ഷവോമി എംഐ 11 അൾട്ര, എംഐ 11എക്സ്, എംഐ 11എക്സ് പ്രോ സ്മാർട്ട്ഫോണുകൾ ഇന്ത്യയിലെത്തി

ഷവോമി എംഐ 11 അൾട്ര, എംഐ 11എക്സ്, എംഐ 11എക്സ് പ്രോ: വില, ലഭ്യത

ഷവോമി എംഐ 11 അൾട്രയുടെ 12 ജിബി റാമും 256 ജിബി സ്റ്റോറേജുമുള്ള മോഡലിന് 69,990 രൂപയാണ് വില. കറുപ്പ്, വെളുപ്പ് നിറങ്ങളിൽ ഈ ഡിവൈസ് ലഭ്യമാകും. എംഐ 11എക്സ് സ്മാർട്ട്ഫോണിന്റെ 6 ജിബി + 128 ജിബി മോഡലിന് 29,999 രൂപയും. 8 ജിബി + 128 ജിബി മോഡലിന് 31,999 രൂപയുമാണ് വില. എംഐ 11 എക്സ് പ്രോയുടെ 8 ജിബി റാമും 128 ജിബി സ്റ്റോറേജുമുള്ള മോഡലിന് 39,990 രൂപയും 8 ജിബി + 256 ജിബി വേരിയന്റിന് 41,999 രൂപയും വിലയുണ്ട്. എംഐ 11 എക്സ്, എംഐ 11 എക്സ് പ്രോ എന്നിവ സെലസ്റ്റിയൽ സിൽവർ, കോസ്മിക് ബ്ലാക്ക്, ഫ്രോസ്റ്റി വൈറ്റ് നിറങ്ങളിൽ ലഭ്യമാകും.

ഷവോമി എംഐ 11 അൾട്ര: സവിശേഷതകൾ

6.81 ഇഞ്ച് ഡിസ്‌പ്ലേയുമായിട്ടാണ് എംഐ 11 അൾട്ര പുറത്തിറക്കിയിരിക്കുന്നത്. ഡബ്ല്യുക്യുഎച്ച്ഡി + (1,440x3,200 പിക്‌സലുകൾ) ഇ4 അമോലെഡ് ഡിസ്‌പ്ലേയാണ് ഇത്. 20: 9 അസ്പാക്ട് റേഷിയോ, 120 ഹെർട്സ് റിഫ്രഷ് റേറ്റ്, 480 ഹെർട്സ് ടച്ച് സാമ്പിൾ റേറ്റ്, 515 പിപിഐ പിക്‌സൽ ഡെൻസിറ്റി, 1,700 നിറ്റ്സ് പീക്ക് ബ്രൈറ്റ്നസ്, 5,000,000: 1 കോൺട്രാസ്റ്റ് റേഷ്യോ, 100 ശതമാനം ഡിസിഐ പി 3 കളർ ഗാമറ്റ് എന്നിവയാണ് ഈ ഡിസ്പ്ലെയുടെ സവിശേഷതകൾ. കോർണിംഗ് ഗോറില്ല ഗ്ലാസ് വിക്ടസ് പ്രോട്ടക്ഷനും ഈ ഡിവൈസിലുണ്ട്. 1.1 ഇഞ്ച് വലുപ്പവും 126x294 പിക്‌സൽ റെസല്യൂഷനുമുള്ള സെക്കന്ററി ഡിസ്‌പ്ലേയും ഈ സ്മാർട്ട്ഫോണിൽ ഉണ്ട്.

അഡ്രിനോ 660 ജിപിയുവിനൊപ്പം ക്വാൽകോം സ്‌നാപ്ഡ്രാഗൺ 888 എസ്ഒസിയാണ് എംഐ 11 അൾട്രയ്ക്ക് കരുത്ത് നൽകുന്നത്. 12 ജിബി എൽപിഡിഡിആർ 5 റാമും 256 ജിബി യുഎഫ്എസ് 3.1 സ്റ്റോറേജും ഡിവൈസിൽ ഉണ്ട്. ആൻഡ്രോയിഡ് 11 ബേസ്ഡ് എംഐയുഐ 12ലാണ് ഈ ഡിവൈസ് പ്രവർത്തിക്കുന്നത്. 67W വയർ, വയർലെസ് ചാർജിങ് സപ്പോർട്ടുള്ള 5,000 എംഎഎച്ച് ബാറ്ററിയാണ് എംഐ 11 അൾട്രയിൽ ഉള്ളത്. 10W റിവേഴ്‌സ് വയർലെസ് ചാർജിങും ഈ സ്മാർട്ട്ഫോണിൽ നൽകിയിട്ടുണ്ട്. ബോഡി IP68 സർട്ടിഫൈഡ് ആണ്.

