്. ആക്‌സിലറോമീറ്റർ, ആംബിയന്റ് ലൈറ്റ് സെൻസർ, ഡിസ്റ്റൻസ് റീഡർ, ഇ-കോമ്പസ്, ഗൈറോസ്‌കോപ്പ് എന്നിവയാണ് ഡിവൈസിലുള്ള സെൻസറുകൾ.

കൂടുതൽ വായിക്കുക: കഴിഞ്ഞ ആഴ്ചയിലെ ഏറ്റവും ട്രെൻഡിങ് ആയ സ്മാർട്ട്‌ഫോണുകളുടെ പട്ടികയിൽ ഷവോമി ആധിപത്യം