കിടിലൻ ക്യാമറകളുമായി ഷവോമി എംഐ 11 അൾട്ര, എംഐ 11 പ്രോ സ്മാർട്ട്ഫോണുകൾ വരുന്നു

മൈഫിക്സ്ഗൈഡിൽ നിന്നുള്ള ലീക്ക് റിപ്പോർട്ട് അനുസരിച്ച് എംഐ 11 അൾട്ര, എംഐ 11 പ്രോ എന്നിവ 67.1W ഫാസ്റ്റ് ചാർജിങ് സപ്പോർട്ടുമായിട്ടായിരിക്കും പുറത്തിറങ്ങുക. ഈ എംഐ 11 വേരിയന്റുകൾ ഇതുവരെ പുറത്തിറങ്ങിയവയേക്കാൾ വളരെ മികച്ച ഫാസ്റ്റ് ചാർജിംഗ് സാങ്കേതികവിദ്യയുള്ള സ്മാർട്ട്‌ഫോണായി മാറാൻ സാധ്യതയുണ്ട്. ഈ ഫോണുകളുടെ ക്യാമറ സെറ്റപ്പിൽ സാംസങ് ഐസോസെൽ ജിഎൻ 2 സെൻസർ ഉപയോഗിക്കുമെന്നും റിപ്പോർട്ടുകൾ ഉണ്ട്. നിലവിൽ വിപണിയിൽ ലഭ്യമായ സ്മാർട്ട്‌ഫോണിന് ഉപയോഗിക്കാൻ കഴിയുന്ന ഏറ്റവും വലിയ ക്യാമറ സെൻസറാണ് ജിഎൻ 2 സെൻസർ.

ഷവോമിയുടെ ഏറ്റവും മികച്ച സ്മാർട്ട്ഫോണാവാൻ എംആ 11 അൾട്ര

ഇപ്പോൾ വിപണിയിലുള്ള മറ്റേതൊരു സ്മാർട്ട്‌ഫോൺ ക്യാമറ സെൻസറിൽ നിന്നും വ്യത്യസ്‌തമാണ് സാംസങ് ഐസോസെൽ ജിഎൻ 2 ഇമേജ് സെൻസർ. ഇതിന് വലിയ 1.4µm പിക്‌സലുകളാണ് ഉള്ളത്. ഇത് 4-ഇൻ -1 പിക്‌സൽ ബിന്നിംഗ് ടെക്നോളജി ഉപയോഗിച്ച് മികച്ച ലോലൈറ്റ് പെർഫോമൻസ് നൽകുന്ന സെൻസറാണ്. മികച്ച ഡീറ്റെയിലും ഫോട്ടോയിൽ ലഭിക്കും. 50 മെഗാപിക്സൽ റേറ്റുചെയ്ത ഔട്ട്പുട്ടാണ് ജിഎൻ 2ൽ ഉള്ളത്. വേഗത്തിൽ ഫോക്കസ് ചെയ്യാനും ഈ സെൻസറിന് സാധിക്കും. ഡ്യുവൽ പിക്സൽ പ്രോ ഓട്ടോഫോക്കസ് സിസ്റ്റമാണ് ഇതിനായി സഹായിക്കുന്നത്.

ഷവോമി എംഐ 11 അൾട്ര

എംഐ 11 അൾട്രയുടെ ക്യാമറയുമായി ബന്ധപ്പെട്ട നേരത്തെയുള്ള ലീക്ക് റിപ്പോർട്ടുകൾ ഈ ഡിവൈസിൽ ഒരു നൂതന ക്യാമറ സിസ്റ്റം ഉണ്ടായിരിക്കുമെന്ന് സ്ഥിരീകരിക്കുന്നു. 5എക്സ് ഒപ്റ്റിക്കൽ സൂം, 120 എക്സ് ഡിജിറ്റൽ സൂം എന്നിവ സപ്പോർട്ട് ചെയ്യുന്ന പെരിസ്കോപ്പിക് ലെൻസ് സെറ്റപ്പുള്ള 48 മെഗാപിക്സൽ ടെലിഫോട്ടോ ക്യാമറ സെറ്റപ്പും ഈ ഡിവൈസിൽ ഉണ്ടായിരിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്. ഇവയ്‌ക്കൊപ്പം മറ്റൊരു 48 മെഗാപിക്സൽ അൾട്രാ വൈഡ് ക്യാമറയും ഉണ്ടായിരിക്കും.

ഷവോമി എംഐ 11 അൾട്രയുടെ ഏറ്റവും മികച്ച ഫീച്ചറുകളിലൊന്നാണ് സെക്കന്ററി ഡിസ്പ്ലേ. നേരത്തെ പുറത്ത് വന്ന ലീക്ക് റിപ്പോർട്ടുകൾ അനുസരിച്ച് ഈ ഡിസ്പ്ലേ സബ്ജറ്റുകളുടെ വ്യൂഫൈൻഡറായി പ്രവർത്തിക്കുകയും അതിൽ മുഴുവൻ എംഐ ഇന്റർഫേസ് കാണിക്കുകയും ചെയ്യും. ബാറ്ററി ചാർജിംഗ് സാങ്കേതികവിദ്യയിൽ വലിയ പുരോഗതിയായിരിക്കും ഈ ഡിവൈസ്. 67.1W സിസ്റ്റമാണ് ഒരു ഷവോമി ഈ സ്മാർട്ട്‌ഫോണിൽ നൽകുക. 55W ഫാസ്റ്റ് ചാർജിംഗ് സൊല്യൂഷനും 50W വയർലെസ് ചാർജിംഗ് സൊല്യൂഷനുമായാണ് ആഗോളതലത്തിൽ എംഐ 11 അവതരിപ്പിച്ചത്.

ഷവോമി ഉടൻ തന്നെ എംഐ 11എക്സ്, എംഐ 11എക്സ് പ്രോ എന്നീ സ്മാർട്ട്ഫോണുകൾ ഇന്ത്യയിൽ അവതരിപ്പിക്കുമെന്നാണ് റിപ്പോർട്ടുകൾ. ഈ രണ്ട് ഫോണുകളും ചൈനയിലെ റെഡ്മി കെ40, റെഡ്മി കെ 40 പ്രോ പ്ലസ് എന്നിവയുടെ പേരുകൾ മാറ്റിയ പതിപ്പായിരിക്കുമെന്നും റിപ്പോർട്ടുകൾ സൂചിപ്പിക്കുന്നുണ്ട്. റെഡ്മി കെ40 പോക്കോ എഫ്3 ആയിട്ടായിരിക്കും ആഗോളതലത്തിൽ വിപണിയിലെത്തുകയെന്നും ചില റിപ്പോർട്ടുകൾ ഉണ്ട്.