വിവോ Y30 സ്മാർട്ട്ഫോണിന് ഇന്ത്യയിൽ വില കുറച്ചു; പുതുക്കിയ വിലയും സവിശേഷതകളും

പിന്നിൽ നാല് ക്യാമറകളുമായിട്ടാണ് വിവോ Y30 സ്മാർട്ട്ഫോൺ വരുന്നത്. ഹോൾ-പഞ്ച് ഡിസൈനും ഡിവൈസിനുണ്ട്. പിന്നിൽ സുരക്ഷയ്ക്കായി ഫിങ്കർപ്രിന്റ് സെൻസറും കമ്പനി നൽകിയിട്ടുണ്ട്. വിവോ Y30 സ്മാർട്ട്ഫോണിന് ഇപ്പോൾ 13,990 രൂപയാണ് വില. ഈ ഡിവൈസ് ലോഞ്ച് ചെയ്തത് 14,990 രൂപ വിലയുമായിട്ടായിരുന്നു. മുകളിൽ സൂചിപ്പിച്ചത് പോലെ പുതിയ വില വിവോ ഇന്ത്യ വെബ്‌സൈറ്റിലും ആമസോണിലും കാണിക്കുന്നുണ്ട്. ഫ്ലിപ്പ്കാർട്ടിൽ ഇതുവരെ പുതിയ വില അപ്ഡേറ്റ് ചെയ്തിട്ടില്ല.

വിവോ ഇന്ത്യ ഓൺലൈൻ സ്റ്റോറിലൂടെ ഈ സ്മാർട്ട്ഫോൺ വാങ്ങാനായി ഐസിഐസിഐ ക്രെഡിറ്റ് കാർഡ് ഇഎംഐ ഉപയോഗിക്കുന്നവർക്ക് 10 ശതമാനം ക്യാഷ്ബാക്ക് ലഭിക്കും. കൊട്ടക് മഹീന്ദ്ര ബാങ്ക് ക്രെഡിറ്റ് കാർഡ്, ക്രെഡിറ്റ് കാർഡ് ഇഎംഐ എന്നിവയിൽ 10 ശതമാനം വരെ ക്യാഷ്ബാക്കും ഉപയോക്താക്കൾക്ക് ലഭിക്കും. മറ്റ് ബാങ്ക് കാർഡുകൾ ഉപയോഗിച്ച് 12 മാസം വരെയുള്ള ഇഎംഐ ഓപ്ഷനുകളും ഡിവൈസിനായി ലഭ്യമാക്കിയിട്ടുണ്ട്.

വിവോ Y30: സവിശേഷതകൾ

രണ്ട് നാനോ സിംകാർഡ് സ്ലോട്ടാണ് വിവോ Y30 സ്മാർട്ട്ഫോണിൽ ഉള്ളത്. ഈ ഡിവൈസ് ആൻഡ്രോയിഡ് 10 ബേസ്ഡ് ഫൺടച്ച് ഒഎസിലാണ് പ്രവർത്തിക്കുന്നത്. 6.47 ഇഞ്ച് എച്ച്ഡി + (720x1,560 പിക്‌സൽ) എൽസിഡി ഡിസ്‌പ്ലേയാണ് ഡിവൈസിൽ വിവോ നൽകിയിട്ടുള്ളത്. 4 ജിബി റാമുമായി ജോടിയാക്കിയ ഒക്ടാകോർ മീഡിയടെക് ഹെലിയോ പി 35 എസ്ഒസിയാണ് വിവോ Y30 സ്മാർട്ട്ഫോണിന് കരുത്ത് നൽകുന്നത്.

വിവോ Y30 സ്മാർട്ട്ഫോൺ ക്വാഡ് റിയർ ക്യാമറ സെറ്റപ്പുമായിട്ടാണ് വരുന്നത്. ഈ ക്യാമറ സെറ്റപ്പിൽ എഫ് / 2.2 ലെൻസുള്ള 13 മെഗാപിക്സൽ പ്രൈമറി സെൻസർ, എഫ് / 2.2 അൾട്രാ വൈഡ് ആംഗിൾ ലെൻസുള്ള , എഫ് / 2.4 ലെൻസുള്ള 8 മെഗാപിക്സൽ സെക്കൻഡറി സെൻസർ, എഫ് / 2.4 അപ്പേർച്ചറുള്ള 2 മെഗാപിക്സൽ ഡെപ്ത് സെൻസർ,എഫ് / 2.4 അപ്പേർച്ചറുള്ള 2 മെഗാപിക്സൽ ഷൂട്ടർ എന്നിവയാണ് ഉള്ളത്. സെൽഫികൾക്കായി ഡിവൈസിന്റെ മുൻവശത്ത് എഫ് / 2.05 അപ്പേർച്ചറുള്ള 8 മെഗാപിക്സൽ ക്യാമറ സെൻസറാണ് ഉള്ളത്.

128 ജിബി ഇന്റേണൽ സ്റ്റോറേജുള്ള വിവോ Y30 സ്മാർട്ട്ഫോണിൽ മൈക്രോ എസ്ഡി കാർഡ് സ്ലോട്ട് വഴി 256 ജിബി വരെ സ്റ്റോറേജ് എക്സ്പാൻഡ് ചെയ്യാനുള്ള സംവിധാനവും ഉണ്ട്. 4 ജി എൽടിഇ, വൈഫൈ, ബ്ലൂടൂത്ത് 5.0, ജിപിഎസ് / എ-ജിപിഎസ്, എഫ്എം റേഡിയോ, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നിവയാണ് ഡിവൈസിലെ കണക്ടിവിറ്റി ഓപ്ഷനുകൾ. 5,000 എംഎഎച്ച് ബാറ്ററിയാണ് ഫോണിനുള്ളത്.