രണ്ട് സെൽഫി ക്യാമറയുമായി വിവോ എസ്7ടി 5ജി സ്മാർട്ട്ഫോൺ വിപണിയിലെത്തി

| Updated: Thursday, February 4, 2021, 16:26 [IST]

വിവോ എസ്7 സീരീസ് സ്മാർട്ട്ഫോണുകളുടെ നിരയിലേക്ക് വിവോ എസ്7ടി 5ജി ലോഞ്ച് ചെയ്തു. ചൈനീസ് വിപണിയിലാണ് ഈ ഡിവൈസ് ലോഞ്ച് ചെയ്തത്. വിവോ എസ്7ടി സ്മാർട്ട്ഫോൺ ഒരൊറ്റ റാമിലും സ്റ്റോറേജ് കോൺഫിഗറേഷനിലും മാത്രമേ ലഭ്യമാവുകയുള്ളു. രണ്ട് കളർ ഓപ്ഷനുകളിലും ഈ ഡിവൈസ് ലഭ്യമാകും. ഇരട്ട സെൽഫി ക്യാമറ സെറ്റപ്പാണ് ഈ സ്മാർട്ട്ഫോണിലുള്ളത്. വിവോ എസ്7 സ്മാർട്ട്ഫോണിലെ സ്നാപ്ഡ്രാഗൺ 765 ജി എസ്ഒസിക്ക് പകരമായി എസ്7ടി സ്മാർട്ട്ഫോണിൽ മീഡിയടെക് ഡൈമെൻസിറ്റി 820 എസ്ഒസിയാണ് നൽകിയിട്ടുള്ളത്.

വിവോ എസ്7ടി 5ജി: വില

വിവോ എസ്7ടി 5ജി സ്മാർട്ട്ഫോണിൽ ബ്ലാക്ക്, മോനെറ്റ് ഡിഫ്യൂസ് എന്നീ കളർ ഓപ്ഷനുകളിൽ ഈ ഡിവൈസ് ലഭ്യമാണ്. 8 ജിബി റാമും 128 ജിബി സ്റ്റോറേജുമുള്ള ഒറ്റ വേരിയന്റിൽ മാത്രമേ ഈ ഡിവൈസ് ലഭ്യമാവുകയുള്ളു. ഈ ഡിവൈസിന് സിഎൻവൈ 2,698 ആണ് ചൈനയിൽ വില. ഇത് ഇന്ത്യൻ വിപണിയിൽ ഏകദേശം 30,500 രൂപയോളം വരും. വിവോ ചൈന സ്റ്റോറിൽ നിന്ന് ഫോൺ വാങ്ങാൻ ലഭ്യമാണ്. ഈ ഡിവൈസ് എപ്പോൾ ഇന്ത്യ അടക്കമുള്ള വിപണികളിൽ എത്തുമെന്ന കാര്യത്തിൽ ഇതുവരെ വ്യക്തതയില്ല.

കൂടുതൽ വായിക്കുക: മൂന്ന് ആഴ്ചയ്ക്കിടെ വിറ്റഴിച്ചത് 400 കോടി രൂപയുടെ എംഐ 10ഐ 5ജി സ്മാർട്ട്ഫോണുകൾ കൂടുതൽ വായിക്കുക: മൂന്ന് ആഴ്ചയ്ക്കിടെ വിറ്റഴിച്ചത് 400 കോടി രൂപയുടെ എംഐ 10ഐ 5ജി സ്മാർട്ട്ഫോണുകൾ

വിവോ എസ്7ടി 5ജി: സവിശേഷതകൾ

ആൻഡ്രോയിഡ് 11 ബേസ്ഡ് ഒറിജിനോസ് 1.0ൽ പ്രവർത്തിക്കുന്ന വിവോ എസ്7ടി 5ജി സ്മാർട്ട്ഫോണിൽ ഡ്യുവൽ സിം (നാനോ) സപ്പോർട്ട് ചെയ്യുന്നു. 6.44 ഇഞ്ച് ഫുൾ എച്ച്ഡി + (1,080x2,400 പിക്‌സൽ) അമോലെഡ് ഡിസ്‌പ്ലേയാണ് ഡിവൈസിൽ ഉള്ളത്. ഈ ഡിസ്പ്ലെയ്ക്ക് 91.2 ശതമാനം സ്‌ക്രീൻ-ടു-ബോഡി റേഷിയോവും 408 പിപി പിക്‌സൽ ഡെൻസിറ്റിയും ഉണ്ട് . മീഡിയടെക് ഡൈമെൻസിറ്റി 820 എസ്ഒസിയാണ് ഡിവൈസിന് കരുത്ത് നൽകുന്നത്.

