വിവോ Y30, Y50 സ്മാർട്ട്ഫോണുകൾ ഉടൻ ഇന്ത്യയിലെത്തും; പ്രതീക്ഷിക്കുന്ന വിലയും സവിശേഷതകളും

വിവോ Y30, വിവോ Y50: ലോഞ്ചും ലഭ്യതയും

വിവോ വൈ30 ഈ മാസം തന്നെ ഇന്ത്യയിൽ വിപണിയിൽ അവതരിപ്പിക്കുമെന്ന് റിപ്പോർട്ടുകളുണ്ട്. വിവോ വൈ50 സ്മാർട്ട്ഫോണും അതേ ദിവസം തന്നെ ലോഞ്ച് ചെയ്യുമെന്ന് 91 മൊബൈൽസ് റിപ്പോർട്ട് ചെയ്യുന്നു. ഇതുവരെയായി ലോഞ്ച് തിയ്യതി തീരുമാനിച്ചിട്ടില്ലെന്നും റിപ്പോർട്ട് സൂചിപ്പിക്കുന്നു. Y50, Y30 എന്നിവയുടെ വില എത്രയായിരിക്കുമെന്നതിനെ കുറിച്ചുള്ള ഏകദേശ ധാരണയും റിപ്പോർട്ട് വെളിപ്പെടുത്തുന്നുണ്ട്.

കൂടുതൽ വായിക്കുക: വിവോ എക്സ് 50 സീരീസ് ഉടൻ ഇന്ത്യയിലെത്തും; സവിശേഷതകൾ

വിവോ വൈ50 8 ജിബി റാമും 128 ജിബി സ്റ്റോറേജ് ഓപ്ഷനുമുള്ള വേരിയന്റിന് ഇന്ത്യയിൽ 17,990 രൂപയായിരിക്കും വില എന്നാണ് റിപ്പോർട്ട്. വിവോ വൈ30 സ്മാർട്ട്ഫോണിന് ഏകദേശം 15,000 രൂപയായിരിക്കും ഇന്ത്യൻ വിപണിയിലെ വില. വൈ 30 സ്മാർട്ട്ഫോൺ 4 ജിബി റാം, 128 ജിബി സ്റ്റോറേജ് കോൺഫിഗറേഷന്റെ വിലയാണ് ഇത്. മറ്റ് വേരിയന്റുകൾ പുറത്തിറങ്ങുന്നുണ്ടെങ്കിൽ അവയുടെ വില വ്യത്യാസപ്പെട്ടേക്കും.

വിവോ Y30, വിവോ Y50: സവിശേഷതകൾ

വിവോ വൈ 30 സ്മാർട്ട്ഫോണിൽ എച്ച്ഡി+ റെസല്യൂഷനുള്ള 6.47 ഇഞ്ച് എച്ച്ഡി+ അൾട്രാ-ഒ ഡിസ്‌പ്ലേയാണ് നൽകിയിട്ടുള്ളത്. 13 എംപി പ്രൈമറി ലെൻസും 8 എംപി വൈഡ് ആംഗിൾ സെൻസറും 2 എംപി ഡെപ്ത് സെൻസറും 2 എംപി മാക്രോ സെൻസറും അടങ്ങുന്ന ക്വാഡ്-റിയർ ക്യാമറ മൊഡ്യൂളാണ് ഈ സ്മാർട്ട്ഫോണിന്റെ പ്രധാന ആകർഷണം.

കൂടുതൽ വായിക്കുക: സാംസങ് ഗാലക്‌സി M01, ഗാലക്‌സി M11 സ്മാർട്ട്ഫോണുകൾ ഇന്ത്യയിൽ അവതരിപ്പിച്ചു; വിലയും സവിശേഷതകളും

സെൽഫികൾക്കും വീഡിയോ കോളുകൾക്കുമായി വിവോ വൈ 30 സ്മാർട്ട്ഫോണിൽ 8 എംപി ക്യാമറയാണ് നൽകിയിട്ടുള്ളത്. മീഡിയടെക് ഹീലിയോ പി 35 SoC യുടെ കരുത്തിലാണ് ഡിവൈസ് പ്രവർത്തിക്കുന്നത്. ആൻഡ്രോയിഡ് 10 OS- ൽ പ്രവർത്തിക്കുന്ന ഡിവൈസിൽ 5,000 എംഎഎച്ച് ബാറ്ററിയാണ് നൽകിയിട്ടുള്ളത്. ഇത് മികച്ച ബാറ്ററി ബാക്ക് അപ്പ് നൽകുന്ന ഡിവൈസ് ആയിരിക്കുമെന്ന് ഉറപ്പാണ്.

വിവോ വൈ 50, വൈ 30 നെക്കാൾ മികച്ച ഹാർഡ്‌വെയറുമായിട്ടാണ് പുറത്തിറങ്ങുക. 6.53 ഇഞ്ച് എഫ്എച്ച്ഡി+ അൾട്രാ-ഒ ഡിസ്പ്ലേയാണ് ഈ സ്മാർട്ടഫോണിൽ ഉള്ളത്. Y30 സ്മാർട്ട്ഫോണിന് സമാനമായ സെൻസറുകൾ അടങ്ങുന്ന ക്വാഡ് ക്യാമറ സെറ്റപ്പാണ് ഈ ഡിവൈസിലും ഉള്ളത്. ക്വാൽകോം സ്‌നാപ്ഡ്രാഗൺ 665 പ്രോസസറിന്റെ കരുത്തിൽ പ്രവർത്തിക്കുന്ന ഡിവൈസിൽ 8 ജിബി റാമും 128 ജിബി സ്റ്റോറേജും ഉണ്ടായിരിക്കും. 5,000 എംഎഎച്ച് ബാറ്ററി യൂണിറ്റും ഈ സ്മാർട്ട്ഫോണിൽ വിവോ നൽകും.

കൂടുതൽ വായിക്കുക: ഷവോമി റെഡ്മി 9, റെഡ്മി 9A, റെഡ്മി 9C സ്മാർട്ട്ഫോണുകളുടെ സവിശേഷതകൾ ചോർന്നു