108 എംപി ക്യാമറയുമായി ഷവോമി എംഐ 10എസ് സ്മാർട്ട്ഫോൺ പുറത്തിറങ്ങി; വിലയും സവിശേഷതകളും

മൂന്ന് സ്റ്റോറേജ് വേരിയന്റുകളിലും മൂന്ന് കളർ വേരിയന്റിലും എംഐ 10എസ് ലഭ്യമാകും. 90 ഹെർട്സ് റിഫ്രഷ് റേറ്റുള്ള അമോലെഡ് ഡിസ്പ്ലേയാണ് ഈ ഡിവൈസിൽ ഉള്ളത്. മറ്റ് ചില എംഐ 10 സീരീസ് സ്മാർട്ട്‌ഫോണുകളിൽ ഉള്ളതിന് സമാനമായി 108 മെഗാപിക്സൽ പ്രൈമറി ക്യാമറയും ഈ പുതിയ ഡിവൈസിൽ ഷവോമി നൽകിയിട്ടുണ്ട്. എംഐ 10എസ് ഇന്ത്യയിൽ അവതരിപ്പിക്കുമോ എന്ന കാര്യത്തിൽ ഇതുവരെ ഷവോമി വ്യക്തത വരുത്തിയിട്ടില്ല. ഇക്കാര്യത്തിൽ വൈകാതെ തന്നെ വ്യക്തത ഉണ്ടായേക്കും.

എംഐ 10എസ്: വിലയും ലഭ്യതയും

മുകളിൽ സൂചിപ്പിച്ചത് പോലെ മൂന്ന് വേരിയന്റുകളിൽ പുറത്തിറങ്ങുന്ന എംഐ 10എസ് സ്മാർട്ട്ഫോണിന്റെ ബേസ് വേരിയന്റിൽ 8 ജിബി റാമും 128 ജിബി സ്റ്റോറജുമാണ് ഉള്ളത്. ഈ മോഡലിന് RMB 3,299 ആണ്(ഏകദേശം 37,000 രൂപ) വില. ഡിവൈസിന്റെ 8 ജിബി റാമും 256 ജിബി സ്റ്റോറേജുമുള്ള മോഡലിന് ആർ‌എം‌ബി 3,499 (ഏകദേശം 39,200 രൂപ), 12 ജിബി റാം 256 ജിബി സ്റ്റോറേജ് വേരിയന്റിന് ആർ‌എം‌ബി 3,799 (ഏകദേശം 42,600 രൂപ) എന്നിങ്ങനെയാണ് വില. രണ്ട് വ്യത്യസ്ത പാക്കേജുകളിൽ ഈ ഡിവൈസ് ലഭ്യമാകും. ബോക്സിനുള്ളിൽ ചാർജറുമായി പാക്കേജ് പതിപ്പ് വരുമ്പോൾ സ്റ്റാൻഡേർഡ് പതിപ്പ് ചാർജറില്ലാതെയാണ് വരുന്നത്. നീല, കറുപ്പ്, വെള്ള എന്നീ നിറങ്ങളിൽ ഡിവൈസ് ലഭ്യമാകും.

എംഐ 10എസ് 5ജി: സവിശേഷതകൾ

6.67 ഇഞ്ച് ഫുൾ എച്ച്ഡി + കർവ്ഡ് അമോലെഡ് ഡിസ്‌പ്ലേയുമായിട്ടാണ് ഈ സ്മാർട്ട്ഫോൺ പുറത്തിറങ്ങുന്നത്. 2,340 x 1,080 പിക്‌സൽ റെസല്യൂഷൻ, 90 ഹെർട്സ് റിഫ്രഷ് റേറ്റ്, 19.5: 9 അസ്പാക്ട് റേഷിയോ, എച്ച്ഡിആർ 10+ സപ്പോർട്ട്, 1120 നിറ്റ്സ് ബ്രൈറ്റ്നസ് എന്നീ സവിശേഷതകളുണ്ട്. സെൽഫി ക്യാമറ സ്ഥാപിക്കുന്നതിനായി പഞ്ച്-ഹോൾ കട്ട് ഔട്ടും ഡിസ്പ്ലെയിൽ നൽകിയിട്ടുണ്ട്. ഡിസ്പ്ലെയുടെ സുരക്ഷയ്ക്കായി കോർണിംഗ് ഗോറില്ല ഗ്ലാസ് 5 പ്രോട്ടക്ഷനും ഷവോമി നൽകിയിട്ടുണ്ട്.

അഡ്രിനോ 650 ജിപിയുവുമായി ജോടിയാക്കിയ ക്വാൽകോം സ്‌നാപ്ഡ്രാഗൺ 870 എസ്ഒസിയാണ് എംഐ 10എസ് സ്മാർട്ട്ഫോണിന് കരുത്ത് നൽകുന്നത്. 12 ജിബി വരെ എൽപിഡിഡിആർ 5 റാം, 256 ജിബി വരെ യുഎഫ്എസ് 3.0 സ്റ്റോറേജ് എന്നിവയും ഡിവൈസിൽ ഉണ്ട്. സ്റ്റോറേജ് എക്സ്പാൻഡ് ചെയ്യാനുള്ള സംവിധാനവും ഈ ഡിവൈസിൽ ഉണ്ട്. ആൻഡ്രോയിഡ് 11 ബേസ്ഡ് എംഐയുഐ 12 കസ്റ്റം സ്‌കിന്നും ഈ സ്മാർട്ട്ഫോണിൽ നൽകിയിട്ടുണ്ട്. കണക്റ്റിവിറ്റി ഓപ്ഷനുകളായി ബ്ലൂടൂത്ത് 5.1, എൻ‌എഫ്‌സി, യുഎസ്ബി ടൈപ്പ്-സി പോർട്ട് എന്നിവ നൽകിയിട്ടുണ്ട്.

എംഐ 10എസ് സ്മാർട്ട്ഫോണിന് പിന്നിൽ ക്വാഡ്-റിയർ ക്യാമറ സെറ്റപ്പാണ് ഉള്ളത്. ഇതിൽ 108 എംപി (എഫ് / 1.69 അപ്പർച്ചർ) പ്രൈമറി സെൻസർ, ഒഐ‌എസ്, 13 എംപി (എഫ് / 2.4) അൾട്രാ വൈഡ് ആംഗിൾ ലെൻസ്, 2 എംപി (എഫ് / 2.4) ഡെപ്ത് സെൻസറും 2 എംപി (എഫ് / 2.4) മാക്രോ ലെൻസും ഉണ്ട്. മുൻവശത്ത് 20 എംപി സെൽഫി ക്യാമറയാണ് ഉള്ളത്. 33W വയർഡ് ചാർജിംഗ്, 30W വയർലെസ് ചാർജിംഗ്, 10W റിവേഴ്സ് ചാർജിംഗ് സപ്പോർട്ട് എന്നിവയുള്ള 4,780 എംഎഎച്ച് ബാറ്ററിയാണ് സ്മാർട്ട്ഫോണിൽ ഉള്ളത്.