സ്മാർട്ട്ഫോൺ വിപണിയെ ഞെട്ടിച്ച വിവോയുടെ ഈ കിടിലൻ ഫോൺ നാളെ മുതൽ വാങ്ങാം

വിവോ എക്സ്70 പ്രോ+: ഇന്ത്യയിലെ വിലയും ഓഫറുകളും

വിവോ എക്സ്70 പ്രോ+ സ്മാർട്ട്ഫോണിന്റെ 12 ജിബി റാമും 256 ജിബി സ്റ്റോറേജുമുള്ള മോഡലിന് 79,990 രൂപയാണ് വില. എനിഗ്മ ബ്ലാക്ക് കളർ ഓപ്ഷനിലാണ് ഈ ഫോൺ അവതരിപ്പിച്ചിരിക്കുന്നത്. മറ്റ് കളർ വേരിയന്റുകളൊന്നും തന്നെ ലഭ്യമല്ല. ഒക്ടോബർ 12 മുതൽ ഫ്ലിപ്പ്കാർട്ട്, വിവോയുടെ ഔദ്യോഗിക വെബ്‌സൈറ്റ് എന്നിവ വഴി ഈ സ്മാർട്ട്ഫോൺ സ്വന്തമാക്കാം, വിവോ എക്സ്70 പ്രോ+ ഫോണിന് ലോഞ്ച് ഓഫറുകളും ഉണ്ട്. ഐസിഐസിഐ, ആക്സിസ് ബാങ്ക് ക്രെഡിറ്റ് കാർഡുകൾ ഉപയോഗിച്ച് ഈ സ്മാർട്ട്ഫോൺ വാങ്ങുന്ന ആളുകൾക്ക് 3,000 രൂപ ഇൻസ്റ്റന്റ് ഡിസ്കൌണ്ട് ലഭിക്കും. ഐസിഐസിഐ, ആക്സിസ് ബാങ്കുകളുടെ ഡെബിറ്റ് കാർഡുകൾക്ക് 4,000 രൂപ കിഴിവാണ് ലഭിക്കുന്നത്.

വിവോ എക്സ്70 പ്രോ+: സവിശേഷതകൾ

വിവോ എക്സ്70 പ്രോ+ സ്മാർട്ട്ഫോണിൽ 6.78 ഇഞ്ച് ഡബ്ല്യു ക്യുഎച്ച്ഡി+ (1440 x 3200 പിക്സൽ) ഇ5 അമോലെഡ് ഡിസ്പ്ലേയാണ് നൽകിയിട്ടുള്ളത്. 120 ഹെർട്സ് റിഫ്രഷ് റേറ്റ്, 1500 നീറ്റ്സ് പീക്ക് ബ്രൈറ്റ്നസ്, എച്ച്ഡിആർ 10+ സപ്പോർട്ട് എന്നിവയുള്ള മികച്ച ഡിസ്പ്ലെയാണ് ഇത്. ഫോണിൽ12 ജിബി റാമും 256 ജിബി ഓൺബോർഡ് സ്റ്റോറേജുമാണ് ഉള്ളത്. ഇതിനൊപ്പം ഡിവൈസിന് കരുത്ത് നൽകുന്നത് ഏറ്റവും പുതിയ ക്വാൽകോം സ്‌നാപ്ഡ്രാഗൺ 888+ എസ്ഒസിയാണ്. ഇതിനൊപ്പം അഡ്രിനോ 660 ജിപിയുവും വിവോ ഈ ഫ്ലാഗ്ഷിപ്പ് സ്മാർട്ട്ഫോണിൽ നൽകിയിട്ടുണ്ട്.

