ആകർഷകമായ സവിശേഷതകളോടെ വിവോ വൈ53എസ് 5ജി സ്മാർട്ട്ഫോൺ ലോഞ്ച് ചെയ്തു

വിവോ വൈ53എസ് 5ജി: വില

വിവോ വൈ53എസ് സ്മാർട്ട്ഫോൺ രണ്ട് കോൺഫിഗറേഷനുകളിലാണ് വരുന്നത്, 8 ജിബി + 128 ജിബി, 8 ജിബി + 256 ജിബി എന്നിവയാണ് ഈ വേരിയന്റുകൾ. ഇതിൽ ആദ്യത്തെ വേരിയ്ന്റിന് ആർ‌എം‌ബി 1799 (ഏകദേശം 20,510) ആണ് വില. ഹൈ എൻഡ് വേരിയന്റിന് ആർ‌എം‌ബി 1999 (ഏകദേശം 22,790) വിലയുണ്ട്. ഡിവൈസ് സ്റ്റാർറി നൈറ്റ്, സീ സാൾട്ട്, ഇറിഡെസെന്റ് കളർ വേരിയന്റുകളിൽ ലഭ്യമാകും. ഇന്ത്യൻ വിപണിയിൽ ഈ സ്മാർട്ടഫോൺ അവതരിപ്പിക്കുമോ എന്ന കാര്യം വ്യക്തമല്ല.

വിവോ വൈ53എസ് 5ജി: സവിശേഷതകൾ

6.58 ഇഞ്ച് എഫ്‌എച്ച്‌ഡി + എൽസിഡി ഡിസ്‌പ്ലേയാണ് വിവോ വൈ53എസ് 5ജി സ്മാർട്ട്ഫോണിൽ ഉള്ളത്. ഈ ഡിസ്പ്ലെയ്ക്ക് 90 ഹെർട്സ് റിഫ്രഷ് റേറ്റ് ഉണ്ട്. വാട്ടർ ഡ്രോപ്പ് നോച്ചാണ് ഡിവൈസിൽ ഉള്ളത്. 8nm ഫാബ്രിക്കേഷൻ പ്രക്രിയയിൽ നിർമ്മിച്ച ഒക്ടാ കോർ ക്വാൽകോം സ്‌നാപ്ഡ്രാഗൺ 480 പ്രോസസറാണ് ഹാൻഡ്‌സെറ്റിന് കരുത്ത് നൽകുന്നത്. ഇതിനൊപ്പം അഡ്രിനോ 619 ജിപിയുവും നൽകിയിട്ടുണ്ട്. 8 ജിബി റാമും 256 ജിബി വരെ സ്റ്റോറേജും ഈ ഡിവൈസിൽ ഉണ്ട്. ആൻഡ്രോയിഡ് 11 ബേസ്ഡ് ഒറിജിനോസ് 1.0ൽ ആണ് ഇത് പ്രവർത്തിക്കുന്നത്.

വിവോ വൈ53എസ് സ്മാർട്ട്ഫോണിൽ എൽഇഡി ഫ്ലാഷോടുകൂടിയ ഡ്യുവൽ റിയർ ക്യാമറ സെറ്റപ്പാണ് ഉള്ളത്. ഈ ക്യാമറ സെറ്റപ്പിലെ പ്രൈമറി ക്യാമറ 64 എംപി സെൻസറാണ്. ഇതിനൊപ്പം 2 എംപി മാക്രോ ലെൻസും നൽകിയിട്ടുണ്ട്. ഇത് സബ്ജക്ടിന്റെ 4cm വരെ അടുത്തുള്ള ചിത്രങ്ങൾ എടുക്കാൻ സഹായിക്കും. സെൽഫികൾക്കും വീഡിയോ കോളുകൾക്കുമായി ഈ സ്മാർട്ട്ഫോണിൽ 8 എംപി ഷൂട്ടറാണ് വിവോ നൽകിയിട്ടുള്ളത്.

18W ഫാസ്റ്റ് ചാർജിങ് സപ്പോർട്ടുള്ള 5000 എംഎഎച്ച് ബാറ്ററിയാണ് വിവോ വൈ53എസ് സ്മാർട്ട്ഫോണിൽ ഉള്ളത്. ടൈപ്പ്-സി ചാർജിംഗ് പോർട്ട്, 3.5 എംഎം ഓഡിയോ ജാക്ക്, സൈഡ് മൌണ്ട് ചെയ്ത ഫിംഗർപ്രിന്റ് സെൻസർ എന്നിവയും ഈ സ്മാർട്ട്ഫോണിൽ ഉണ്ട്. 189 ഗ്രാം ഭാരമാണ് സ്മാർട്ട്ഫോണിനുള്ളത്. ആഗോള വിപണിയിൽ ഈ ഡിവൈസ് അവതരിപ്പിക്കുന്ന കാര്യത്തിൽ ഇതുവരെ യാതെരു വിവരവും വിവോ പുറത്ത് വിട്ടിട്ടില്ല. വില കുറഞ്ഞ 5ജി സ്മാർട്ട്ഫോണായി ഈ ഡിവൈസ് ഇന്ത്യയിൽ എത്താനുള്ള സാധ്യതയും തള്ളിക്കളയാൻ ആകില്ല.