വിവോ വൈ50, വിവോ എസ്1 പ്രോ സ്മാർട്ട്ഫോണുകളുടെ വില കുറച്ചു

വിവോ വൈ50: പുതുക്കിയ വില

വിവോ വൈ50 സ്മാർട്ട്ഫോൺ ജൂൺ മാസത്തിലാണ് ഇന്ത്യയിൽ അവതരിപ്പിച്ചത്. ഈ ഡിവൈസ് ഒറ്റ വേരിയന്റിൽ മാത്രമാണ് ലഭ്യമാവുക. 8 ജിബി റാമും 128 ജിബി സ്റ്റോറേജിന് ഇപ്പോൾ 16,990 രൂപയാണ് വില. ലോഞ്ച് ചെയ്തപ്പോൾ ഈ ഡിവൈസിന്റെ വില 17,990 രൂപയായിരുന്നു, 1,000 രൂപയാണ് കമ്പനി ഇപ്പോൾ കുറച്ചിരിക്കുന്നത്. ഐറിസ് ബ്ലൂ, പേൾ വൈറ്റ് കളർ ഓപ്ഷനുകളിൽ ഈ ഡിവൈസ് ലഭ്യമാണ്. ഈ രണ്ട് കളർ ഓപ്ഷനുകളും ആമസോൺ, ഫ്ലിപ്കാർട്ട്, വിവോ ഓൺലൈൻ സ്റ്റോർ, ഓഫ്‌ലൈൻ സ്റ്റോറുകൾ എന്നിവയിൽ ലഭ്യമാണ്.

വിവോ എസ്1 പ്രോ: പുതുക്കിയ വില

വിവോ എസ്1 പ്രോ സ്മാർട്ട്ഫോണും ഒറ്റ വേരിയന്റിലാണ് ജനുവരിയിൽ അവതരിപ്പിച്ചത്. ഈ ഡിവൈസിൽ 8 ജിബി റാമും 128 ജിബി സ്റ്റോറേജുമാണ് ഉള്ളത്. ഇതിന് 18,990 രൂപയാണ് ഇപ്പോഴത്തെ വില. നേരത്തെ ഈ സ്മാർട്ട്ഫോണിന് 19,990 രൂപയായിരുന്നു വില. മിസ്റ്റിക് ബ്ലാക്ക്, ജാസി ബ്ലൂ, ഡ്രീം വൈറ്റ് കളർ ഓപ്ഷനുകളിൽ ഡിവൈസ് ലഭ്യമാണ്. മാർച്ചിൽ ഈ ഡിവൈസിന്റെ വിലയിൽ 1,000 രൂപ കുറച്ചിരുന്നുവെങ്കിലും ജിഎസ്ടി പുതുക്കിയതോടെ വില വീണ്ടും വർധിച്ച് 20,990 രൂപയിൽ എത്തിയിരുന്നു. ജൂലൈയിൽ ഡിവൈസിന് 1,000 രൂപ കുറച്ച് ലോഞ്ച് ചെയ്ത വിലയ്ക്ക് തന്നെ വിൽപ്പന നടത്തുകയായിരുന്നു.

വിവോ വൈ50: സവിശേഷതകൾ

ഹോൾ-പഞ്ച് ഡിസൈനുള്ള 6.53 ഇഞ്ച് ഫുൾ എച്ച്ഡി+ (1,080x2,340 പിക്‌സൽ) ഡിസ്‌പ്ലേയാണ് വിവോ വൈ50 സ്മാർട്ട്ഫോണിൽ ഉള്ളത്. ഈ 8 ജിബി റാമുമായി ജോടിയാക്കിയ ക്വാൽകോം സ്‌നാപ്ഡ്രാഗൺ 665 SoCയുടെ കരുത്തിലാണ് ഡിവൈസ് പ്രവർത്തിക്കുന്നത്. വിവോ വൈ50 സ്മാർട്ട്ഫോണിൽ 13 മെഗാപിക്സൽ പ്രൈമറി ഷൂട്ടർ, 8 മെഗാപിക്സൽ വൈഡ് ആംഗിൾ ഷൂട്ടർ, 2 മെഗാപിക്സൽ പോർട്രെയിറ്റ് ഷൂട്ടർ, 2 മെഗാപിക്സൽ മാക്രോ ക്യാമറ എന്നിവ ഉൾപ്പെടുന്ന ക്വാഡ് റിയർ ക്യാമറ സെറ്റപ്പാണ് ഉള്ളത്.