എംഐ 11 അൾട്രയിൽ ട്രിപ്പിൾ റിയർ ക്യാമറ സെറ്റപ്പാണ് ഉള്ളത്. ഇതിൽ എഫ് / 1.95 ലെൻസും ഒ‌ഐ‌എസുമുള്ള 50 മെഗാപിക്സൽ പ്രൈമറി സെൻസർ, 128 ഡിഗ്രി എഫ്ഒവി ഉള്ള എഫ് / 2.2 അൾട്രാ വൈഡ് ആംഗിൾ ലെൻസോട് കൂടിയ 48 മെഗാപിക്സൽ സെൻസർ, 120എക്സ് ഡിജിറ്റൽ സൂം ഉള്ള ടെലിഫോട്ടോ ലെൻസടങ്ങുന്ന 48 മെഗാപിക്സൽ സെൻസർ എന്നിവയാണ് ഈ ക്യാമറ സെറ്റപ്പിലുള്ളത്. മുൻവശത്ത് എഫ് / 2.3 അപ്പർച്ചറുള്ള 20 മെഗാപിക്സൽ സെൽഫി ഷൂട്ടർ ഉണ്ട്.

5ജി, ഡ്യുവൽ-ബാൻഡ് വൈ-ഫൈ 6, ബ്ലൂടൂത്ത് വി 5.2, ജിപിഎസ്, എജിപിഎസ്, നാവിക് സപ്പോർട്ട്, എൻ‌എഫ്‌സി, യുഎസ്ബി ടൈപ്പ്-സി പോർട്ട് എന്നിവയാണ് എംഐ 11 അൾട്രയിലെ കണക്റ്റിവിറ്റി ഓപ്ഷനുകൾ. ആംബിയന്റ് ലൈറ്റ് സെൻസർ, പ്രോക്‌സിമിറ്റി സെൻസർ, ഇ-കോമ്പസ്, ആക്‌സിലറോമീറ്റർ, ഗൈറോസ്‌കോപ്പ്, ഹാൾ സെൻസർ, ബാരോമീറ്റർ, ഗ്രിപ്പ് സെൻസർ, കളർ ടെമ്പറേച്ചർ സെൻസർ, ഫ്ലിക്കർ സെൻസർ, മൾട്ടി-പോയിന്റ് ലേസർ ഫോക്കസ് സെൻസർ എന്നിവയാണ് ഡിവൈസിലെ സെൻസറുകൾ. ഐആർ ബ്ലാസ്റ്ററും ഇൻ-ഡിസ്പ്ലേ ഫിംഗർപ്രിന്റ് സെൻസറും ഡിവൈസിൽ ഉണ്ട്.

എംഐ 11എക്സ്, എംഐ 11എക്സ് പ്രോ : സവിശേഷതകൾ

എംഐ 11എക്സ്, എംഐ 11എക്സ് പ്രോ എന്നീ സ്മാർട്ട്ഫോണുകൾക്ക് സമാന സവിശേഷതകളാണ് ഉള്ളത്. ചില സവിശേഷതകളിൽ മാത്രമേ മാറ്റമുള്ളു. രണ്ട് ഫോണുകളിലും 6.67 ഇഞ്ച് ഫുൾ എച്ച്ഡി + (1,080x2,400 പിക്‌സൽ) ഇ4 അമോലെഡ് ഡിസ്‌പ്ലേയാണ് ഉള്ളത്. 120 ഹെർട്സ് റിഫ്രഷ് റേറ്റ്, 360 ഹെർട്സ് ടച്ച് സാമ്പിൾ റേറ്റ്, 1,300 നിറ്റ്സ് പീക്ക് ബ്രൈറ്റ്നെസ്, 5,000,000: 1 കോൺട്രാസ്റ്റ് റേഷ്യോ എച്ച്ഡിആർ 10 + സപ്പോർട്ട്, എൻ‌ടി‌എസ്‌സി കളർ സ്‌പെയ്‌സിന്റെ 107.6 ശതമാനം കവറേജ്, 100 ശതമാനം ഡിസിഐ-പി 3, എസ്‌ജി‌എസ് ഐ കെയർ സർട്ടിഫിക്കേഷൻ എന്നിവയുള്ള ഡിസ്പ്ലെയാണ് ഇത്. 92.61 ശതമാനം സ്‌ക്രീൻ-ടു-ബോഡി റേഷിയോവും ഡിസ്പ്ലെയ്ക്ക് ഉണ്ട്.

