ജിംബൽ ക്യാമറയുമായി വിവോ എക്സ്51 5ജി അവതരിപ്പിച്ചു: വില, സവിശേഷതകൾ

വിവോ എക്സ്51 5ജി: വില

വിവോ എക്സ്51 5ജി യുകെയിൽ ഒറ്റ വേരിയന്റിൽ മാത്രമാണ് ലഭ്യമാവുക. 8 ജിബി റാമും 256 ജിബി സ്റ്റോറേജുമുള്ള ഈ മോഡലിന് 749 പൌണ്ടാണ് വില. ഇത് ഇന്ത്യൻ കറൻസിയിൽ ഏകദേശം 71,900 രൂപയോളം വരും. ആൽഫ ഗ്രേ നിറത്തിൽ മാത്രമേ നിലവിൽ വിവോ ഈ ഡിവൈസ് ലഭ്യമാക്കിയിട്ടുള്ളു. ഒക്ടോബർ 29 മുതൽ ഈ സ്മാർട്ട്ഫോണിന്റെ വിൽപ്പന ആരംഭിക്കും. ഫ്രാൻസ്, ജർമ്മനി, ഇറ്റലി, പോളണ്ട്, സ്‌പെയിൻ എന്നിവയുൾപ്പെടെ യൂറോപ്യൻ രാജ്യങ്ങളിലും ഫോൺ ലഭ്യമാകും.

വിവോ എക്സ്51 5ജി: സവിശേഷതകൾ

യുകെ സൈറ്റിൽ ലിസ്റ്റ് ചെയ്തിരിക്കുന്നത് അനുസരിച്ച് വിവോ എക്സ്51 5ജി സ്മാർട്ട്ഫോണിന് കരുത്ത് നൽകുന്നത് സ്നാപ്ഡ്രാഗൺ 765ജി എസ്ഒസി ആണ്. 8 ജിബി റാമും 256 ജിബി ഓൺബോർഡ് സ്റ്റോറേജുമുള്ള ഈ സ്മാർട്ട്ഫോണിൽ 6.56 ഇഞ്ച് ഫുൾ-എച്ച്ഡി + (2,376x1,080 പിക്‌സൽ) അമോലെഡ് ഡിസ്‌പ്ലേയാണ് വിവോ നൽകിയിട്ടുള്ളത്. ഈ ഡിസ്പ്ലെയ്ക്ക് 90 ഹെർട്സ് റിഫ്രഷ് റേറ്റാണ് ഉള്ളത്.

വിവോ എക്സ്51 5ജി സ്മാർട്ട്ഫോണിൽ ക്വാഡ് റിയർ ക്യാമറ സെറ്റപ്പാണ് ഉള്ളത്. ഈ ക്യാമറ സെറ്റപ്പിൽ എഫ് / 1.6 അപ്പേർച്ചറുള്ള 48 മെഗാപിക്സൽ പ്രൈമറി ഷൂട്ടർ, എഫ് / 2.46 അപ്പേർച്ചറുള്ള 13 മെഗാപിക്സൽ സെൻസർ, 8 മെഗാപിക്സൽ അൾട്രാ വൈഡ് ആംഗിൾ ക്യാമറ, 8 മെഗാപിക്സൽ സൂം സെൻസർ എന്നിവയും നൽകിയിട്ടുണ്ട്. വീഡിയോകൾ എടുക്കുമ്പോൾ ഉണ്ടാകുന്ന ഷേക്ക് ഒഴിവാക്കാനായി ക്യാമറ സെറ്റപ്പിൽ തന്നെ ജിംബൽ ഇമേജ് സ്റ്റബിലൈസേഷൻ സിസ്റ്റവും പ്രൈമറി സെൻസറിൽ ഉണ്ട്.

സെൽഫികൾക്കും വീഡിയോ കോളുകൾക്കുമായി ഡിവൈസിന്റെ മുൻവശത്ത് ഹോൾ-പഞ്ച് കട്ടൗട്ടിനുള്ളിൽ 32 മെഗാപിക്സൽ ക്യാമറയാണ് വിവോ എക്സ്51 5ജിയിൽ നൽകിയിട്ടുള്ളത്. 33W ഫാസ്റ്റ് ചാർജിങ് സപ്പോർട്ടുള്ള 4,315mAh ബാറ്ററിയാണ് സ്മാർട്ട്‌ഫോണിന്റെ മറ്റൊരു സവിശേഷത.ഫോണിൽ കണക്റ്റിവിറ്റി ഓപ്ഷനുകളായി വൈ-ഫൈ 2.4 ജി, 5 ജി വൈ-ഫൈ മിമോ, ബ്ലൂടൂത്ത് 5.1, ജിപിഎസ്, ഒടിജി, എൻ‌എഫ്‌സി, യുഎസ്ബി 2.0 എന്നിവയും നൽകിയിട്ടുണ്ട്.

വിവോ എക്സ്51 5ജി സ്മാർട്ട്ഫോണിൽ ഫിഗർപ്രിന്റ് സ്കാനർ നൽകിയിട്ടുണ്ട്. 181.5 ഗ്രാം ആണ് ഈ ഡിവൈസിന്റെ ഭാരം. ഡിവൈസിന്റെ ക്യാമറ സവിശേഷതകൾ മുതൽ ഭാരം വരെ വിവോ എക്സ് 50 പ്രോ സ്മാർട്ട്ഫോണിന് സമാനമാണ് എന്നത് ശ്രദ്ധേയമാണ്. 49,990 രൂപയാണ് ഈ ഡിവൈസിന്റെ ഇന്ത്യയിലെ വില. ജൂലൈ മുതൽ ഈ ഡിവൈസ് ഇന്ത്യയിൽ ഓപ്പൺ സെയിലിന് ലഭ്യമാണ്. വിവോ വൈ70, വൈ20എസ്, വൈ11എസ് എന്നീ മൂന്ന് വില കുറഞ്ഞ ഡിവൈസുകളും വിവോ യൂറോപ്യൻ വിപണിയിൽ അവതരിപ്പിക്കാൻ ഒരുങ്ങുന്നുവെന്നും റിപ്പോർട്ടുകളുണ്ട്.