വിവോ വൈ50 സ്മാർട്ട്ഫോണിൽ സെൽഫികൾക്കും വീഡിയോ കോളിങിനുമായി 16 മെഗാപിക്സൽ ക്യാമറയാണ് നൽകിയിട്ടുള്ളത്. 5,000 എംഎഎച്ച് ബാറ്ററിയാണ് ഡിവൈസ് പായ്ക്ക് ചെയ്യുന്നത്. ഈ ബാറ്ററി ചാർജ് ചെയ്യാൻ ഫാസ്റ്റ് ചാർജിങ് സപ്പോർട്ട് നൽകിയിട്ടില്ല. 4 ജി എൽടിഇ, ഡ്യുവൽ-ബാൻഡ് വൈ-ഫൈ, ജിപിഎസ്, യുഎസ്ബി ടൈപ്പ്-സി പോർട്ട് എന്നിവയാണ് വിവോ വൈ50 സ്മാർട്ട്ഫോണിലെ കണക്റ്റിവിറ്റി ഓപ്ഷനുകൾ.

വിവോ എസ്1 പ്രോ: സവിശേഷതകൾ

6.38 ഇഞ്ച് ഫുൾ എച്ച്ഡി+ (1080x2340 പിക്‌സൽ) സൂപ്പർ അമോലെഡ് ഡിസ്‌പ്ലേയാണ് വിവോ എസ്1 പ്രോ സ്മാർട്ട്ഫോണിൽ നൽകിയിട്ടുള്ളത്. രണ്ട് നാനോ സിം കാർഡ് സ്ലോട്ടുകളുള്ള ഡിവൈസിന് കരുത്ത് നൽകുന്നത് 8 ജിബി റാമുമായി ജോടിയാക്കിയ ഒക്ടാ കോർ ക്വാൽകോം സ്‌നാപ്ഡ്രാഗൺ 665 SoCയാണ്. ഡിവൈസിൽ ക്വാഡ് റിയർ ക്യാമറ സെറ്റപ്പണ് ഉള്ളത്. ഇതിൽ 48 മെഗാപിക്സൽ പ്രൈമറി സെൻസർ, 8 മെഗാപിക്സൽ സെക്കൻഡറി സെൻസർ, മാക്രോ, ബോക്കെ ഷോട്ടുകൾ എന്നിവയ്ക്കായി രണ്ട് 2 മെഗാപിക്സൽ സെൻസറുകൾ എന്നിവ നൽകിയിട്ടുണ്ട്.

സെൽഫികൾക്കും വീഡിയോ കോളിങിനുായി വിവോ എസ്1 പ്രോ സ്മാർട്ട്ഫോണിന്റെ മുൻവശത്ത് 32 മെഗാപിക്സൽ സെൽഫി ക്യാമറ സെൻസറാണ് ഉള്ളത്. 128 ജിബി ഓൺബോർഡ് സ്റ്റോറേജുള്ള ഡിവൈസിൽ കണക്റ്റിവിറ്റി ഓപ്ഷനുകളായി 4 ജി വോൾട്ട്, വൈ-ഫൈ (ഡ്യുവൽ-ബാൻഡ്), ബ്ലൂടൂത്ത് വി 5.0, ജിപിഎസ് / എ-ജിപിഎസ്, യുഎസ്ബി ടൈപ്പ്-സി പോർട്ട് എന്നിവയാണ് ഉള്ളത്. 18W ഡ്യുവൽ എഞ്ചിൻ ഫാസ്റ്റ് ചാർജിംഗ് സപ്പോർട്ടുള്ള ഡിവൈസിൽ 4,500 എംഎഎച്ച് ബാറ്ററിയും നൽകിയിട്ടുണ്ട്.