ലോഞ്ച് ഓഫറും ആകർഷകമായ സവിശേഷതകളുമായി വിവോ വി17 പ്രോ വിപണിയിലെത്തി

ലോഞ്ച് ഓഫറുകൾ

ലോഞ്ച് ഓഫറിന് കീഴിൽ, ഐസിഐസിഐ ബാങ്ക്, എച്ച്ഡിഎഫ്സി ക്രെഡിറ്റ് കാർഡ് ഇടപാടുകൾ, എച്ച്ഡിഎഫ്സി കസ്റ്റമർ ലോൺ ഇഎംഐ ട്രാൻസാക്ഷൻ എന്നിവയിൽ കമ്പനി 10 ശതമാനം ഇൻസ്റ്റൻറ് ക്യാഷ്ബാക്ക് വാഗ്ദാനം ചെയ്യുന്നു. ഒക്ടോബർ 8 ന് മുമ്പ് സ്മാർട്ട്ഫോൺ വാങ്ങുന്ന എല്ലാവർക്കും ഒറ്റത്തവണ സൌജന്യ സ്ക്രീൻ റിപ്ലൈസ്മെൻറും വിവോ വാഗ്ദാനം ചെയ്യുന്നു. വിവോ-കാഷിഫൈ ആപ്പ് വഴി പഴയ ഫോൺ കൈമാറ്റം ചെയ്താൽ 2,000 രൂപ വരെയുള്ള സമ്മാനങ്ങളും ഉപഭോക്താക്കൾക്ക് ലഭിക്കും.

വോഡഫോൺ ഐഡിയ ഉപഭോക്താക്കൾക്ക് ഓഫർ

വോഡഫോൺ ഐഡിയ ഉപഭോക്താക്കൾക്ക് ഫോൺ വാങ്ങുമ്പോൾ 50 ശതമാനം ബയ്ബാക്ക് വാല്യുവും ലഭിക്കും. ഈ ഓഫർ ലഭിക്കുന്നതിന്, ഉപയോക്താക്കൾ ഒരുവർഷത്തിൽ കുറഞ്ഞത് 199 രൂപയുടെ 10 പേയ്മെൻറുകൾ പൂർത്തിയാക്കേണ്ടതുണ്ട്. പോസ്റ്റ്പെയ്ഡ് ഐഡിയ വോഡാഫോൺ ഉപഭോക്താക്കൾ ഒരുവർഷത്തിൽ 499 രൂപയുടെ പ്ലാൻ പൂർത്തിയാക്കേണ്ടതുണ്ട്.

വിവോ വി17 പ്രോയുടെ ഡിസ്പ്ലെയും സ്റ്റോറേജും

1080x2400 പിക്‌സൽ റെസല്യൂഷനും 20: 9 ആസ്പാക്ട് റേഷിയോ ഉള്ള 6.44 ഇഞ്ച് ഫുൾ എച്ച്ഡി + സൂപ്പർ അമോലെഡ് ഡിസ്‌പ്ലേയാണ് വിവോ വി17 പ്രോ സ്മാർട്ട്‌ഫോണിൽ നൽകിയിരിക്കുന്നത്. 8 ജിബി റാമും 128 ജിബി സ്റ്റോറേജുമുള്ള ക്വാൽകോം സ്‌നാപ്ഡ്രാഗൺ 675 സോസി ക്ലബ്ബാണ് സ്മാർട്ട്‌ഫോണിന്റെ കരുത്ത്.

ബാറ്ററിയും സോഫ്റ്റ്വെയറും

18W ഡ്യുവൽ എഞ്ചിൻ ഫാസ്റ്റ് ചാർജിംഗ് ടെക്നോളജി സപ്പോർട്ടോടുകൂടിയ 4,100 mAh ബാറ്ററിയാണ് വിവോ വി17 പ്രോയിൽ നൽകിയിരിക്കുന്നത്. മികച്ച ബാറ്ററിലൈഫും ചാർജ്ജിങ് സ്പീഡുമാണ് ഇതിലൂടെ ലഭിക്കുന്നത്. സോഫ്റ്റ് വെയർ പരിശോധിക്കുകയാണെങ്കിൽ സ്മാർട്ട്ഫോൺ ആൻഡ്രോയിഡ് 9 പൈ ഫൺടച്ച് ഒ.എസ് 9.1 ലാണ് പ്രവർത്തിക്കുന്നത്.

വിവോ വി17 പ്രോ ക്യാമറ

വിവോ വി17 പ്രോയുടെ ക്യാമറകൾ മികച്ച ക്വാളിറ്റിയിലുള്ളവ തന്നെയാണ്. ക്വാഡ് ക്യാമറ സെറ്റപ്പിൽ 48 എംപി സോണി IMX582 സെൻസർ + 13 എംപി ടെലിഫോട്ടോ സെൻസർ + 8 എംപി സെൻസർ, അൾട്രാ വൈഡ് ആംഗിൾ ലെൻസ് + 2 എംപി ഡെപ്ത് സെൻസർ എന്നിവയ്ക്കൊപ്പം എൽഇഡി ഫ്ലാഷും നൽകിയിരിക്കുന്നു. മുൻവശത്ത് ഇരട്ടപോപ്പ് അപ്പ് ക്യാമറയാണ് സജ്ജീകരിച്ചിരിക്കുന്നത്. 32 എംപി സെൻസർ + 8 എംപി 105-ഡിഗ്രി സൂപ്പർ വൈഡ് ആംഗിൾ ലെൻസ് എന്നിവയടങ്ങുന്നതാണ് മുൻക്യാമറകൾ