108 എംപി ക്യാമറയുമായി ഷവോമി Mi 10 5G ഇന്ത്യയിലെത്തി; വിലയും സവിശേഷതകളും

| Published: Friday, May 8, 2020, 18:15 [IST]

ഷവോമി എംഐ 10 5G ഇന്ത്യയിൽ ഔദ്യോഗികമായി അവതരിപ്പിച്ചു. 108 എംപി ക്യാമറ സെൻസർ, ഫാസ്റ്റ് വയർലെസ് ചാർജിംഗ് തുടങ്ങി നിരവധി സവിശേഷതകളോടെയാണ് എംഐ10 5 ജി പുറത്തിറക്കിയിരിക്കുന്നത്. മുൻനിര ക്വാൽകോം സ്‌നാപ്ഡ്രാഗൺ 865 SoC ആണ് ഈ സ്മാർട്ട്ഫോണിന് കരുത്ത് നൽകുന്നത്. ലോഞ്ച് ഇവന്റിന് മുമ്പ് ഷവോമി പറഞ്ഞുകൊണ്ടിരുന്നതുപോലെ, Mi 10 5G ഉയർന്ന വിലയുള്ള സ്മാർട്ട്ഫോൺ തന്നെയാണ്.

ഇന്ത്യയിൽ 49,999 രൂപ മുതലാണ് എംഐ 10 5 ജിയുടെ വില ആരംഭിക്കുന്നത്. ഈ ഡിവൈസ് 8 ജിബി വരെ റാമും 256 ജിബി ഇന്റേണൽ സ്റ്റോറേജുമുള്ള രണ്ട് വേരിയന്റുകളിൽ ലഭ്യമാണ്. സ്നാപ്ഡ്രാഗൺ 865 SoC ഉള്ള വൺപ്ലസ് 8, റിയൽമെ എക്സ് 50 പ്രോ, ഐക്യു 3 എന്നിവ സ്മാർട്ട്ഫോണുകൾ ഇതിനെക്കാൾ കുറഞ്ഞ വിലയിൽ ഇന്ത്യൻ വിപണിയിൽ ലഭ്യമാണ്. ഷവോമി ചൈനയിൽ നിന്ന് നേരിട്ട് യൂണിറ്റുകൾ ഇറക്കുമതി ചെയ്യുന്നതിനാലാണ് എംഐ 10ന്റെ വില വർദ്ധിച്ചത്. എംഐ10 ന്റെ 8 ജിബി + 128 ജിബി വേരിയന്റിന് 49,999 രൂപയും 8 ജിബി + 256 ജിബി മോഡലിന് 54,999 രൂപയുമാണ് വില.

കൂടുതൽ വായിക്കുക: ഹോണർ എക്സ് 10 മെയ് 20ന് അവതരിപ്പിക്കും; പ്രതീക്ഷിക്കുന്ന സവിശേഷതകൾ കൂടുതൽ വായിക്കുക: ഹോണർ എക്സ് 10 മെയ് 20ന് അവതരിപ്പിക്കും; പ്രതീക്ഷിക്കുന്ന സവിശേഷതകൾ

ഷവോമി എംഐ 10 5ജി; സവിശേഷതകൾ

16 എം കളേഴ്സുള്ള സൂപ്പർ അമോലെഡ്, എച്ച്ഡിആർ 10+ ഡിസ്‌പ്ലേയുമായിട്ടാണ് ഷവോമി എംഐ 10 5 ജി അവതരിപ്പിച്ചിരിക്കുന്നത്. 6.67 ഇഞ്ച് നീളമുള്ള സ്മാർട്ട്‌ഫോണിന്റെ സ്‌ക്രീനിന് 89.8% സ്‌ക്രീൻ-ടു-ബോഡി റേഷിയോ ഉണ്ടായിരിക്കും. സ്ക്രീനിന്റെ റെസലൂഷൻ 1080 x 2340 പിക്‌സലായിരിക്കും, കോർണിംഗ് ഗോറില്ല ഗ്ലാസ് 5 പ്രോട്ടക്ഷനുള്ള ഡിസ്‌പ്ലേയ്ക്ക് 90 ഹെർട്സ് റിഫ്രഷ് റേറ്റും 500 നിറ്റ് ബ്രൈറ്റ്നസും ഉണ്ട്.

