ഷവോമി Mi A3 ആഗസ്റ്റ് 23ന് വിപണിയിലെത്തും, വില 12,999 മുതൽ

Mi A3 എത്തുന്നത് രണ്ട് മോഡലുകളിൽ

ഇന്ത്യയിൽ ഷവോമി Mi A3 എത്തുന്നത് രണ്ട് മോഡലുകളിലായാണ്. Mi A3യുടെ ബേസ് മോഡലിൽ 4GB റാം, 64GB ഇൻറേണൽ സ്റ്റോറേജ് എന്നിവ ഉണ്ടായിരിക്കും. 12,999 രൂപയാണ് ഈ ബേസ്മോഡലിൻറെ വില. രണ്ടാമത്തെ മോഡൽ എത്തുന്നത് 6GB റാമും 128GB ഇൻറേണൽ സ്റ്റോറേജുമായാണ്. 15,999 രൂപയാണ് ഈ മോഡലിൻറെ ഇന്ത്യയിലെ വില. വൈറ്റ്, ബ്ലൂ, ഗ്രേ എന്നീ മൂന്ന് വ്യത്യസ്ത നിറങ്ങളിലാണ് ഷവോമി Mi A3 പുറത്തിറക്കിയിരിക്കുന്നത്.

ഷവോമി Mi A3 സവിശേഷതകൾ

Mi A2വിൽ നിന്നും ധാരാളം പരിഷ്കാരങ്ങൾ വരുത്തി പുറത്തിറക്കിയിരിക്കുന്ന Mi A3യിൽ മനോഹരമായ ഡിസൈനും മികച്ച ക്യാമറയുമാണ് നൽകിയിരിക്കുന്നത്. വലീയ ബാറ്ററിയും മികച്ച പെർഫോമൻസും ഫോൺ നൽകുന്നു. Mi A3യിലൂടെ ഷവോമി വീണ്ടും 3.5 mm ഹെഡ്ഫോൺ ജാക്ക് തിരികെ കൊണ്ടുവരുന്നു. ആൻഡ്രോയിഡ് വൺ ഫോണിൽ ആദ്യമായി ഷവോമി മൂന്ന് പിൻക്യാമറകൾ നൽകിയിരിക്കുന്നു എന്നതും Mi A3യുടെ സവിശേഷതയാണ്. USB Type C പോർട്ടാണ് നൽകിയിരിക്കുന്നത്.

Mi A3 യുടെ ക്യാമറ

ലഭ്യമായ റിപ്പോട്ടുകൾ അനുസരിച്ച് ഇന്ത്യയിലെത്തുന്ന Mi A3 യുടെ ബാക്ക് പാനലിൽ മൂന്ന് ക്യാമറകളാണ് ഉള്ളത്. 48MP പ്രൈമറി ക്യമറ, 8MP അൾട്രാ-വൈഡ് ലെൻസ്, 2MP പോട്രൈറ്റ് ക്യാമറ എന്നിവയാണ് ബാക്ക് പാനലിൽ നൽകിയിരിക്കുന്നത്. റെഡ്മി നോട്ട് 7പ്രോ, റെഡ്മി K20 പ്രോ എന്നിവയ്ക്ക് സമാനമായി 48MP പ്രൈമറി ക്യമറയിൽ സോണി 48MP സെൻസറാണ് ഉപയോഗിച്ചിരിക്കുന്നത്. മുൻഭാഗത്ത് ഷവോമി Mi A3യ്ക്ക് 32MP ക്യാമറയാണ് ഉള്ളത്. മുൻഭാഗത്തെ ഡോട്ട് ഡ്രോപ്പ് നോച്ചിലാണ് സെൽഫി ക്യാമറ ഘടിപ്പിച്ചിട്ടുള്ളത്. എടുക്കുന്ന ചിത്രങ്ങളെ മികവുള്ളതാക്കാൻ Mi A3 ക്യാമറ നിരവധി AI ഫീച്ചേഴ്സുമായാണ് എത്തിയിരിക്കുന്നത്.

പ്രൊസസറും പെർഫോമൻസും

ഷവോമി Mi A3 6GB RAM, 128GB of internal storage എന്നിവ ഉൾപ്പെട്ട Qualcomm Snapdragon 665 പ്രൊസസറിലാണ് പ്രവർത്തിക്കുന്നത്. 256GB എക്സ്പൻറബിൾ സ്റ്റോറേജും ഫോൺ നൽകുന്നു. UFS 2.1 ഫ്ലാഷ് സ്റ്റോറേജും ഫോണിലുണ്ട്. 1560 x 720 റസലൂഷ്യനും 19.5:9 ആസ്പെക്ട് റേഷിയോയുമുള്ള 6.08 ഇഞ്ച് AMOLED ഡിസ്പ്ലെയാണ് ഫോണിലുള്ളത്. ഇപ്പോൾ വിപണിയിലെത്തുന്ന മറ്റ് റെഡ്മി ഫോണുകളെ പോലെ തന്നെ Mi A3യ്ക്ക് മുൻപിലും പിറകിലും കോർണിങ് ഗ്ലാസ് 5 സപ്പോർട്ട് നൽകിയിരിക്കുന്നു.

ഫിങ്കർപ്രിൻറ് സെൻസർ

ഷവോമി Mi A3 എത്തുന്നത് 4G ഡ്യൂവൽ സിം സപ്പോർട്ട് + microSD സപ്പോർട്ടുമായാണ്. USB Type-C പോർട്ട്, 3.5mm ഹെഡ്ഫോൺ പോർട്ട്, AI ഫേസ്ക് അൺലോക്ക് തുടങ്ങിയവയും ഫോണിൻറെ സവിശേഷതകളാണ്. Mi A3യുടെ മറ്റൊരു പ്രധാന സവിശേഷത 7th ജനറേഷൻ ഇൻഡിസ്പ്ലെ ഫിങ്കർപ്രിൻറ് സെൻസറാണ്. Mi A സീരിയസിൽ ഡിസ്പ്ലൈയ്ക്ക് അകത്ത് ഫിങ്കർപ്രിൻറ് സെൻസർ ഉള്ള ആദ്യഫോൺ കൂടിയാണ് Mi A3.

ഷവോമി Mi A3യുടെ ബാറ്ററി

ഷവോമി Mi A3 എത്തുന്നത് 4030mAh ബാറ്ററിയോടുകൂടിയാണ്. ക്വിക്ക് ചാർജ്ജ് 3.0യും 18W ഫാസ്റ്റ് ചാർജ്ജും ഫോണിൽ ഉൾപ്പെടുത്തിയിട്ടുണ്ട്. MIUIയ്ക്ക് പകരം ആൻഡ്രോയിഡ് വൺ ആണ് ഫോണിൻറെ സോഫ്റ്റ് വെയർ. അതുകൊണ്ട്തന്നെ ഈ ഷവോമി ഫോണിൽ ആഡുകളും ബ്ലോട്ട് വെയറുകളും ഉണ്ടാവില്ല.