എംഐ 11 എക്സ് സ്മാർട്ട്ഫോണിന് കരുത്ത് നൽകുന്നത് അഡ്രിനോ 650 ജിപിയുവിനൊപ്പം നൽകിയിട്ടുള്ള ക്വാൽകോം സ്‌നാപ്ഡ്രാഗൺ 870 എസ്ഒസി ചിപ്പ്സെറ്റപ്പാണ്. 8 ജിബി വരെ എൽപിഡിഡിആർ 5 റാമും 128 ജിബി വരെ യുഎഫ്എസ് 3.1 സ്റ്റോറേജും ഈ ഡിവൈസിൽ ഉണ്ട്. എംഐ 11 പ്രോ സ്മാർട്ട്ഫോണിൽ എത്തുമ്പോൾ അഡ്രിനോ 660 ജിപിയു, 8 ജിബി റാം, 256 ജിബി വരെ സ്റ്റോറേജ് എന്നിവയ്ക്കൊപ്പം സ്നാപ്ഡ്രാഗൺ 888 എസ്ഒസിയാണ് ഷവോമി നൽകിയിട്ടുള്ളത്.

രണ്ട് ഫോണുകളിലും ട്രിപ്പിൾ റിയർ ക്യാമറ സെറ്റപ്പാണ് ഉള്ളത്. എംഐ 11എക്സിൽ എഫ് / 1.79 ലെൻസുള്ള ഒ.ഇ.എസ് സപ്പോർട്ടുള്ള 48 മെഗാപിക്സൽ സോണി IMX582 പ്രൈമറി സെൻസർ ഉണ്ട്. ഇതിനൊപ്പം 119 ഡിഗ്രി എഫ്ഒവി അൾട്രാ വൈഡ് എഫ് / 2.2 ലെൻസുള്ള 8 മെഗാപിക്സൽ സെൻസർ, എഫ് / 2.4 അപ്പേർച്ചറുള്ള 5 മെഗാപ്‌സിയൽ മാക്രോ ഷൂട്ടർ എന്നീ ക്യാമറകളാണ് നൽകിയിട്ടുള്ളത്. എംഐ 11 എക്സ് പ്രോയിൽ 108 മെഗാപിക്സൽ സാംസങ് എച്ച്എം 2 സെൻസറാണ് ഉള്ളത്. മറ്റ് രണ്ട് സെൻസറുകളും സമാനമാണ്. രണ്ട് ഫോണുകളിലും സെൽഫികൾക്കായി എഫ് / 2.45 ലെൻസുള്ള 20 മെഗാപിക്സൽ സെൻസറാണ് ഉള്ളത്.

രണ്ട് ഫോണുകളിലെയും കണക്റ്റിവിറ്റി ഓപ്ഷനുകൾ സമാനമാണ്. 5ജി, ഡ്യുവൽ-ബാൻഡ് വൈ-ഫൈ, വൈ-ഫൈ 6, ജിപിഎസ്, എജിപിഎസ്, നാവിക് സപ്പോർട്ട്, യുഎസ്ബി ടൈപ്പ്-സി പോർട്ട് എന്നിവയാണ് ഇവ. എംഐ 11 എക്സ് ബ്ലൂടൂത്ത് വി 5.1ഉം എംഐ 11 എക്സ് പ്രോ ബ്ലൂടൂത്ത് വി5.2ഉം ആണ് ഉആാള്ളത്. ആംബിയന്റ് ലൈറ്റ് സെൻസർ, പ്രോക്‌സിമിറ്റി സെൻസർ, ഇ-കോമ്പസ്, ആക്‌സിലറോമീറ്റർ, ഗൈറോസ്‌കോപ്പ്, സൈഡ് മൌണ്ട് ചെയ്ത ഫിംഗർപ്രിന്റ് സ്‌കാനർ എന്നിവയാണ് ഓൺബോർഡ് സെൻസറുകൾ 4,520 എംഎഎച്ച് ബാറ്ററിയുള്ള ഈ ഡിവൈസുകളിൽ 33W ഫാസ്റ്റ് ചാർജിങ്, 2.5W ന് വയർഡ് റിവേഴ്സ് ചാർജിങ് എന്നിവ സപ്പോർട്ട് ചെയ്യുന്നു.