ഡിവൈസിന്റെ ബോഡി പരിശോധിച്ചാൽ ഇതിൽ ഒരു ഗ്ലാസ് ബാക്ക്, ഗ്ലാസ് ഫ്രണ്ട് ഉള്ള അലുമിനിയം ഫ്രെയിം നൽകിയിട്ടുണ്ട്. എംഐ 10 5 ജിക്ക് 208 ഗ്രാം ഭാരമാണ് ഉള്ളത്. വിപണിയിലെ സമാന വലുപ്പത്തിലുള്ള മറ്റ് ഡിവൈസുകളുമായി താരതമ്യപ്പെടുത്തുമ്പോൾ ഈ ഭാരം അല്പം കൂടുതലാണ്. സ്മാർട്ട്‌ഫോണിന്റെ ഏറ്റവും വലിയ സവിശേഷത എൽടിഇയോടൊപ്പം 5 ജി സപ്പോർട്ടും ഉണ്ട് എന്നതാണ്.

കൂടുതൽ വായിക്കുക: വിവോ Y30 സ്മാർട്ട്ഫോൺ അവതരിപ്പിച്ചു: വിലയും സവിശേഷതകളും കൂടുതൽ വായിക്കുക: വിവോ Y30 സ്മാർട്ട്ഫോൺ അവതരിപ്പിച്ചു: വിലയും സവിശേഷതകളും

ഷവോമി എംഐ 10 5ജി; ക്യാമറ

എംഐ 10 5ജി സ്മാർട്ട്ഫോണിന്റെ പിന്നിൽ ക്വാഡ് ക്യാമറ സെറ്റപ്പാണ് നൽകിയിട്ടുള്ളത്. പ്രൈമറി ക്യാമറയോടൊപ്പം 108 എംപി ലെൻസും നൽകിയിട്ടുണ്ട്. 13 എംപി ലെൻസുള്ള അൾട്രാ വൈഡ് ആംഗിൾ ക്യാമറയാണ് ക്യാമറ സെറ്റപ്പിലെ രണ്ടാമത്തെ ക്യാമറ. മറ്റ് രണ്ട് ക്യാമറകൾ 2 എംപി ലെൻസുകളാണ്. ഒന്ന് മാക്രോ ഷൂട്ടിംഗിനും മറ്റൊന്ന് ഡെപ്ത് ക്യാമറയുമായാണ് പ്രവർത്തിക്കുന്നത്.

ഈ ഡിവൈസിൽ 4320P @ 30fps, 2160P @ 30/60fps, 1080P @ 30/60fps എന്നീ ഫോർമാറ്റുകളിൽ വീഡിയോകൾ ഷൂട്ട് ചെയ്യാൻ കഴിയും. ഡിവൈസിന്റെ സെൽഫി ക്യാമറയിൽ 20 എംപി ലെൻസാണ് നൽകിയിട്ടുള്ളത്. ക്വാൽകോം എസ്എം 8250 സ്നാപ്ഡ്രാഗൺ 865 ആണ് ഷവോമി എംഐ 10 5ജിയുടെ കരുത്ത്. ആൻഡ്രോയിഡ് 10 ബേസ്ഡ് എംഐയുഐ 11ലാണ് ഊ ഡിവൈസ് പ്രവർത്തിക്കുന്നത്.

കൂടുതൽ വായിക്കുക: പോക്കോ എഫ്2 സ്മാർട്ട്ഫോൺ മെയ് 12ന് പുറത്തിറങ്ങും; റിപ്പോർട്ട് കൂടുതൽ വായിക്കുക: പോക്കോ എഫ്2 സ്മാർട്ട്ഫോൺ മെയ് 12ന് പുറത്തിറങ്ങും; റിപ്പോർട്ട്