വിവോ എസ്7ടി 5ജി സ്മാർട്ട്ഫോണിന്റെ പിന്നിൽ മൂന്ന് ക്യാമറകളാണ് ഉള്ളത്. എഫ് / 1.89 ലെൻസുള്ള 64 മെഗാപിക്സൽ പ്രൈമറി സെൻസർ, എഫ് / 2.2 അൾട്രാ-വൈഡ് ആംഗിൾ ലെൻസുള്ള 8 മെഗാപിക്സൽ സെൻസർ, എഫ് / 2.4 ലെൻസുള്ള 2 മെഗാപിക്സൽ ബ്ലാക്ക് ആൻഡ് വൈറ്റ് സെൻസർ എന്നിവയാണ് പിൻക്യാമറ സെറ്റപ്പിലെ ക്യാമറകൾ. ഡിവൈസിന്റെ മുൻവശത്ത് എഫ് / 2.0 ലെൻസുള്ള 44 മെഗാപിക്സൽ സെൻസറും അൾട്രാ വൈഡ് ആംഗിൾ എഫ് / 2.28 ലെൻസുള്ള 8 മെഗാപിക്സൽ സെൻസറും ഉണ്ട്.

കൂടുതൽ വായിക്കുക: ഓപ്പോ ഫൈൻഡ് എക്സ്3 പ്രോ സ്മാർട്ട്ഫോൺ പുറത്തിറങ്ങുക രണ്ട് 50 എംപി ക്യാമറകളുമായി കൂടുതൽ വായിക്കുക: ഓപ്പോ ഫൈൻഡ് എക്സ്3 പ്രോ സ്മാർട്ട്ഫോൺ പുറത്തിറങ്ങുക രണ്ട് 50 എംപി ക്യാമറകളുമായി

8 ജിബി എൽപിഡിഡിആർ 4 എക്സ് റാമാണ് വിവോ എസ്7ടി 5ജി സ്മാർട്ട്ഫോണിൽ ഉള്ളത്. സ്മാർട്ട്ഫോണിൽ 128 ജിബി യു‌എഫ്‌എസ് 2.1 ഓൺ‌ബോർഡ് സ്റ്റോറേജ് ഉണ്ട്. ഡിവൈസിൽ കണക്റ്റിവിറ്റി ഓപ്ഷനുകളായി ഡ്യുവൽ-ബാൻഡ് വൈ-ഫൈ, 5 ജി, ബ്ലൂടൂത്ത് 5.1, ജിപിഎസ്, ചാർജ്ജുചെയ്യുന്നതിനുള്ള യുഎസ്ബി ടൈപ്പ്-സി പോർട്ട് എന്നിവ നൽകിയിട്ടുണ്ട്.

ഇൻ-ഡിസ്പ്ലേ ഫിംഗർപ്രിന്റ് സ്കാനറാണ് സുരക്ഷയ്ക്കായി വിവോ എസ്7ടി 5ജി സ്മാർട്ട്ഫോണിൽ നൽകിയിട്ടുള്ളത്. ഡിവൈസിൽ ഉണ്ട്. ഓൺ‌ബോർഡിലെ സെൻസറുകളായി ഗ്രാവിറ്റി സെൻസർ, ആംബിയന്റ് ലൈറ്റ് സെൻസർ, പ്രോക്‌സിമിറ്റി സെൻസർ, ഗൈറോസ്‌കോപ്പ്, ഇ-കോമ്പസ് എന്നിവ നൽകിയിട്ടുണ്ട്. 33W ഫാസ്റ്റ് ചാർജിങ് സപ്പോർട്ട് ചെയ്യുന്ന 4,000 എംഎഎച്ച് ബാറ്ററിയാണ് ഡിവൈസിൽ ഉള്ളത്.

കൂടുതൽ വായിക്കുക: കിടിലൻ ക്യാമറകളുള്ള വിവോയുടെ വില കുറഞ്ഞ സ്മാർട്ട്ഫോണുകൾ കൂടുതൽ വായിക്കുക: കിടിലൻ ക്യാമറകളുള്ള വിവോയുടെ വില കുറഞ്ഞ സ്മാർട്ട്ഫോണുകൾ