വിവോ എക്സ്70 പ്രോ+ സ്മാർട്ട്ഫോണിൽ നാല് പിൻക്യാമറകളാണ് ഉള്ളത്. എഫ്/ 1.6 അപ്പർച്ചറുള്ള വൈഡ് ആംഗിൾ ലെൻസും ഒഐഎസ് സപ്പോർട്ടും ലേസർ എഫും ഉള്ള 50 എംപി പ്രൈമറി സെൻസറാണ് ഈ ഡിവൈസിന്റെ ഏറ്റവും വലിയ സവിശേഷത. ഇതിനൊപ്പം എഫ്/2.2 അൾട്രാ വൈഡ് ലെൻസ് ഉള്ള 48 എംപി സെൻസറും നൽകിയിട്ടുണ്ട്. 12 എംപി പോർട്രെയിറ്റ് സെൻസർ, 8 എംപി പെരിസ്കോപ്പ് ലെൻസ് എന്നിവയാണ് മറ്റ് ക്യാമറകൾ. ജിംബൽ സപ്പോർട്ട്, ഒഐഎസ് സപ്പോർട്ട് എന്നിവയും ഈ ക്വാഡ് റിയർ ക്യാമറ സെറ്റപ്പിൽ വിവോ നൽകിയിട്ടുണ്ട്.

വിവോ എക്സ്70 പ്രോ+ സ്മാർട്ട്ഫോണിൽ 32 എംപി സെൽഫി ക്യാമറ സെൻസറാണ് ഉള്ളത്. എഫ്/2.5 അപ്പർച്ചറുള്ള 26 എംഎം വൈഡ് ലൈൻസാണ് സെൽഫി ക്യാമറയിൽ ഉപയോഗിച്ചിരിക്കുന്നത്. ഈ ക്യാമറയ്ക്ക് 30എഫ്പിഎസിൽ 4കെ വീഡിയോകൾ ഷൂട്ട് ചെയ്യാൻ സാധിക്കും. ഫോണിൽ 4,500 എംഎഎച്ച് ബാറ്ററിയുണ്ട്. ഈ ബാറ്ററി വേഗത്തിൽ ചാർജ് ചെയ്യാനായി 55W വയർഡ് ഫ്ലാഷ് ചാർജ് ഫാസ്റ്റ് ചാർജിങ് സംവിധാനവും 50W വയർലെസ് ഫ്ലാഷ് ചാർജ് ഫാസ്റ്റ് വയർലെസ് ചാർജിങ് സപ്പോർട്ടും വിവോ നൽകിയിട്ടുണ്ട്. ഇൻ-ഡിസ്പ്ലേ ഫിംഗർപ്രിന്റ് സെൻസറും ഐപി68 റേറ്റിങും ഡിവൈസിൽ ഉണ്ട്. ആൻഡ്രോയിഡ് 11 ബേസ്ഡ് ഫൺടച്ച് ഒഎസ് 12ലാണ് ഡിവൈസ് പ്രവർത്തിക്കുന്നത്.

വിവോ എക്സ്70 പ്രോ+: ഈ ഫോൺ വാങ്ങണോ

ശക്തമായ ചിപ്പ്, ഫാസ്റ്റ് ചാർജിങ്, ഇ5 അമോലെഡ് ഡിസ്പ്ലേ തുടങ്ങി എല്ലാ പ്രീമിയം സവിശേഷതകളും വിവോ എക്സ്70 പ്രോ+ സ്മാർട്ട്ഫോണിൽ ഉണ്ട്. ഈ ഫോണിന്റെ പ്രധാന സവിശേഷത അതിന്റെ ക്യാമറയാണ്. ഒരു പ്രൊഫഷണൽ ഫോട്ടോഗ്രാഫറെ സംബന്ധിച്ചിടത്തോളം ഈ സ്മാർട്ട്ഫോൺ മികച്ച ചോയിസ് തന്നെയായിരിക്കും. നിങ്ങൾക്ക് ഈ വില വിഭാഗത്തിൽ ഐഫോൺ 12 സീരീസോ ഐഫോൺ 13 സീരിസിലെ ഡിവൈസുകളോ സ്വന്തമാക്കാനും സാധിക്കും.