ട്രിപ്പിൾ ക്യാമറകളുമായി വിവോ വി 21 5 ജി ഇന്ന് ഇന്ത്യയിൽ ഉച്ചയ്ക്ക് 12:00 മണിക്ക് അവതരിപ്പിക്കും

വിവോ വി 21 5 ജി സ്മാർട്ഫോണിന് ഇന്ത്യയിൽ പ്രതീക്ഷിക്കുന്ന വില

വിവോ വി 21 5 ജി സ്മാർട്ഫോണിന് ഇന്ത്യയിൽ എന്ത് വില വരുമെന്ന കാര്യം ഇതുവരെ പ്രഖ്യാപിച്ചിട്ടില്ല. മലേഷ്യയിൽ, 8 ജിബി റാം + 128 ജിബി സ്റ്റോറേജ് വേരിയന്റിന് ആർ‌എം 1,599 (ഏകദേശം 29,999 രൂപ) വില നൽകിയിരിക്കുന്നു. ഇന്ത്യയിലും ഈ സ്മാർട്ഫോണിൻറെ ഒരു വേരിയന്റ് മാത്രമേ ലഭ്യമാകുകയുള്ളു. അവതരിപ്പിച്ച് കഴിഞ്ഞാൽ വിവോ വി 21 5 ജി ഫ്ലിപ്പ്കാർട്ടിൽ മാത്രമായി വിൽപ്പനയ്‌ക്കെത്തുന്നതാണ്.

വിവോ വി 21 5 ജി സവിശേഷതകൾ

ഈ സ്മാർട്ഫോണിൻറെ ഗ്ലോബൽ വേരിയന്റ് ഇന്ത്യയിൽ വരുവാൻ പോകുന്ന വേരിയന്റിന് തുല്യമാകുമെന്ന് പറയുന്നു. വിവോ വി 21 5 ജിയിൽ 6.44 ഇഞ്ച് അമോലെഡ് ഡിസ്‌പ്ലേ, ഫുൾ എച്ച്ഡി + റെസല്യൂഷൻ, 90 ഹെർട്സ് സ്‌ക്രീൻ റിഫ്രഷ് റേറ്റ്, പഞ്ച്-ഹോൾ ഡിസ്‌പ്ലേ എന്നിവയുണ്ട്. 8 ജിബി റാമും 128 ജിബി ഇന്റേണൽ സ്റ്റോറേജുമായി ജോടിയാക്കിയ മീഡിയടെക് ഡൈമെൻസിറ്റി 800 യു ചിപ്‌സെറ്റാണ് സ്മാർട്ട്ഫോണിന് കരുത്തേകുന്നത്. ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിലാണ് വിവോ വി 21 5 ജി പ്രവർത്തിക്കുന്നത്.

വിവോ വി 21 5 ജി സ്മാർട്ഫോണിൻറെ ക്യാമറ സവിശേഷതകൾ

വിവോ വി 21 5 ജിയിൽ പിന്നിൽ മൂന്ന് ക്യാമറകളാണ് ഉൾപ്പെടുന്നത്. അതിൽ ഒ‌ഐ‌എസിനൊപ്പം 64 മെഗാപിക്സൽ പ്രൈമറി സെൻസർ, 8 മെഗാപിക്സൽ റെസല്യൂഷനുള്ള അൾട്രാവൈഡ് യൂണിറ്റ്, 2 മെഗാപിക്സൽ മാക്രോ ലെൻസ് എന്നിവ ഉൾപ്പെടുന്നു. മുൻവശത്ത്, 44 മെഗാപിക്സൽ ക്യാമറ സെൻസറും നൽകിയിട്ടുണ്ട്. 33,000 ചാർജിംഗുള്ള 4,000 എംഎഎച്ച് ബാറ്ററിയാണ് ഇതിലുള്ളത്. വെറും 30 മിനിറ്റ് സമയം കൊണ്ട് ഈ സ്മാർട്ട്ഫോൺ പൂജ്യത്തിൽ നിന്ന് 63 ശതമാനമായി ചാർജ് ചെയ്യാൻ കഴിയുമെന്ന് കമ്പനി അവകാശപ്പെടുന്നു.